ຊູຈິໄດ້ຮັບກຽດ ໃນອັງກິດ

ຍານາງ ອອງຊານຊູຈິ ຜູ້ນຳພັກ ຝ່າຍຄ້ານ ຊຶ່ງຫາກໍ ເຂົ້ານັ່ງ ໃນສະພາ ຜູ້ແທນ ຣາສດອນ ໃນເດືອນ ຜ່ານມາ ໄດ້ເດີນທາງ ໄປຢູໂຣປ.
ຫວາດ ສີມູນ
2012-06-21
ອີແມວລ໌
ຄໍາເຫັນ
Share
ພິມ
ທີ່ Oxford ປະເທດ ອັງກິດ: ຍານາງ ອອງຊານຊູຈິ (2ຂວາມື) ພ້ອມຄນະ ກໍາລັງຍ່າງ ໄປສູ່ຫໍ ທໍາພິທີ ຮັບເອົາ "ດຸສດີບັນດິຕ ກິຕຕິມະສັກ" ທີ່ ມະຫາວິທຍາໄລ Oxford ໃນວັນທີ 20 ມິຖຸນາ 2012.
ທີ່ Oxford ປະເທດ ອັງກິດ: ຍານາງ ອອງຊານຊູຈິ (2ຂວາມື) ພ້ອມຄນະ ກໍາລັງຍ່າງ ໄປສູ່ຫໍ ທໍາພິທີ ຮັບເອົາ "ດຸສດີບັນດິຕ ກິຕຕິມະສັກ" ທີ່ ມະຫາວິທຍາໄລ Oxford ໃນວັນທີ 20 ມິຖຸນາ 2012.
AFP PHOTO / BEN STANSALL

ໂດຍການຖືກ ເຊື້ອເຊີນ ໃຫ້ໄປຮັບ "ດຸສດີບັນດິຕ ກິຕຕິມະສັກ" ທີ່ ມະຫາວິທຍາລັຍ Oxford ທີ່ມີຊື່ສຽງ ຂອງອັງກິດ ໃນວັນທີ່ 20 ມິຖຸນາ 2012 ນີ້ ຢ່າງເປັນ ທາງກາຣ. ໃນຄໍາ ປາຖະກະຖາ ຍານາງ ໃນກ່າວວ່າ:

"ຂ້າພະເຈົ້າ ໃຊ້ຊີວີຕ ແບບຢູ່ດີ ກິນດີ ມາຕລອດ ແລະ ກາຣໃຊ້ຊີວີຕ ດັ່ງກ່າວ ກໍໄດ້ເຮັດໃຫ້ ຂ້າພະເຈົ້າ ຮຽນຮູ້ ແລະ ເຂົ້າໃຈດີ ເຖີງຄວາມຕ້ອງກາຣ ຂອງບັນດາ ເຍົາວະຊົນ ໜຸ່ມ ນ້ອຍ ຊາວພະມ້າ ຫລາຍຂຶ້ນ ໂດຽສະເພາະ ສິ່ງທີ່ເຂົາເຈົ້າ ຕ້ອງກາຣ ຫລາຍທີ່ສຸດ ນັ້ນກໍແມ່ນ ກາຣຢູ່ດີ ກິນດີ ຊຶ່ງເປັນສິ່ງທີ່ ເຂົາເຈົ້າ ບໍ່ເຄີຽ ມີໂອກາສ ທີ່ຈະໄດ້ຮັບ ໃນແຕ່ກ່ອນ ແຕ່ຢ່າງໃດ".

Mme Aung San Suu-kyi ໄດ້ເນັ້ນວ່າ ສິ່ງສໍາຄັນ ທີ່ສຸດ ທີ່ຍານາງ ໄດ້ຮຽນຮູ້ ຢູ່ທີ່ ມະຫາວິທຍາລັຍ Oxford ດັ່ງກ່າວ ກໍແມ່ນ ກາຣນັບຖື ມວລມະນຸສຊາຕ ທີ່ມີຄວາມ ສີວິໄລ ແລະ ກໍເປັນສິ່ງດຽວ ກັນນັ້ນ ທີ່ຊ່ວຍ ຍານາງ ໃນກາຣ ດຳຣົງ ຊີວີຕ ປະຈຳວັນ.

Mme Aung San Suu-kyi ເຄີຽໄດ້ຮັບ ກາຣສຶກສາ ຈາກ ມະຫາວິທຍາລັຍ Oxford ແຫ່ງນີ້ ໃນປີ 1964 ຫາ 1967 ແລະ ກໍເຄີຽມີ ຄອບຄົວ ຢູ່ໃນປະເທສ ອັງກິດ ກັບສາມີ ມື້ລາງ ທ່ານ Michael Aris ທີ່ເສັຽຊີວີຕ ຍ້ອນໂຣຄ ມະເຮັງ ໃນປີ 1999 ແລະຍັງມີ ລູກຊາຍ ອີກສອງຄົນ.

ຄໍາເຫັນ (1)
Share

ຄ.ນະຄຳມ່ວນ

ຈາກ ຄຳເກີດ

ຊື່ນຊົມຢ່າງສຸດອົກສຸດໃຈນຳບົດບາດຂອງ ທ່ານນາງ ໃນຮອບດ້ານໄປແຕ່ລະສະຖານທີ່,ການນຸ່ງຖືແມ່ນຢຶດແຫ້ນນ ຕາມລັກວັດທະນະທັມຂອງຊາຕ,ການວາງຕົວ,ການອອກ ຄວາມຄິດຄວາມເຫັນແມ່ນໃຊ້ປັນຍານຳພາທຸກອາລິຍະບົດ,ສົມແລ້ວກັບຄຳບູຮານລາວກ່າວໄວ້ວ່າ:ພາສາບອກເຖິງຊາຕ, ມາລະຍາດບອກເຖິງຕະກຸລ, ຂໍໃຫ້ຄວາມປາຖນາທຸກຢ່າງ ຂອງທ່ານນາງ ຈົ່ງປະສົບຜົລສຳເລັດທຸກປະການເທີ້ນ.

Jul 04, 2012 10:36 PM

ເຕັມຫນ້າ