ຄົນງານລາວໄປເຮັດວຽກ ໃນໄທ

ມີແຮງງານ ຄົນລາວ ຈໍານວນ ຫລວງຫລາຍ ລັກລອບ ເຂົ້າ ປະເທດໄທ ຜ່ານດ່ານ ຊ່ອງເມັກ.
ສິດນີ
2011-06-28
ອີແມວລ໌
ຄໍາເຫັນ
Share
ພິມ
ທ່າດ່ານເຂົ້າອອກ ແຂວງຈໍາປາສັກ ວັງເຕົ່າ ຊ່ອງເມັກ ແຂວງ ອຸບົນ ຣາຊທານີ
ທ່າດ່ານເຂົ້າອອກ ແຂວງຈໍາປາສັກ ວັງເຕົ່າ ຊ່ອງເມັກ ແຂວງ ອຸບົນ ຣາຊທານີ
RFA

ກົດຟັງສຽງ

ອົງການ ສາກົນ ທີ່ໃຫ້ການ ຊ່ວຍເຫລືອ ແຮງງານ ລາວ ຖແລງວ່າ ປັດຈຸບັນ ມີ ແຮງງານ ລາວ ເປັນຈຳນວນ ຫລວງຫລາຍ ໃນແຕ່ລະມື້ ລັກລອບເຂົ້າ ປະເທດໄທ ໂດຍຜ່ານດ່ານ ຊ່ອງເມັກ ຣະຫວ່າງ ແຂວງ ອຸບົນ ຣາຊທານີ ກັບ ແຂວງ ຈຳປາສັກ. ເຫດຜົລ ກໍ່ແມ່ນວ່າ ການຂາດ ວຽກເຮັດ ງານທຳ ໃນລາວ ແລະ ສະພາບ ຄວາມທຸກຈົນ ຂອງ ປະຊາຊົນ ແລະ ຜູ້ທີ່ຈົບ ການສືກສາ ອອກມາ ກໍ່ບໍ່ມີ ວຽກເຮັດ ດັ່ງເຈົ້າຫນ້າທີ່ ເວົ້າວ່າ:

"ຈຸດຫລັກ ຂອງມັນກໍຢູ່ ໃນບໍຣິເວນ ຊ່ອງເມັກ ວັງເຕົ່າ ກັບ ປາກເຊ ກໍຄື ຈຳປາສັກ ປະເທດລາວ ນີ້ ກຸ່ມນີ້ ກໍຄືວ່າ ຜູ້ທີ່ລັກລອບ ເຂົ້າເມືອງ ໂດຍຜິດ ກົດຫມາຍ ທາງຕຳຣວດ ເຮົາແລ້ວ ກໍ່ທາງ ຕ.ມ ກໍຈະຣະບຸ ຕົວ ຄືຫມາຍເຖີງ ຈາກການ ສຳພາດ ແລ້ວ ກໍຣະບຸ ຕົວໄດ້ວ່າ ບໍ່ແມ່ນ ເປັນຜູ້ ເຄາະຮ້າຍ".

ນາງກ່າວ ຕໍ່ໄປວ່າ ຈາກການ ສອບສວນ ຂອງ ຕຳຣວດ ພົບວ່າ ແຮງງານ ສວ່ນໃຫຍ່ ທີ່ຖືກຈັບ ໃນບໍຣິເວນ ເຂດຊາຍແດນ ບໍ່ແມ່ນ ແຮງງານ ທີ່ຖືກຫລອກລວງ ຈາກນາຍຫນ້າ ແຕ່ເປັນ ກັມມະກອນ ທີ່ລັກເຂົ້າໄປ ຂາຍແຮງງານ ດ້ວຍ ຕົນເອງ ແບບ ຜິດກົຫມາຍ ເນື່ອງຈາກ ຄິດວ່າ ໄປຂາຍ ແຮງງານ ທີ່ ປະເທດໄທ ມີລາຍໄດ້ ສູງກວ່າ ທີ່ ປະເທດລາວ ຊື່ງຫລັງຈາກ ຖືກຈັບໄດ້ ທາງການລາວ ກໍ່ຈະສົ່ງ ຕົວບຸກຄົນ ເຫລົ່ານັ້ນ ໃຫ້ອົງການ ສາກົນ ເພື່ອຝືກ ອາຊີບ ໃຫ້.

ນາງວ່າ ໃນຣະຍະ 3 ປີ ທີ່ຜ່ານມາ ອົງການ ຂອງນາງ ໄດ້ມີການ ສົ່ງກັບບ້ານ ຂອງ ແຮງງານລາວ ເຖີງ 173 ຄົນ ແຕ່ຈຳນວນ ທີ່ລັກລອບ ເຂົ້າປະເທດໄທ ນັ້ນຫລາຍ ກວ່ານີ້ ຫລາຍເທົ່າ ກຸ່ມດ່ັງກ່າວ ຖ້າສາມາດ ລອດໄປໄດ້ ກໍ່ຈະເດີນ ທາງໄປ ໃນພາກສ່ວນ ຕ່າງໆຂອງໄທ ເພື່ອຊອກຫາ ວຽກເຮັດ ງານທຳ. ນາງວ່າ ບັນຫາ ຄວາມທຸກຍາກ ເປັນບັນຫາ ສຳຄັນ ໃນການ ລັກລອບ ເຂົ້າໄປ ປະເທດໄທ ຂອງແຮງງານ ລາວ.

ເຕັມຫນ້າ