ຍີ່ປຸ່ນຂໍໃຫ້ຈີນ ກໍາກັບນໍາເກົາຫລີເໜືອ

ຍີ່ປຸ່ນ ໄດ້ຮຽກຮ້ອງ ໃນມື້ ວັນທີ 26 ທັນວາ 2011 ໃຫ້ຈີນ ມີບົດບາດ ກໍາກັບນໍາ ເກົາຫລີເໜືອ ເພື່ອຫລີກລ້ຽງ ຄວາມບໍ່ ທຸນທ່ຽງ ໃນພູມີພາຄ ຫລັງຈາກ ການເສັຍຊີວິດ ຂອງຜູ້ນໍາ ເກົາຫລີເໜືອ ທ່ານ Kim Jong il.
ໂພໄຊສວັດ
2011-12-27
ອີແມວລ໌
ຄໍາເຫັນ
Share
ພິມ

ກົດຟັງສຽງ

ນາຍົກ ຣັຖມົນຕຣີ ຍີ່ປຸ່ນ ທ່ານ Yoshihiko Noda ກໍຍັງໄດ້ ຮຽກຮ້ອງ ໃຫ້ປະທານ ປະເທດ ສປຈີນ ທ່ານ Hu Jintao ເປີດເຜີຍ ຂໍ້ມູນ ການປ່ຽນແປງ ຕ່າງໆ ທີ່ເກີດຂຶ້ນ ໃນເກົາຫລີເໜືອ ຊຶ່ງຄົນ ສ່ວນໃຫຍ່ ກໍຄາດວ່າ ລູກຊາຍຫລ້າ ຂອງທ່ານ Kim ຄື ທ່ານ Kim Jong Un ຈະເປັນຜູ້ ສືບທອດ ອໍານາດ.

ທ່ານ Noda ໄດ້ກ່າວຕໍ່ ປະທານ ປະເທດ Hu ເມື່ອມາຢ້ຽມຢາມ ນະຄອນຫຼວງ ປັກກິ່ງ ຕາມລາຍງານ ຂອງ ເຈົ້າໜ້າທີ່ ລະດັບສູງ ຍີ່ປຸ່ນ ໃນຕອນນຶ່ງວ່າ “ມັນມີຄວາມ ສໍາຄັນ ທີ່ສຸດ ທີ່ຈະບໍ່ ປ່ອຍໃຫ້ ການຕາຍ ຂອງ ຜູ້ນໍາ ປະເທດນຶ່ງ ສ້າງຜົນ ໃນທາງລົບ ຕໍ່ຄວາມ ສງົບສຸຂ ແລະ ສະເຖັຍຣະພາບ ໃນແຫລມ ເກົາຫລີ”. ໜ້າທີ່ ຄວາມ ຮັບຜິດຊອບ ຂອງທ່ານ Kim Jong IL ມີຫລາຍຢ່າງ ຊຶ່ງຮວມທັງ ປະທານ ກັມການ ຄນະຜູ້ບັນຊາ ການທະຫານ ສູງສຸດ ຂອງ ປະເທດ.

ທ່ານ Noda ໄດ້ກ່າວ ອີກວ່າ “ຍ້ອນວ່າ ຈີນ ເປັນປະທານ ໃນການ ເຈຣະຈາ 6 ຝ່າຍ ຊຶ່ງມີ ທັງສອງ ເກົາຫລີ, ຈີນ, ຍີ່ປຸ່ນ, ຣັດເຊັຍ ແລະ ສະຫະຣັຖ ອະເມຣິກາ ເພື່ອ ພຍາຍາມ ເຮັດໃຫ້ ເກົາຫລີເໜືອ ຢຸດ ໂຄງການສ້າງ ອາວຸດ ນິວເຄລັຍ ຈີນ ຈຶ່ງມີບົດບາດ ທີ່ສໍາຄັນ ໃນການ ກໍາກັບແນະນໍາ ເກົາຫລີເໜືອ ກ່ຽວກັບ ປະເດັນ ດັ່ງກ່າວ” ນາຍົກ ຣັຖມົນຕຣີ ຍີ່ປຸ່ນ ເປັນຜູ້ນໍາ ປະເທດ ຄົນທໍາອິດ ທີ່ ໄປຢ້ຽມຢາມ ຈີນ ຫລັງຈາກການ ເສັຍຊີວິດ ຂອງທ່ານ Kim Jong Il.

ຄໍາເຫັນ (1)
Share

ຜູ້ອ່ານທີ່ບໍ່ອອກຊື່

ເປັນການພາກພູມໃຈແທ້ໆ ຊຶ່ງທາງເກົາຫລີເຫນືອໄດ້ເຫັນ ຄວາມສຳຄັນຂອງຊີວິດ ປະຊາຊົນເປັນໃຫ່ຍ ແລະຍອມຮັບເອົາການຊ່ວຍເຫລືອ ຈາກສະຫະຣັດເປັນອາຫານ ໃນຈຳນວນ 2.4ແສນຕັນ ພ້ອມຍິນຍອມລະງັບນິວເຄັຍດ້ວຍ ການເຈລະຈາ ແບບສັນຕິ.ຂ່າວນີ້ສ້າງຄວາມປະທັບໃຈ ແກ່ຄົນທົ່ວໂລກ ເວົ້າລວມ ພິເສດແມ່ນ ມວນຊົນໃນທະວີບ ນີ້ເອງ ເວົ້າ ສະເພາະ.ຂໍໃຫ້ຄວາມຈິງຈັງເດີນຫນ້າເປັນກ້າວໆຕໍ່ໄປດ້ວຍເທີ້ນ.ສາທຸ..ສາທຸ.

Mar 02, 2012 06:06 AM

ເຕັມຫນ້າ