ຂ.ຫຼວງນໍ້າທາຕ້ອງການ ປັບປຸງນໍ້າປະປາ

ແຂວງ ຫລວງນໍ້າທາ ຕ້ອງການ ງົບປະມານ ເພື່ອ ພັທນາ ຣະບົບ ນໍ້າປະປາ.
ໂພໄຊສວັດ
2011-12-28
ອີແມວລ໌
ຄໍາເຫັນ
Share
ພິມ
ຣະບົບນໍ້າບາດານ ຂ.ຫຼວງນໍ້າທາ ທີ່ມີໃຊ້ ໃນບາງເຂດ ຊົນນະບົດ
ຣະບົບນໍ້າບາດານ ຂ.ຫຼວງນໍ້າທາ ທີ່ມີໃຊ້ ໃນບາງເຂດ ຊົນນະບົດ
RFA

ກົດຟັງສຽງ

ແຂວງ ຫລວງນໍ້າທາ ຕ້ອງການ ງົບປະມານ 5 ລ້ານ ໂດລາ ສະຫະຣັຖ ເພື່ອພັທນາ ລະບົບນໍ້າປະປາ ພາຍໃນແຂວງ ດັ່ງທ່ານ ໄຊສະໝອນ ວົງສໍາພັນ ຜູ້ອໍານວຍການ ຣັຖວິສາຫະກິຈ ນໍ້າປະປາ ຂ.ຫລວງນໍ້າທາ ອະທິບາຍ ວ່າ:

"ເພາະວ່າດຽວນີ້ ກໍາລັງ ພັທນາ ຢູ່ ແຕ່ວ່າ ດຽວນີ້ ມັນຕ້ອງມີ ເພີ້ມກວ່ານີ້ ເພາະວ່າຂຍາຍ ໃຫ້ບັນດາ ເມືອງ ທີ່ຍັງບໍ່ມີ ຕອນນີ້ ໂຕໃຫຍ່ ສາມເມືອງ ມັນມີລະບົບ ພຽງພໍ ແລ້ວເນ໋າະ ແຕ່ອີກ 2-3 ເມືອງ ນີ້ຍັງບໍມີ".

ທ່ານເວົ້າ ຕໍ່ໄປວ່າ ການຂຍາຍ ເຄືອຂ່າຍ ນໍ້າປະປາ ພາຍໃນ ແຂວງ ປັດຈຸບັນ ມີພຽງ 60 ສ່ວນຮ້ອຍ ເມື່ອຮອດ ປີ 2020 ຄາດວ່າ ຈະໃຫ້ໄດ້ 80 ສ່ວນຮ້ອຍ ເຖິງວ່າຫລາຍເມືອງ ຈະມີ ລະບົບ ນໍ້າປະປາ ໃຊ້ແລ້ວ ການຈ່າຍນໍ້າ ກໍຍັງ ບໍ່ທົ່ວເຖິງ ບໍ່ພຽງພໍ ກັບຄວາມ ຕ້ອງການ ຂອງ ປະຊາຊົນ ທາງຣັຖ ວິສາຫະກິຈ ນໍ້າປະປາ ຈຶ່ງຕ້ອງການ ຂຍາຍ ລະບົບ ສົ່ງນໍ້າ ໃຫ້ໄດ້ເພີ້ມຂຶ້ນ ແລະຄາດວ່າ ຈະຈັດໃສ່ ກ່ອນສອງເມືອງ ຄືເມືອງ ລອງ ແລະ ເມືອງນາແລ ຖ້າຫາກ ໄດ້ຮັບ ງົບປະມານ ກະວ່າການຂຍາຍ ຈະສໍາເຣັດ ພາຍໃນ 3 ປີ.

ເຖິງຢ່າງໃດ ກໍຕາມ ແຜນການຂຍາຍ ໂຄງການ ລະບົບ ນໍ້າປະປາ ພາຍໃນແຂວງ ຍັງບໍ່ທັນ ເປັນທີ່ ແນ່ນອນເທື່ອ ວ່າຈະໄດ້ ຮັບການ ອະນຸມັດ ແລະໄດ້ຮັບ ງົບປະມານ ຫລືບໍ່ ເພາະມີຫລາຍ ພາກສ່ວນ ກ່ຽວຂ້ອງ ບໍ່ມີພຽງແຕ່ ຣັຖບານ ຝ່າຍດຽວ ແລະ ເປັນໂຄງການ ລະຍະຍາວ ອີກດ້ວຍ.

ເຕັມຫນ້າ