ອອງຊານຊູຈິ ຫາຊ່ອງທາງເຈຣະຈາ

ມາດາມ ອອງຊານຊູຈິ ຜູ້ນໍາ ເພື່ອ ປະຊາທິປະໄຕ ພະມ້າ ຊອກຊ່ອງທາງ ເຈຣະຈາ ກັບ ຣັຖບານ ທະຫານພະມ້າ.
ຈໍາປາທອງ
2010-12-13
ອີແມວລ໌
ຄໍາເຫັນ
Share
ພິມ

ກົດຟັງສຽງ

ມາດາມ ອອງຊານຊູຈິ ຜູ້ນຳ ເພື່ອ ປະຊາທິປະໄຕ ພະມ້າ ມີຄວາມ ຍິນດີທີ່ ຈະອົດທົນ ຊອກຊ່ອງທາງ ເຈຣະຈາ ກັບຜູ້ນຳ ຣັຖບານ ທະຫານພະມ້າ ທີ່ໄດ້ເລີ້ມ ມາຕັ້ງແຕ່ ເດືອນທີ່ແລ້ວ ພາຍຫລັງ ການເລືອກຕັ້ງ ທີ່ມີການ ຂັດແຍ່ງກັນ ອັນເຮັດໃຫ້ ຝ່າຍທະຫານ ກຳອຳນາດ ຢູ່ຕໍ່ໄປ. ຕາມຣາຍງານ ຂອງ ໜັງສືພີມ ທີ່ພະມ້າ. ໃນການໃຫ້ ສຳພາດ ຕໍ່ເຄືອຂ່າຍ ວິທຍຸມວນຊົນ NHK ຂອງ ຍີ່ປຸ່ນ ໃນວັນອາທິດ ວ່າ ມາດາມ ອອງຊານຊູຈິ ກ່າວວ່າ:

“ຄວາມເຊື່ອຖືໄດ້ ຂອງຣັຖບານ ພະມ້າ ບໍ່ຂຶ້ນຢູ່ກັບ ສະຖິຕິຕ່າງໆ. ມັນຂຶ້ນຢູ່ ກັບຄວາມສມັກໃຈ ຂອງ ປະຊາຊົນ, ຂຶ້ນຢູ່ກັບ ການສນັບສນູນ ຢ່າງແທ້ຈິງ ຂອງ ປະຊາຊົນ“. ມາດາມ ກ່າວຕື່ມອີກວ່າ: “ ຕ້ອງລໍຖ້າ ເບິ່ງວ່າຈະຮູ້ ຄວາມຈິງ ແທ້ນັ້ນ ເປັນແນວໃດ “. ມາດາມ ອອງຊານຊູຈິ ຜູ້ໄດ້ຮັບ ຣາງວັນ Nobel ຂແນງ ສັນຕິພາບ ໃນປີ 1991 ວ່າ: "ຂ້າພະເຈົ້າ ຢາກຈະເວົ້າເຖິງ ອິດທິພົນ ແນວໃດແນວນຶ່ງ ທີ່ຂ້າພະເຈົ້າ ມີ, ຖ້າຫາກວ່າ ຂ້າພະເຈົ້າ ມີອິດທິພົນ ໃນໝູ່ປວງ ຊົນພະມ້າ, ຂ້າພະເຈົ້າ ຈະໃຊ້ ອິດທິພົນ ທີ່ມີນັ້ນ ນຳມາຊຶ່ງ ຄວາມຖືກຕ້ອງ ປອງດອງຊາດ “. ແລະວ່າ “ຣັຖບານ ທະຫານພະມ້າ ບໍ່ເຄີຍໃຫ້ ຄວາມສົນໃຈ ນຳການ ເຈຣະຈາກັນ ພໍເທົ່າໃດ ແຕ່ພວກເຮົາ ກໍຕ້ອງອົດທົນ ບາກບັ່ນ ໄປຈົນເຖິງ ທີ່ສຸດ  ແລະ ພວກເຮົາມີ ຄວາມສາມາດ ໃນການທີ່ ຈະອົດທົນ ບາກບັ່ນ ນັ້ນໄດ້“.

ມາດາມ ອອງຊານຊູຈິ ເປັນຜູ້ນຳພັກ ສັນນິບາດ ແຫ່ງຊາດ ເພື່ອປະຊາທິປະໄຕ ທີ່ໄດ້ຖືກຍຸບ ຍ້ອນຄັດຄ້ານ ການເລືອກຕັ້ງ ຂອງຣັຖບານ ທະຫານພະມ້າ ໃນວັນທີ 7 ພຶສຈິກາ ຜ່ານມາ.

ເຕັມຫນ້າ