ནུབ་བྱང་བོད་རིགས་ཚོགས་པའི་དབྱར་ཁའི་སྐད་ཡིག་དང་རིག་གཞུང་གསབ་ཁྲིད།

ཨ་རིའི་ཝ་ཤིན་ཀྲོན་མངའ་སྡེའི་ Oregon ས་གནས་སུ་ནུབ་བྱང་བོད་རིགས་ཚོགས་པའི་དབྱར་ཁའི་སྐད་ཡིག་དང་རིག་གཞུང་གསབ་ཁྲིད་དེ་འདི་ལོའི་ཟླ་༧ཚེས་༣༠ ནས་༨ཚེས་༦ བར་ས་གནས་Wa-Ri-Ka ཞེས་པའི་སྡོད་སྒར་དུ་ཚོགས་ཡོད་པ་རེད། ཨོ་རེ་སྒང་ Oregon ས་གནས་གཙོ་བོར་གྱུར་པའི་ཨ་རིའི་ས་གནས་ཁག་ནས་བོད་རིགས་གཞོན་སྐྱེས་༥༠ལྷག་ཙམ་ལ་བདུན་གཅིག་གི་གསབ་ཁྲིད་དེའི་རིང་སེམས་ལྷིང་འཇགས་ཀྱི་ཆེད་དུ་སྒོམ་སྒྲུབ་དང་བོད་པའི་ནང་ཆོས། བོད་ཀྱི་ལོ་རྒྱུས་དང་རིག་གཞུང་། སྒྱུ་རྩལ་དང་རོལ་ཆ། གཞས་དང་ཞབས་བྲོ། གཞན་ཡང་རྩེད་རིགས་སོགས་གོ་སྒྲིག་བྱས་འདུག ད་དུང་གཞོན་སྐྱེས་ཚོར་ཆོས་ལུགས་ལ་མ་བརྟེན་པའི་བཟང་སྤྱོད་སཱི་ཤེས་ཡོན་སློབ་གསོ་སོགས་སློབ་ཁྲིད་གནང་ཡོད་པ་རེད།

དེ་རིང་ཁ་བའི་གྲོས་རྭ་ལེ་ཚན་ནང་བོད་རིགས་གཞོན་སྐྱེས་ཚོར་དབྱར་ཁའི་ཟབ་སྦྱོང་ནང་མཉམ་ཞུགས་བྱེད་པ་ཕན་ཐོགས་དང་། གཞོན་སྐྱེས་ཚོར་བོད་ཀྱི་ལོ་རྒྱུས་སློབ་ཁྲིད་ཀྱི་ཐབས་ལམ་དང་གལ་གནད། ཕྲུ་གུའི་སེམས་ཁམས་དང་མཐུན་པའི་ཕ་མས་བཀའ་མོལ་གནང་ཕྱོགས་སྐོར་བཅས། གསབ་ཁྲིད་ཆེད་དུ་གདན་ཞུ་ཞུས་པའི་ ཝ་ཤིན་ཏྲོན་མངའ་སྡེའི་Olympiaས་གནས་ཀྱི་Evergreen State Collegeཟེར་བའི་སློབ་དཔོན་འཇམ་དབྱངས་ཚུལ་ཁྲིམས་ལགས་དང་ཨེ་མོ་རི་གཙུག་ལག་སློབ་གྲྭ་ཆེན་མོའི་རྒན་ཚེ་དཔག་རིག་འཛིན་ལགས་རྣམ་པ་གཉིས་དང་ལྷན་རྩོམ་སྒྲིག་འགན་འཛིན་རྡོ་རྗེ་དགྲ་འདུལ་གྱིས་བཅའ་འདྲི་བྱེད་པ་གསན་རོགས་ཞུ།

གསར་འགོད་པ། རྡོ་རྗེ་དགྲ་འདུལ།

རྩོམ་སྒྲིག་པ། རྡོ་རྗེ་དགྲ་འདུལ།

དྲྭ་ཐོག་སྤེལ་མཁན། པ་སངས་དོན་ལྡན།