ອະນຸສາວະຣີ ອະດີດນາຍພົລວັງປາວ

ພິທີເປີດ ອະນຸສາວະຣີ ກິຕຕິມະສັກ ມື້ລາງ ພຍາ ນໍຣະປະໂມກ ອະດີດ ນາຍພົລ ວັງປາວ ທີ່ເມືອງ ແຝຣັສໂນ ຄາລີຟໍເນັຍ ສະຫະຣັດ ອະເມຣິກາ.
ສິດນີ
2011-12-29
ອີແມວລ໌
ຄໍາເຫັນ
Share
ພິມ
ພິທີເປີດ ອະນຸສາວະຣີ ກິຕຕິມະສັກ ມື້ລາງພຍາ ນໍຣະປະໂມກ ອະດີດ ນາຍພົນ ວັງປາວ ວັນທີ 27 ທັນວາ 2011 ທີ່ ເມືອງແຝຣັສໂນ ກາລີຟໍເນັຍ ສະຫະຣັດ ອະເມຣິກາ
ພິທີເປີດ ອະນຸສາວະຣີ ກິຕຕິມະສັກ ມື້ລາງພຍາ ນໍຣະປະໂມກ ອະດີດ ນາຍພົນ ວັງປາວ ວັນທີ 27 ທັນວາ 2011 ທີ່ ເມືອງແຝຣັສໂນ ກາລີຟໍເນັຍ ສະຫະຣັດ ອະເມຣິກາ
abclocal.go.com

ກົດຟັງສຽງ

ເພື່ອຣະລຶກ ເຖີງຄຸນງາມ ຄວາມດີ ຂອງ ມື້ລາງ ພຍາ ນໍຣະປະໂມກ ອະດີດ ນາຍພົລ ວັງປາວ ວີຣະຊົນ ຂອງ ຊາວມົ້ງລາວ ແລະຊາວ ອະເມຣິກັນ ເຈົ້າໜ້າທີ່ ທາງການ ປະຈໍາເມືອງ ແຝຣັສໂນ ຣັດ ກາລີຟໍເນັຍ ໄດ້ຈັດ ພິທີເປີດ ອະນຸສາວະຣີ ກິຕຕິມະສັກ ຢ່າງເປັນ ທາງການ ໃນຖ້າມກາງ ແຂກ ຜູ້ມີກຽດ ທັງໃນ ແລະ ຕ່າງປະເທດ ແລະ ປະຊາຊົນ ຊາວມົ້ງລາວ ຫລາຍໝື່ນຄົນ ເຂົ້າຮ່ວມ ໃນມື້ວັນ ອັງຄານ ວັນທີ 27 ທັນວາ 2011 ມື້ທີສອງ ຂອງງານ ສລອງ ບຸນປີໃຫມ່ ຊາວມົ້ງລາວ.

ມື້ລາງ ພຍາ ນໍຣະປະໂມກ ວັງປາວ ເປັນອະດີດ ນາຍພົລ ໃນກອງທັບ ແຫ່ງ ພຣະຣາຊອານາຈັກລາວ ຜູ້ທີ່ໄດ້ນຳ ກອງທະຫານ ຊາວມົ້ງລາວ ຫລາຍພັນ ທີ່ໜູນຫຼັງ ໂດຍຫ້ອງການ ສືບ ຣາຊການ ລັບ ສະຫະຣັຖ ຫຼື CIA ເພື່ອຕັດ ເສັ້ນທາງ ລຳລຽງ ຂອງທະຫານ ຄອມມຸນີສ ວຽດນາມເຫນືອ ໃນສມັຍ ສົງຄາມ ວຽດນາມ. ດັ່ງເຈົ້າໜ້າທີ່ ອະເມຣິກັນ ທີ່ມາຮ່ວມ ໃນງານ ຜູ້ນື່ງເວົ້າວ່າ:

"ທ່ານໄດ້ຕໍ່ສູ້ ເພື່ອສິດ ເສຣີິພາບ ໃຫ້ແກ່ ປະຊາຊົນ ຂອງທ່ານ ໃຫ້ຄວາມຮູ້ ແລະ ໃຫ້ກຽດທຸກຄົນ ແລະ ທ່ານຍອມ ສລະຊີວີດ ເພື່ອທຸກຄົນ ໃນຊົນຊາດ ຂອງທ່ານ".

