ເຂດເສຖກິດພິເສດ ຂ.ຄໍາມ່ວນ

ນັກລົງທຶນ ຊາວໄທ ສົນໃຈ ເຂົ້າໄປລົງທຶນ ຢູ່ແຂວງ ຄໍາມ່ວນ ໃນເຂດ ເສຖກິດ ພິເສດ
ມະນີຈັນ
2011-12-28
ອີແມວລ໌
ຄໍາເຫັນ
Share
ພິມ

ກົດຟັງສຽງ

ຫລັງຈາກທີ່ ຂົວ ມິຕພາບ ລາວ-ໄທ ແຫ່ງທີ 3 ຄໍາມ່ວນ ນະຄອນພະນົມ ເປີດໃຊ້ ຢ່າງເປັນ ທາງການ ການເດີນທາງ ເຂົ້າອອກ ກໍສະດວກ ຫລາຍຂຶ້ນ ເຮັດໃຫ້ຊາວໄທ ສົນໃຈ ເຂົ້າໄປເບິ່ງ ລາດເລົາ ການລົງທຶນ ໃນເຂດ ເສຖກິດ ພິເສດ ພູຂຽວ. ຕາມຄໍາເວົ້າ ຂອງ ເຈົ້າໜ້າທີ່ ຫໍການຄ້າ ນະຄອນ ພະນົມ:

"ມີສ່ວນນຶ່ງ ຂ້າມໄປ ພິຈາຣະນາ ເບິ່ງ ຊ່ອງທາງ ທີ່ຝັ່ງ ຄໍາມ່ວນ ຫລາຍ ພໍສົມຄວນ ຕົ້ນປີ 2012 ກໍມີອີກ ຫລາຍຄນະ ຕິດຕໍ່ມາຍັງ ຫໍການຄ້າ ເພື່ອຂໍຂ້າມ ໄປສຶກສາ ຂໍ້ມູນ ແຕ່ເຂົາເຈົ້າ ກໍບໍ່ໄດ້ ເປີດເຜີຍວ່າ ເຂົາເຈົ້າ ຈະເຮັດ ທຸຣະກິດ ຫຍັງ ເພາະ ທຸຣະກິດ ບາງປະເພດ ກໍຂ້ອນຂ້າງ ເປັນ ຄວາມລັບ".

ທ່ານກ່າວ ເນັ້ນວ່າ ໃນປີ 2012 ການເຂົ້າໄປ ແຂວງຄໍາມ່ວນ ຂອງ ນັກລົງທຶນ ຊາວໄທ ຈະຄຶກຄື້ນ ແນ່ນອນ ແລະ ທີ່ຜ່ານມາ ກໍມີບາງສ່ວນ ໄດ້ໄປ ເຈຣະຈາ ເຣື່ອງການ ລົງທຶນ ແດ່ແລ້ວ ແລະບາງຄົນ ກໍໄດ້ຈອງ ພື້ນທີ່ ໃນເຂດ ເສຖກິດ ພິເສດ ພູຂຽວ ໄວ້ຮຽບຮ້ອຍ. ທາງການ ແຂວງ ຄໍາມ່ວນ ຄາດການວ່າ ຈະສາມາດ ດຶງດູດ ນັກລົງທຶນ ຊາວໄທໄດ້ ຫລັງຈາກ ຂົວ ມິຕພາບ ແຫ່ງທີ 3 ເປີດໃຊ້.

ທາງຫໍ ການຄ້າ ນະຄອນພະນົມ ຍັງບໍ່ສາມາດ ຮູ້ໄດ້ວ່າ ນັກລົງທຶນ ຊາວໄທ ທີ່ສົນໃຈ ເຂົ້າໄປລົງທຶນ ໃນເຂດ ເສຖກິດ ພິເສດນັ້ນ ຈະຄ້າຂາຍຫຍັງ ຈະເຮັດ ແທ້ຫລືບໍ່ ຫລືພຽງແຕ່ ເຂົ້າໄປ ສໍາຣວດ ເບິ່ງເທົ່ານັ້ນ.

ເຕັມຫນ້າ