ບ້ານພັທນາຂອງຊາວມົ້ງ ທີ່ບ້ານຜັກເບືອກ

ທາງການລາວ ວ່າໄດ້ໃຊ້ ງົບປະມານ ຫລາຍສົມຄວນ ໃນການປຸກສ້າງ ບ້ານພັທນາ ສໍາລັບຊາວມົ້ງ ທີ່ບ້ານຜັກເບືອກ ບໍຣິຄໍາໄຊ.
ມະນີຈັນ
2010-12-28
ອີແມວລ໌
ຄໍາເຫັນ
Share
ພິມ

ກົດຟັງສຽງ

ສະມາຊິກ ສະພາແຫ່ງຊາດ ຈາກແຂວງ ບໍຣິຄຳໄຊ ເວົ້າວ່າ ຣັຖບານໄດ້ ສຸມທຶນເປັນ ຈຳນວນຫລວງຫລາຍ ໃນການສ້າງ ທີ່ຢູ່ອາສັຍ ໃຫ້ຊາວມົ້ງລາວ ທີ່ຖືກສົ່ງກັບ ຈາກປະເທດໄທ ຢູ່ບ້ານພັທນາ ຜັກເບືອກ ເມືອງ ບໍຣິຄຳໄຊ ແຂວງ ບໍຣິຄຳໄຊ ດັ່ງທີ່ທ່ານ ອິນຕາ ໄຊມູນຄຳ ສະມາຊິກສະພາ ເຂດ 11 ແຂວງ ບໍຣິຄຳໄຊ ໄດ້ກ່າວຢູ່ໃນ ກອງປະຊຸມ ສມັຍສາມັນ ເມື່ອວັນທີ 24 ທັນວາ 2010 ວ່າ:

"ເວົາລວມແລ້ວ ຣັຖບານ ກໍໄດ້ສຸມທຶນຮອນ ຢ່າງມະຫາສານໃສ່ ໂດຍສະເພາະ ແມ່ນປຸກສ້າງ ທີ່ຢູ່ອາສັຍ ໃຫ້ສຳເຣັດ ແລະ ເພີ່ນກໍໄດ້ ຕັດຜັງເມືອງ ໃຫ້ໃນບ້ານ ຫັ້ນແຫລະ ເພາະວ່າມີ ຈຳນວນ 600 ກວ່າຄອບຄົວ".

ທ່ານເວົ້າຕື່ມ ອີກວ່າ ຊາວມົ້ງລາວ ທີ່ເຂົ້າມາ ອາສັຍຢູ່ທີ່ນັ້ນ ມີຈຳນວນຫລາຍ ແລະກຳລັງ ເລີ້ມຕົ້ນ ກໍ່ຮ່າງສ້າງຕົວ ດ້ວຍການເຮັດ ກະສິກັມ ແລະ ທາງການລາວ ໄດ້ແຈກຈ່າຍ ອາຫານແຫ້ງໃຫ້ ໂດຍສະເພາະ ແມ່ນເຂົ້າສານ ສຳລັບ ຣະຍະ 1 ປີ, ໃຫ້ເງິນ ຈຳນວນນຶ່ງ ເພື່ອໃຫ້ພວກ ເຂົາເຈົ້າ ສາມາດ ດຳລົງຊີວິດ ຕໍ່ໄປໄດ້.

ຕາມຄວາມຄິດ ຄວາມເຫັນ ຂອງຊາວມົ້ງລາວ ທ່ານນຶ່ງ ທີ່ອາສັຍຢູ່ ບໍຣິເວນ ຊາຍແດນພາກເໜືອ ຂອງປະເທດໄທ, ໄດ້ເວົ້າຕໍ່ ນັກຂ່າວ ວິທຍຸເອເຊັຍເສຣີ ວ່າ ຣັຖບານລາວ ພຍາຍາມ ລົງທຶນຊ່ວຍເຫລືອ ໝູ່ບ້ານຜັກເບືອກ ເປັນຈຳນວນຫລາຍ ຍ້ອນວ່າ ບໍ່ຕ້ອງການໃຫ້ ຕ່າງປະເທດ ມີປາກສຽງ ແລະເຂົ້າມາ ກົດດັນ ທາງການລາວ ໃນບັນຫາ ສິດທິມະນຸດ ແລະ ຣັຖບານລາວ ກໍຫວັງທີ່ຈະໄດ້ ຮັບເງິນຊ່ວຍເຫລືອ ຈາກຕ່າງປະເທດ ນຳອີກດ້ວຍ.

ເຕັມຫນ້າ