ພິທີເຜົາຢາເສພຕິດ ທີ່ເດີ່ນທາດຫລວງ

ທາງກາຣ ສປປລາວ ຈັດພິທີ ທໍາລາຍ ຢາເສພຕິດ ໃນວັນຕ້ານ ຢາເສພຕິດ ສາກົນ
ຫວາດ ສີມູນ
2011-06-27
ອີແມວລ໌
ຄໍາເຫັນ
Share
ພິມ
ເດັກນ້ອຍ ເຍົາວະຊົນລາວ ຄືຜູ້ຈະສືບຕໍ່ ຊາຕາກັມ ຂອງຊາດ ຄວນຈະຢູ່ໃນ ສັງຄົມທີ່ປອດ ຢາເສພຕິດ (ເດັກນ້ອຍຄູ້ມ ບ້ານທາດຫຼວງ)
ເດັກນ້ອຍ ເຍົາວະຊົນລາວ ຄືຜູ້ຈະສືບຕໍ່ ຊາຕາກັມ ຂອງຊາດ ຄວນຈະຢູ່ໃນ ສັງຄົມທີ່ປອດ ຢາເສພຕິດ (ເດັກນ້ອຍຄູ້ມ ບ້ານທາດຫຼວງ)
RFA

ກົດຟັງສຽງ

ທາງກາຣ ສປປລາວ ໄດ້ຈັດ ພິທີ ທຳລາຍ ຢາເສພຕິດ ຂຶ້ນ ເນື່ອງໃນ ວັນຄົບຮອບ ກາຣຕໍ່ຕ້ານ ຢາເສພຕິດ ສາກົລ ຄົບຮອບ 24 ປີ ຊຶ່ງຈັດຂຶ້ນ ຢູ່ເດີ່ນ ພຣະທາຕຫລວງ ພາຍໃຕ້ ກາຣເປັນ ປະທານ ຂອງ ທ່ານ ທອງສິງ ທັມມະວົງ ນາຍົກ ຣັຖມົນຕຣີ ສປປລາວ.

ໃນພິທີ ດັ່ງກ່າວ ທ່ານສຸບັນ ສະລິດທິລາດ ປະທານ ຄນະກັມມະກາຣ ແຫ່ງຊາຕ ເປັນຜູ້ ກວດກາ ແລະ ຄວບຄຸມ ຢາເສພຕິດ ໄດ້ຣາຍງານ ກ່ຽວກັບ ວຽກງານ ກ່ຽວຂ້ອງ ທີ່ໄດ້ ປະຕິບັຕ  ໂດຽສະເພາະ ກໍແມ່ນດ້ານ ກາຣກວດກາ ເພື່ອກຳຈັດ ບັນຫາ ຢາເສພຕິດ ດັ່ງກ່າວໃນລາວ ຕລອດ ຣະຍະທີ່ ຜ່ານມາ.

ໃນຂນະດຽວກັນ ທ່ານສຸບັນ ກໍໄດ້ ໃຫ້ກາຣ ຊີ້ແຈງ ກ່ຽວກັບ ບັນຫາ ຢາເສພຕິດ ໃນລາວ ໃຫ້ແກ່ ບັນດາ ເຈົ້າໜ້າທີ່ ທາງກາຣລາວ ແລະ ຕ່າງປະເທສ ທີ່ໄດ້ ເຂົ້າຮ່ວມ ໃນພິທີ ເພື່ອຮັບ ຊາບວ່າ ຍັງມີ ບັນຫາ ກາຣ ລັກລອບ ນຳເອົາ ຢາເສພຕິດ ຈາກປະເທສ ເພື່ອນບ້ານ ເພື່ອສົ່ງຕໍ່ ໄປຍັງ ປະເທສ ເພື່ອນບ້ານ ອີກຕໍ່ນື່ງ.

ສະເພາະ ໂຄງກາຣ ຫລຸດຜ່ອນ ບັນຫາ ຢາເສພຕິດ ໃນລາວ ດັ່ງກ່າວ ທາງກາຣ ລາວ ກໍວ່າ ໄດ້ຈັດ ໂຄງກາຣ ສົ່ງເສີມ ປະຊາຊົນ ຕາມເຂຕ ຊົນນະບົທ ເພື່ອເປັນ ກາຣທົດແທນ ກາຣຍົກເລີກ ປູຕຕົ້ນຝິ່ນ ຂອງ  ປະຊາຊົນ ຕລອດຮອດ ໂຄງ ກາຣປິ່ນປົວ ແລະ ບຳບັຕ ຜູ້ທີ່ມີ ບັນຫາ ຂອງກາຣ ຕິດຢາເສພ ແລະ ກາຣໃຫ້ ຄວາມຮູ້ ແລະ ອົບຮົມໃຫ້ ປະຊາຊົນ ໄດ້ຮູ້ເຖິງ ຜົລຮ້າຍ ຂອງ ຢາເສພຕິດ ນຳດ້ວຍ.

ນອກຈາກນັ້ນ ທ່ານກໍວ່າ ທາງກາຣ ກ່ຽວຂ້ອງ ຂອງລາວ ກໍເອົາ ມາຕກາຣ ເພື່ອຄວບຄຸມ ແລະ ປ້ອງກັນ ແລະສາມາດ ຈັບຢາເສພຕິດ ໄດ້ໃນ  ຣະຍະ ທີ່ ຜ່ານມາ ຊຶ່ງກໍຮວມ ທັງຢາບ້າ ໂຮມເປັນ 186,3   8 ກິໂລກຼາມ, ຢາເຮໂຣອິນ 859.5 ກຣາມ, ຜ້າຍ້ອມຝິ່ນ 7.7 ກິໂລກຣາມ, ກັນຊາ 2,224 ກິ  ໂລກຣາມ, ໂຄເຄນ 250.50 ກຣາມ ແລະ ສາຣເຄມີ ອື່ນປະມານ 1,400,000 ເມັດ ຊຶ່ງທັ້ງໝົດ ໄດ້ນໍາໄປ   ເຜົາໄຟ ຖິ້ມ ຢູ່ ຕໍ່ໜ້າ ເຈົ້າໜ້າທີ່ ຣັຖບາລ ລາວ ແລະ ທາງກາຣ ຕ່າງປະເທສ.

ເຕັມຫນ້າ