ཐག་གཅོད་མ་བྱས་པར་ཡང་བསྐྱར་དུས་འགྱངས་བྱས་འདུག


2014.03.18
གསུམ་བཅུའི་དུས་དྲན་ཉིན་འཇུ་བཟུང་བྱས་བའི་བོད་མི་བལ་ཡུལ་གྱི་ཉེན་རྟོག་བཀག་ཉར་ཁང་དུ་ལག་ལྕགས་རྒྱབ་ནས་ཡོད་པ། ༢༠༡༤།༣།༡༧ གསུམ་བཅུའི་དུས་དྲན་ཉིན་འཇུ་བཟུང་བྱས་བའི་བོད་མི་བལ་ཡུལ་གྱི་ཉེན་རྟོག་བཀག་ཉར་ཁང་དུ་ལག་ལྕགས་རྒྱབ་ནས་ཡོད་པ། ༢༠༡༤།༣།༡༧
པར། བཟང་པོ།

བལ་ཡུལ་རྒྱ་ནག་གཞུང་ཚབ་ཁང་གི་མདུན་འཇུ་བཟུང་བྱས་བའི་བོད་མི་ལྔའི་ཐག་གཅོད་དུས་བཀག་ཡང་བསྐྱར་དུས་འགྱངས་བྱས་འདུག
དེ་ཡང་ཟླ་༣པའི་ཚེས༡༠བོད་མིའི་རང་དབང་སྒེར་ལངས་གསུམ་བཅུའི་དུས་དྲན་ཉིན་བལ་ཡུལ་ནང་དམ་བསྒྲཌ་ཡོད་མིན་ལ་མ་ལྟོས་པར། རྒྱལ་ས་ཀ་ཐ་མན་ཀྲོའུ་ནང་རྟེན་གཞི་བྱས་པའི་རྒྱ་ནག་གཞུང་ཚབ་ཡན་ལག་མཐོང་མཆན་ལས་ཁུངས་དང་། ཤིན་ཧ་གསར་ལས་ཁང་ཡོད་སར་གློ་བུར་བོད་དོན་ཞི་བའི་རྔམ་སྟོན་སྐད་འབོད་བྱས་རྐྱེན་འཇུ་བཟུང་བྱས་བའི་བོད་མི་ཕོ་མོ་མི་གྲངས་ལྔ་ཡོད་པ་ཚོའི་ཐག་གཅོད་དུས་བཀག་ཡང་བསྐྱར་བདུན་ཕྲག་གཅིག་གི་རིང་དུས་འགྱངས་བྱས་ཡོད་པ་དང་། ད་ལྟ་བོད་མི་ཁོང་ཚོ་Hanuman Dhokaཉེན་རྟོག་བཀག་ཉར་ཁང་ལ་བཀག་ཉར་བྱས་བསྡད་ཡོད་པ་རེད། གོང་གི་བོད་མི་ལྔ་བོས་གསུམ་བཅུའི་དུས་དྲན་ཉིན་ལག་ལ་བོད་ཀྱི་རྒྱལ་དར་འཕྱར་བཞིན་བོད་རང་བཙན་ཡིན། རྒྱ་མི་བོད་ནས་ཕར་རྒྱུགས་ཤིག བོད་མི་ཚོར་རང་དབང་སྤྲོད་རོགས། མཉམ་སྦྲེལ་རྒྱལ་ཚོགས་ང་ཚོར་དྲང་བདེན་དགོས་ཟེར་བ་སོགས་ཀྱི་རྔམ་སྟོན་སྐད་འབོད་བྱས་སྐབས་འཛིན་བཟུང་བྱས་བ་ཡིན་པ་དང་། ཁོང་ཚོ་ནི་བོད་མི་བསོད་ནམས་བཀྲ་ཤིས་དང་། བསོད་ནམས་ཆོས་སྒྲོན། སྐལ་བཟང་ཀུན་སྒྲོན། མིག་དམར། ཨ་དར་ལེགས་བཅས་ཡིན་པ་རེད།

གསུམ་བཅུའི་དུས་དྲན་ཉིན་འཇུ་བཟུང་བྱས་བའི་བོད་མི་བལ་ཡུལ་གྱི་ཉེན་རྟོག་བཀག་ཉར་ཁང་དུ་ལག་ལྕགས་རྒྱབ་ནས་ཡོད་པ། ༢༠༡༤།༣།༡༧
གསུམ་བཅུའི་དུས་དྲན་ཉིན་འཇུ་བཟུང་བྱས་བའི་བོད་མི་བལ་ཡུལ་གྱི་ཉེན་རྟོག་བཀག་ཉར་ཁང་དུ་ལག་ལྕགས་རྒྱབ་ནས་ཡོད་པ། ༢༠༡༤།༣།༡༧

སྤྱིར་བཏང་རྒྱ་ནག་གི་མངོན་ལྐོག་གཉིས་ཀྱི་གནོན་ཤུགས་ལ་བརྟེན་བལ་ཡུལ་གཞུང་གིས་དུས་རྒྱུན་རྒྱ་ནག་གཅིག་གི་སྲིད་ཇུས་རྒྱུན་འཁྱོངས་བྱེད་ཀྱི་ཡོད་པ་དང་མཉམ། བལ་ཡུལ་ནང་གི་བཙན་བྱོལ་བོད་མི་ཚོའི་འགྲོ་འདུག་སྤྱོད་གསུམ་ལ་དམ་དྲག་ཆེན་པོ་བྱེད་བཞིན་པ་མ་ཟད་། ལྷག་པར་བོད་མིའི་རང་དབང་སྒེར་ལངས་གསུམ་བཅུའི་དུས་དྲན་སླེབས་པར་ཉིན་ཤས་གོང་ནས་བལ་ཡུལ་གཞུང་གིས་བོད་མི་གནས་སྡོད་ས་གནས་གང་སར་དམ་དྲག་ཇེ་ཆེར་བཏང་ཡོད་པ་དང་། ཡུལ་དེའི་ནང་གི་ས་གནས་བོད་ཀྱི་གཞོན་ནུའི་ཚོགས་མི་དང་། བོད་དོན་དངས་བླངས་ལས་འགུལ་བ་སོགས་ཀྱིས་ལས་འགུལ་སྤེལ་བར་དོགས་ནས་དོགས་ཟོན་དང་རྗེས་འདེད་བྱེད་པ་སོགས་སུན་བཙུར་གྱི་དཀའ་ངལ་བཟོ་བཞིན་པ་རེད་འདུག


གསར་འགོད་པ་ཀླུ་འབུམ།

བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
ཁྲིམས་སྒྲིག་བསྐྱར་བཅོས་འཆར་ཟིན་ཚོགས་ཆུང་གི་ལས་བསྡོམས་གྲོས་ཚོགས་སུ་སྙན་སྒྲོན་གནང་སོང་།
མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