ອະນຸສາວະຣີ ຮູບປັ້ນ ຂອງທ່ານ ຈະແສດງອອກ ເຖິງພື້ນທີ່ ດິນແດນ ບ້ານເກີດ ທົ່ງໃຫຫີນ ບ່ອນທີ່ເຄີຍມີ ການສູ້ລົບ ກັນຢ່າງນອງເລືອດ ໃນສມັຍກ່ອນ. ການເສັຽ ຊິວິດ ຂອງທ່ານ ເປັນການ ສູນເສັຽ ຜູ້ນຳຄົນ ສຳຄັນ ຂອງ ຊາວມົ້ງລາວ ໃນທົ່ວໂລກ.

ມື້ລາງ ນາຍພົລ ວັງປາວ ເຂົ້າໂຮງ ພຍາບານ ເມື່ອປີກ່ອນ ຫລັງຈາກທີ່ ທ່ານມາຮ່ວມ ງານບຸນປີໃຫມ່ ຊາວມົ້ງລາວ ທີ່ ເມືອງແຟຣັສໂນ ແລະ ໄດ້ເສັຽຊີວີດ ໃນສອງອາທີດ ຕໍ່ມາ.

ຄໍາເຫັນ (5)
Share

ຜູ້ອ່ານທີ່ບໍ່ອອກຊື່

L aos not belong to Mr. Vangpao. Why you put him near the plain of jar? Plain of jar belongs to Lao people who love the country not the bad man like Vangpao. Please explain, Did you get permit from Lao government before placing his monument close to Lao jar?

Jan 07, 2012 07:38 AM

ຜູ້ອ່ານທີ່ບໍ່ອອກຊື່

ວັງປາວ ຂີ້ຕວະ ຍວະ ປະຊາຊົນລາວເຜົ່າມົ້ງທຳສົງຄາມຂ້າຄົນລາວດ້ວຍກັນ ຢ້ານຖືກລົງໂທດ ເລີຍໂຕນໜີໄປ USA .ວັງປາວບໍ່ແມ່ນວິລະຊົນ ພີ່ນ້ອງຊາວລາວທີ່ຢູ່ໃນແລະນອກຢ່າໄປຫຼງເຊື່ອ ວິລະຊົນລາວຮູບປັ້ນຫຼໍ່ຕ້ອງແມ່ນຕັ້ງຢູ່ເທິງແຜ່ນດິນປະເທດລາວເທົ່ານັ້ນ.ບາງເທື່ອຜຼ້ທີ່ຂຽນຂ່າວຂ້າງເທິງນີ້ກໍ່ອາດຈະຮູ້ດີວ່າວັງປາວບໍ່ແມ່ນວິລະຊົນ ແຕ່ຂຽນຂ່າວລົງໄປຍ້ອນເອົາໃຈ USA ເພາະກິນເງິນເດືອນເຂົາ.

