དཀྲོག་གཏམ་སྤེལ་མཁན་མི་གྲངས་༡༠༠༠ལྷག་འཛིན་བཟུང་།

དེ་ཡང་ཆོས་ལུགས་དེར་ཡིད་ཆེས་བྱེད་མཁན་གྱི་ཚོགས་པ་Almighty Godཞེས་པའི་ཚོགས་པའི་ཚོགས་མི་གྲངས་༣༥༠ ཞིག་རྒྱ་ནག་གི་ནུབ་བྱང་ཞིང་ཆེན་Guizhouལ་དོ་དམ་བྱས་ཡོད་པ་དང་། ཡང་མི་གྲངས་  ༤༠༠ སྐོར་ཞིག་ཆིང་ཧའི་ཞིང་ཆེན་ནང་འཛིན་བཟུང་བྱས་ཡོད་པ་སོགས་རྒྱ་ནག་གི་ཞིང་ཆེན་འདྲ་མིན་ནས་མི་གྲངས་༡༠༠༠ལྷག་འཛིན་བཟུང་བྱས་ཡོད་འདུག

ཚོགས་པ་དེས་བདུན་འདིའི་རེས་གཟའ་པ་སངས་ནས་འཛམ་གླིང་ནང་མུན་ནག་གི་ཉིན་མོ་འཆར་རྒྱུ་དང་། ཚོགས་པའི་ཚོགས་མི་རྣམས་ཀྱིས་འབྲུག་དམར་པོ་ཆེན་པོ་ཞེས་རྒྱ་ནག་ཧུང་ཁྲན་ཏང་གི་གཞུང་དེ་རྩ་མེད་བཟོ་དགོས་པའི་འབོད་བསྐུལ་གནང་ཡོད་པ་རེད་། དེ་བཞིན་ཚོགས་པ་དེས་སྟོན་པ་ཡེ་ཤེས་བུད་མེད་ཀྱི་ཚུལ་དུ་བྱོན་ཡོད་པ་དང་། འཛམ་གླིང་ཐོག་ས་ཡོམ་དང་མཚོ་རླབས་ཡོང་རྒྱུར་ཡིད་ཆེས་བྱེད་ཀྱི་ཡོད་པ་རེད་། དེ་ལྟར་འཛམ་གླིང་མེད་པར་ཆགས་རྒྱུའི་སྔོན་དཔགས་ཀྱི་གནས་ཚུལ་དེ་རྒྱ་ནག་ནང་རྒྱ་ཆེར་ཁྱབ་ཡོད་པ་དང་། དེ་ནི་ཨ་མི་རི་ཀའི་གློག་བརྙན་2012 ཞེས་པ་དེ་རྒྱ་ནག་ནང་བལྟ་མཁན་ཤུགས་ཆེ་བྱུང་ཡོད་པས་ཡིན་འདུག།

གནས་ཚུལ་ལྟར་ན། རྒྱ་ནག་གི་Almighty God ཞེས་པའི་ཆོས་ཚོགས་དེ་ཕྱི་ལོ་ ༡༩༩༠ ལོའི་ནང་འགོ་འཛུགས་བྱུང་ཡོད་ཀྱང་གཞུང་ཕྱོགས་ནས་བཀའ་འཁྲོལ་མེད་པའི་ཆོས་ལུགས་ཁག་གི་ཐོག་དམ་དྲག་ཤུགས་ཆེ་ཡོད་པའི་དབང་གིས་ཆོས་ཚོགས་དེ་དག་ད་བར་གསང་བའི་ཐོག་གནས་དགོས་བྱུང་ཡོད་པ་རེད་། རྒྱ་གཞུང་གིས་ད་ཐེངས་ཆོས་ཚོགས་དེར་དམ་དྲག་གི་ལས་དོན་དེ་བོད་མདོ་སྨད་ཁུལ་དུ་བོད་མིས་རང་ལུས་མེར་བསྲེག་གི་དོན་རྐྱེན་ཁག་དང་འབྲེལ་བ་ཡོད་སྐོར་ཡང་བཤད་ཡོད་པ་རེད་འདུག