ຣົຖໄຟໃຕ້ດິນຊຽງຮາຍ ຕໍາກັນ

ຣົຖໄຟ ໃຕ້ດິນ ຢູ່ຊຽງຮາຍ ໃນຈີນ ເກີດ ອຸບັດຕິເຫດ ຕໍາກັນ ມີຄົນ ບາດເຈັບ ຫລາຍກວ່າ 270 ຄົນ.
ໂພໄຊສວັດ
2011-09-28
ອີແມວລ໌
ຄໍາເຫັນ
Share
ພິມ
ໜ່ວຍກູ້ໄພ ຂອງຈີນ ທໍາການ ຊ່ວຍເຫຼືອ ຜູ້ບາດເຈັບ ຈາກ ອຸບັດຕິເຫດ ຣົຖໄຟ ໃຕ້ດິນ ຕໍາກັນ ໃນວັນທີ 27 ກັນຍາ 2011 ໃນໃຈກາງ ເມືອງ ຊຽງຮາຍ ປະເທດຈີນ.
ໜ່ວຍກູ້ໄພ ຂອງຈີນ ທໍາການ ຊ່ວຍເຫຼືອ ຜູ້ບາດເຈັບ ຈາກ ອຸບັດຕິເຫດ ຣົຖໄຟ ໃຕ້ດິນ ຕໍາກັນ ໃນວັນທີ 27 ກັນຍາ 2011 ໃນໃຈກາງ ເມືອງ ຊຽງຮາຍ ປະເທດຈີນ.
Imaginechina

ກົດຟັງສຽງ

ເກີດ ອຸບັດຕິເຫດ ຣົຖໄຟ ໃຕ້ດິນ ຕໍາກັນ ໃນ ນະຄອນ ຊຽງຮາຍ ຂອງຈີນ ໃນມື້ ວັນ ອັງຄານ ທີ 27 ກັນຍາ 2011 ມີຜູ້ ໄດ້ຮັບ ບາດເຈັບ ຫລາຍກວ່າ 270 ຄົນ, 20 ຄົນ ອາການ ສາຫັດ. ອຸບັດຕິເຫດ ສ້າງ ຄວາມ ບໍ່ພໍໃຈ ໃຫ້ ສາທາຣະນະຊົນ ຫລາຍຂຶ້ນ ຍ້ອນວ່າ ພຽງແຕ່ 2 ເດືອນ ກ່ອນ ກໍໄດ້ ເກີດເຫດ ຣົຖໄຟ ຄວາມໄວສູງ ຕໍາກັນ. ເຫດການ ດັ່ງກ່າວ ຊໍ່ໃຫ້ ເຫັນເຖິງ ຄວາມ ທະເຍີ ທະຍານ ໃນແຜນ ການສ້າງ ລະບົບ ຣົຖໄຟ ຂອງຈີນ ທີ່ຍັງ ບໍ່ທັນ ມີຄວາມ ປອດພັຍ.

ອຸບັດຕິເຫດ ເກີດຂຶ້ນ ໃນໃຈກາງ ນະຄອນ ຊຽງຮາຍ ໃກ້ສວນ ສາທາຣະນະ Yu Yuan ຊຶ່ງເປັນ ສະຖານທີ່ ທີ່ໄດ້ ຮັບຄວາມ ນິຍົມ ຈາກນັກ ທ່ອງທ່ຽວ ສູງ. ສາເຫດ ຂອງ ອຸບັດຕິເຫດ ແມ່ນຍ້ອນ ລະບົບ ສັນຍານ ຕິດຂັດ, ພະນັກງານ ຄວບຄຸມ ຣົຖໄຟ ຈຶ່ງໄດ້ ໃຊ້ ໂທຣະສັບ ຕິດຕໍ່ເອົາ, ແຕ່ຣົຖໄຟ ກໍໄດ້ ແລ່ນ ໃນຄວາມໄວ ຕໍ່າ ຢູ່ແລ້ວ. ອີງຕາມ ລາຍງານ ຂອງອົງການ ຂ່າວ ທາງການ.

ອົງການ ຂ່າວ ຊິນຫົວ ຂອງ ທາງການ ກ່າວວ່າ ຜູ້ທີ່ ໄດ້ຮັບ ບາດເຈັບ ສ່ວນຫລາຍ ຈະມີ ແຕ່ໜັງເປີກ ເລັກນ້ອຍ ຫລື ແຂນຂາຫັກ ແຕ່ບໍ່ ເຖິງຂັ້ນ ອັນ ຕະລາຍ ຕໍ່ຊີວິດ. ມີ ປະມານ 180 ຄົນ ໄດ້ຮັບ ອະນຸຍາດ ໃຫ້ກັບ ເມືອເຮືອນ ໄດ້.

ລະບົບ ສັນຍານ ແມ່ນ ບໍລິສັດ Casco Signal, ບໍລິສັດ ຮ່ວມ ລົງທຶນ ຈີນ-ຝຣັ່ງເສດ ຊຶ່ງເປັນ ພາກສ່ວນ ຂອງກຸ່ມ ລົງທຶນ Alstom. ບໍລິສັດ Casco ຍັງໄດ້ ເປັນຜູ້ ບໍຣິການ ລະບົບ ສັນຍານ ໃຫ້ຣົຖໄຟ ຄວາມໄວສູງ ທີ່ ຕໍາກັນ ເມື່ອ 2 ເດືອນກ່ອນ. ທາງການ ຈີນ ໄດ້ເລີ້ມ ການສືບສວນ ກ່ຽວກັບ ອຸບັດຕິເຫດ ຣົຖໄຟ ໃຕ້ດິນ ຕໍາກັນ ນີ້ຢູ່ ເພື່ອຊອກຫາ ສາເຫດ ທີ່ ແທ້ຈິງ.

ເຕັມຫນ້າ