ཡོ་རོབ་ཡུལ་གྲུ་སྦེལ་འཇམ་ནང་གནས་ཚུལ་མཁོ་གཏོང་བའི་ས་མིག

2018-08-24
གློག་འཕྲིན།
མཆན།
Share
པར་བཀོད།
› ཡོ་རོབ་ཡུལ་གྲུ་སྦེལ་འཇམ་ནང་གནས་ཚུལ་མཁོ་གཏོང་བའི་ས་མིག
› ཡོ་རོབ་ཡུལ་གྲུ་སྦེལ་འཇམ་ནང་གནས་ཚུལ་མཁོ་གཏོང་བའི་ས་མིག
Photo: RFA

 

གསར་འགོད་པའི་ས་མིག་གསལ་བསྒྲགས།
ཨ་མི་རི་ཀའི་རྒྱལ་ས་ཝ་ཤིང་ཊོན་དུ་རྟེན་གཞི་བྱེད་པའི་ཨེ་ཤེ་ཡ་རང་དབང་རླུང་འཕྲིན་ཁང་གི་ཡོ་རོབ་ཡུལ་གྲུ་སྦེལ་འཇམ་ནང་གནས་ཚུལ་མཁོ་གཏོང་བའི་ས་མིག་གསལ་བསྒྲགས།