Jan 04, 2012 06:07 AM

ຜູ້ອ່ານທີ່ບໍ່ອອກຊື່

RFA ແມ່ນສື່ຂອງ USA ເປັນຜູ້ຢູ່ເບື້ອງຫຼັງ ເຊັ່ນດຽວກັບ ວັງປາວ USA ຈຶ່ງສ້າງອານຸສາວະລີຂຶ້ນເພື່ອຕວະຄົນລາວທີ່ຢູ່ຕ່າງປະເທດ ຜູ້ທີ່ບໍ່ເຄີຍກັບໄປຢ້ຽມຢາມບ້ານເກີດເມືອງນອນຂອງຕົນເອງ ແຕ່ຜູ້ທີ່ເຄີຍໄປລາວປະຈຸບັນໄປເຫັນແລ້ວເຂົາເຈົ້າຈະບໍ່ເຊື່ອ.ເພາະວ່າປະເທດລາວສະດວກສະບາຍກ່ວາເກົ່າແລ້ວ. ວິລະຊົນລາວ ກໍ່ຕ້ອງມີອານຸສາວະລີຕັ້ງຢູ່ເທິງແຜ່ນດິນລາວເທົ່ານັ້ນ ເຊັ່ນ ອານູສາວະລີ ເຈົ້າ ຟ້າງຸ່ມ ເຈົ້າໄຊຍະເສດຖາທິລາດ ເຈົ້າ ອານຸວົງ ແລະອານຸສອນສະຖານ ປະທານ ໄກສອນ ພົມວິຫານ ແລະອື່ນໆ.

Jan 04, 2012 05:54 AM

ຜູ້ອ່ານທີ່ບໍ່ອອກຊື່

RFA ລົງຂ່າວໜ້າເວັບ ຄວນເອົາຄວາມຈິງມາອອກຂ່າວແດ່ ວັງປາວບໍ່ແມ່ນວິລະຊົນຂອງຊາວມົ້ງລາວ ແມ່ນພວກຂາຍຊາດຕ່າງຫາກ ຢ້ານປະຊາຊົນລາວລົງໂທດ ຈຶ່ງໂຕນໜີໄປຢູ່ຕ່າງປະເທດ ຊ້ຳພັດຕວະມົ້ງລາວໃຫ້ເອົາເງິນມາເສຍໃຫ້ວັງປາວໃນແຕ່ລະປີ.ນີ້ແມ່ນມີຈິງເພາະຂ້າພະເຈົ້າມີພີ່ນ້ອງຢູ່ USA ໄປຢາມປະເທດລາວໄດ້ເວົ້າສູ່ຟັງ.RFA ຫາກແມ່ນສື່ສານທີ່ເປັນກາງຄວນເອົາສິ່ງທີ່ເວົ້າມານີ້ລົງຂ່າວແດ່ .ບໍ່ແມ່ນຈະເວົ້າແຕ່ຕາມຄວາມຄິດຂອງຕົນເອງ.ບາງເທື່ອກໍ່ເວົ້າແຕ່ຄວາມບໍ່ມີຈິງ.

Jan 04, 2012 05:38 AM

ຜູ້ອ່ານທີ່ບໍ່ອອກຊື່

ແມ່ນໃຜເປັນຜູ້ລົງຂ່າວນີ້ວ່າ ວັງປາວເປັນວິລະຊົນ ? ວັງປາວແມ່ນຄົນຂາຍຊາດ ຖືກຊື້ຈ້າງກິນເງິນໂດລາ ຕວະຊາວມົ້ງລາວຂ້າຄົນລາວດ້ວຍກັນ ສຸດທ້າຍຖືກປະຊາຊົນລາວລົງໂທດ.ຢູ່ລາວບໍ່ໄດ້ຈຶ່ງໜີໄປຢູ່ຕ່າງປະເທດ.ຊ້ຳພັດວ່າເປັນວິລະຊົນ.ວິລະຊົນຂອງຄົນລາວຕ້ອງແມ່ນຕັ້ງຢູ່ແຜ່ນດິນລາວຄືດັ່ງອານຸສາວະລີເຈົ້າອານຸວົງ ທີ່ຕັ້ງຢູ່ທ່າວັດຈັນ ນະຄອນຫຼວງວຽງຈັນ ທີ່ປະເທດລາວ.

Jan 04, 2012 05:23 AM

ເບິ່ງຄວາມເຫັນທັງໝົດ.

ເຕັມຫນ້າ