ລາວແລະຍີ່ປຸ່ນ ເສີມສັມພັນ

ເຈົ້າໜ້າທີ່ ຣະດັບສູງ ຂອງລາວ ແລະ ຍີ່ປຸ່ນ ພົບປະ ຫາຣືກັນ ຢູ່ນະຄອນ ຫລວງ ວຽງຈັນ ເພື່ອເສີມ ຂຍາຍ ກາຣພົວພັນ.
ຫວາດ ສີມູນ
2011-04-29
ອີແມວລ໌
ຄໍາເຫັນ
Share
ພິມ
ພຣະເຈົ້າຈັກກະພັດ ຍີ່ປຸ່ນ ອ່ານສານສະແດງ ຄວາມເສົ້າສລົດໃຈ ຕໍ່ປະຊາຊົນ ໃນຕອນເກີດ ມີແຜ່ນດິນໄຫວ ແລະສຸນາມິ ເດືອນມິນາ 2011
ພຣະເຈົ້າຈັກກະພັດ ຍີ່ປຸ່ນ ອ່ານສານສະແດງ ຄວາມເສົ້າສລົດໃຈ ຕໍ່ປະຊາຊົນ ໃນຕອນເກີດ ມີແຜ່ນດິນໄຫວ ແລະສຸນາມິ ເດືອນມິນາ 2011
AFP

ກົດຟັງສຽງ

ເຈົ້າໜ້າທີ່ ຣະດັບສູງ ທາງກາຣທູຕ ສປປລາວ ແລະ ຍີ່ປຸ່ນ ໄດ້ພົບ ປະຫາຣືກັນ ຢູ່ນະຄອນຫລວງ ວຽງຈັນ ໃນມື້ວັນ ພຣະຫັດ ທີ່ 28 ເມສາ ນີ້ ເພື່ອ ພິຈາຣະນາ ເພີ່ມຂຍາຍ ສາຍກາຣ ພົວພັນ ຣະຫວ່າງ ສອງປະເທສ ໃຫ້ແໜ້ນແຟ້ນ ກວ່າເກົ່າ ໂດຽມີ ທ່ານ Kunio Umeda ເຈົ້າໜ້າທີ່ ສະຖານທູຕ ຍີ່ປຸ່ນ ປະຈຳ ສປປລາວ ພ້ອມກັບ ທ່ານ ພວງແກ້ວ ລັງສີ ເອກອະທິບໍດີ ກະຊວງກາຣ ຕ່າງປະເທສ ດ້ານ ກິຈກັມ ເອເຊັຽ ປາຊີຟິກ ແລະ ອັຟຣີກາ ພ້ອມດ້ວຍ ບຸຄຄົນອື່ນໆ ເຂົ້າຮ່ວມນຳ.

ໃນກອງປະຊຸມ ຄັ້ງນີ້ ກໍມີກາຣ ພິຈາຣະນາ ດ້ານກາຣ ຮ່ວມມື ຂອງທັງສອງ ຝ່າຍ ຊຶ່ງກໍຖື ເປັນກາຣ ປະຕິບັຕ ຕາມຂໍ້ຕົກລົງ ຣະຫວ່າງ ຢູ່ກອງປະຊຸມ ໃນເດືອນ ມີນາ 2010 ທີ່ຜ່ານມາ ໂດຽ ທາງກາຣ ຍີ່ປຸ່ນ ກໍຢືນຢັນ ທີ່ຈະສືບຕໍ່ ໂຄງກາຣໃຫ້ ຄວາມຊ່ວຍເຫລືອ ໂດຽສະເພາະ ທາງດ້ານ ພັທນາ ເສຖກິຈ ແກ່ ສປປລາວ ພາຍໃຕ້ ຄວາມເຊື່ອມໂຍງ ກັບ ອາຊ໊ຽນ.

ໃນຂນະດຽວກັນ ທາງກາຣຍີ່ປຸ່ນ ກໍມີກາຣ ເນັ້ນດ້ານກາຣ ສົ່ງເສີມ ໂຄງກາຣ ອະນຸຮັກ ສະພາບ ແວດລ້ອມ ແລະ ໂຄງກາຣ ປ້ອງກັນ ພັຍພິບັຕ ໃນເຂຕລຸ່ມ ແມ່ນ້ຳຂອງ ໄປພ້ອມໆກັນ ກັບໂຄງກາຣ ຊ່ວຍເຫລືອອື່ນໆ ໃນພູມີພາຄ ອາຊ໊ຽນ ນຳດ້ວຍ.

ເຕັມຫນ້າ