དགོས་ངེས་ཆ་རྐྱེན།
༡༽ བོད་སྐད་དང་བོད་ཡིག་གི་ཤེས་ཚད་མཐོ་སློབ་ཐོན་པའམ་ཡང་ན་མཐོ་སློབ་ཀྱི་ཤེས་ཚད་ཡོད་པ་ ཁུངས་ལྡན་ར་ཕྲོད་ཐུབ་པ་དགོས་པ།
༢༽ དབྱིན་ཡིག་དང་། ཧྥརན་སིའི་སྐད་ཡིག་རང་རྐྱ་འཕེར་ངེས་དགོས་ཅིང་།  དེའི་ཐོག་རྒྱ་ཡིག་སོགས་ཀྱི་ སྐད་ཡིག་ཤེས་ཚད་ཡོད་ཚེ་དམིགས་བསལ་ཆ་རྐྱེན་དུ་ངོས་འཛིན་བྱ་རྒྱུ།
༣༽ བོད་ནང་གི་གནས་ཚུལ་མཁོ་སྒྲུབ་ཐུབ་པ།
༤༽ བོད་ཕྱི་ནང་དང་། ལྷག་པར་དུ་ཡོ་རོབ་ནང་བྱུང་བའི་བོད་དོན་དང་འབྲེལ་བའི་གནད་དོན།  རྒྱ་ནག་ དང་ཡོ་རོབ་དབར་གྱི་འབྲེལ་བ།  རྒྱལ་སྤྱི་དང་རྒྱ་ནག་དབར་གྱི་འབྲེལ་བའི་གནས་བབས་སོགས་ཀྱི་ཤེས་ ཚད་གང་ལེགས་ཡོད་པ།
༥༽ ཡོ་རོབ་སྤྱི་མཐུན་གྱི་རྒྱལ་ཁབ་གང་རུང་ནང་གཏན་སྡོད་ཆོག་པ་དང་། རྒྱལ་ཁབ་དེ་དག་གི་ནང་འགྲིམ་ འགྲུལ་ཆོག་པའི་གཞུང་འབྲེལ་གྱི་ཡིག་ཆ་ཡོད་པ།
༦༽  དྲང་བདེན་དང༌། ཕྱོགས་ལྷུང་མེད་པར་ཁྱོན་ཡོངས་ཀྱི་གནས་ཚུལ་མཁོ་སྒྲུབ་བྱེད་ཐུབ་པ།
༧༽ སྲིད་གཞུང་དང་། ཆབ་སྲིད་ཀྱི་ཚོགས་པ། ཆོས་ལུགས་སྡེ་ཁག་གང་ཡང་རུང་བའི་ཤུགས་རྐྱེན་འོག་
མ་སོང་བར་རང་ཉིད་གསར་འགོད་པའི་ངོ་བོར་དྲང་ཚུགས་འཕེར་བའི་ཐོག་གནས་ཐུབ་པ།
༨༽ རང་ཉིད་གནས་ཡུལ་རྒྱལ་ཁབ་ནང་གི་གསར་འགོད་པའི་སྒྲིག་གཞི་ཤེས་རྟོགས་ཡོད་པ།
༩༽ བརྙན་འཕྲིན་དང་རླུང་འཕྲིན་གཉིས་ཀའི་ཐོག་གནས་ཚུལ་འབྲི་བཀོད་དང་དྲི་ལན་།  དེ་བཞིན་བརྙན་ འཕྲིན་ཕྱོགས་བསྒྲིགས། (Video) སོགས་བྱེད་ཐུབ་པ། ༼གསར་འགོད་པའི་ལས་ཀར་ བདམས་ཐོན་ ཟིན་རྗེས་སྒྲ་དང་བརྙན་པར་ཕྱོགས་བསྒྲིགས་ཀྱི་སྦྱོང་བརྡར་སྤྲོད་རྒྱུ།༽
༡༠༽ གསར་འགོད་ལས་རིགས་ལ་བྱང་ཆ་ཡོད་པའམ།  གསར་འགོད་ལས་རིགས་ཐོག་སློབ་སྦྱོང་གི་ལག་ འཁྱེར་ཡོད་པ་ཚོར་དམིགས་བསལ་ཆ་རྐྱེན་ངོས་འཛིན་བྱེད་རྒྱུ།
ལས་འགན།
ཨ་རིའི་རྒྱལ་ས་ཝ་ཤིང་ཊོན་དུ་ཡོད་པའི་ལས་ཁུངས་ཨ་མའི་བཀོད་མངགས་འོག་གཙོ་བོ་ཡོ་རོབ་ནང་བྱུང་བའི་བོད་དོན་དང་འབྲེལ་བའི་གནས་ཚུལ་དང་། བོད་ནང་གི་གནས་ཚུལ། དེ་མིན་འབྲེལ་ཆགས་ཀྱི་གནས་ཚུལ་རྩད་ཞིབ་བྱས་ཅིང་། ཁུངས་ལྡན་ཡིན་པ། རང་བཞིན་ཅན་གྱི་སྒྲ་དང་བརྙན་པར་ལྡན་པའི་གནས་ཚུལ་དུས་ཐོག་ཏུ་གཏོང་རྒྱུ།
གཞུང་དང་སྒྲིག་འཛུགས་ཁག་གིས་སྤེལ་བའི་དྲིལ་བསྒྲགས་ལ་སོགས་པ་ཁོ་ནའི་གནས་ཚུལ་མཁོ་སྒྲུབ་བྱས་པ་མིན་པར། སོ་སོ་རང་གིས་གནས་ཚུལ་སྣ་ཚོགས་མཁོ་སྒྲུབ་ཐུབ་པ་དགོས་པ།
ལས་ཡུན།
ཐོག་མར་ལོ་གཅིག་རིང་གི་གན་རྒྱ་དང་།  དོ་བདག་གི་ལས་ཀར་ལས་ཁུངས་ཨ་མ་ནས་གདེང་འཇོག་འཕེར་བ་བྱུང་ཚེ། ལོ་ལྟར་ཕྱི་ཟླ་དགུ་པའི་ཟླ་མཇུག་ཏུ་གན་རྒྱ་བསྐྱར་གསོ་བྱ་རྒྱུ།
གོང་གསལ་གསར་འགོད་པའི་ལས་ཀ་འདི་བཞིན་ཨེ་ཤེ་ཡ་རང་དབང་རླུང་འཕྲིན་ཁང་གི་ལས་བྱེད་ངོ་མ་མིན། ལོ་ལྟར་གན་རྒྱའི་འོག་ལས་ཀ་བྱེད་དགོས།
ཁྱེད་ལ་ཨེ་ཤེ་ཡ་རང་དབང་རླུང་འཕྲིན་ཁང་གི་གསར་འགོད་པའི་ལས་ཀར་ཞུགས་འདོད་ཡོད་ཚེ་གཤམ་གསལ་ཁ་བྱང་ཐོག་སློབ་ཐོན་ལག་ཁྱེར་དང་། དོ་བདག་གི་ལོ་རྒྱུས། གསར་འགོད་པའི་ལས་ཀ་བྱེད་འདོད་ཡོད་པའི་རྒྱུ་མཚན་དང་། དམིགས་ཡུལ་སོགས་འཁོད་པའི་ཁ་ཤོག་འཚང་སྙན་བཅས་
ཕྱི་ལོ་ ༢༠༡༨ ཕྱི་ཟླ ༩  ཚེས  ༡༥ འགྱངས་མེད་གློག་འཕྲིན་ཁ་བྱང། Email:chhonzomd@rfa.org བརྒྱུད་ནས་ངེས་འབུལ་དགོས་པ་དགོངས་འཇགས་ཞུ།


མཆན། (3)
Share

མིང་འདོན་མེད་པའི་ཀློག་མཁན།

The position is primarily for Brussels but we would consider offering it to well deserving candidate residing in other parts of Europe.

Kalden Lodoe
Director
Radio Free Asia Tibetan Service

Aug 30, 2018 03:23 PM

RFA

ནས། washington dc

This job is available to a qualified Tibetan who can report from Brussels on a timely basis.

Aug 30, 2018 02:59 PM

tsomo

ནས། france

hello,

This is job available for Brussels residents only, or all countries within europe?

Appreciate your response.

Regards,

Tsomo

Aug 26, 2018 05:39 AM

དྲ་གནས་ཆ་ཚང༌།