ཕྱི་འབྲེལ་བཀའ་བློན་མཆོག་ཕྱི་སྡོད་རྒྱ་རིགས་དང་ཐུག་འཕྲད།


2014.01.31
ཕྱི་འབྲེལ་བཀའ་བློན་བདེ་སྐྱོད་ཆོས་དབྱངས་ལགས་ཕྱི་སྡོད་རྒྱ་རིགས་དང་མཇལ་འཕྲད་སྐབས། ཕྱི་འབྲེལ་བཀའ་བློན་བདེ་སྐྱོད་ཆོས་དབྱངས་ལགས
པར། བོད་མིའི་སྒྲིག་འཛུགས།

ཕྱི་འབྲེལ་བཀའ་བློན་བདེ་སྐྱོད་ཆོས་དབྱངས་ལགས་ཨོ་སི་ཊོ་ལི་ཡའི་ནང་གནས་སྡོད་རྒྱ་རིགས་ཁག་ཅིག་དང་ཐུག་འཕྲད་གནང་འདུག
དེ་ཡང་དབུས་བོད་མིའི་སྒྲིག་འཛུགས་ཀྱི་བཀའ་བློན་བདེ་སྐྱིད་ཆོས་དབྱངས་ལགས་དེང་སྐབས་ཨོ་སི་ཊོ་ལི་ཡའི་ནང་གཟིགས་སྐོར་གནང་བཞིན་པ་ལྟར། གྲོང་ཁྱེར་Melbourne དང་། Sydney གཉིས་ནང་ཡོད་པའི་རྒྱ་བོད་མཛའ་འབྲེལ་ཚོགས་པ་སོ་སོས་མགྲོན་འབོད་ལྟར་། ཕྱི་ཚེས་༢༨་ཉིན་Melbourne གྲོང་ཁྱེར་གྱི་རྒྱ་བོད་མཛའ་འབྲེལ་ཚོགས་པའི་ཚོགས་མི་དང་། ཕྱི་ཚེས་༢༩ཉིན་Sydney གྲོང་ཁྱེར་གྱི་རྒྱ་བོད་མཛའ་འབྲེལ་ཚོགས་པའི་ཚོགས་མི་བཅས་དང་མཇལ་འཕྲད་ཀྱིས་བོད་ནང་ད་ལྟའི་ཛ་དྲག་གི་དཀའ་ངལ་དང་། དཀའ་ངལ་དེ་དག་སེལ་ཐབས་སུ་རྒྱ་རིགས་མང་ཚོགས་ཀྱི་ཐོག་ནས་རོགས་འདེགས་ཞུ་ཕྱོགས་ཀྱི་ཐད་ བཀའ་མོལ་གནང་ཡོད་པ་དབུས་བོད་མིའི་སྒྲིག་འཛུགས་ཀྱིས་གནས་ཚུལ་སྤེལ་འདུག
གནས་ཚུལ་ནང་བཀོད་པར་གཞིགས་ན། ཚོགས་བཅར་བའི་ཁོངས་སུ་རྒྱ་ནག་གི་སློབ་དཔོན་མཁས་དབང་དང་། དམངས་གཙོ་དོན་གཉེར་བའི་གཙོས་ཤེས་ལྡན་མི་སྣ་གང་ཙམ་འདུ་འཛོམས་བྱུང་ཡོད་པ་དང་།  སྐབས་དེར་བཀའ་བློན་མཆོག་གིས་༧སྤྱི་ནོར་༧གོང་ས་མཆོག་གིས་ཆབ་སྲིད་ཀྱི་ཐུགས་འགན་དམངས་གཙོའི་ལམ་ནས་འོས་འདེམས་བྱས་པའི་སྲིད་སྐྱོང་ལ་གནང་ཚར་བའི་བྱུང་རིམ་དང་། སྲིད་སྐྱོང་གིས་དབུ་ཁྲིད་པའི་བོད་མིའི་སྒྲིག་འཛུགས་ནས་དབུ་མའི་ལམ་གྱི་སྲིད་བྱུས་རྒྱུན་འཛིན་གྱིས་བོད་རྒྱ་གཉིས་ཀྱི་ཆབ་སྲིད་ཀྱི་དཀའ་རྙོག་སེལ་ཐབས་ལ་འབད་བརྩོན་གང་ཡོད་གནང་བཞིན་པ་སོགས་ཀྱི་གནད་ལུགས་ཞིབ་ཕྲ་ངོ་སྤྲོད་གནང་ཡོད་པ་རེད།
གསར་འགོད་པ་བློ་བཟང་ཡེ་ཤེས།

བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
ཁྲིམས་སྒྲིག་བསྐྱར་བཅོས་འཆར་ཟིན་ཚོགས་ཆུང་གི་ལས་བསྡོམས་གྲོས་ཚོགས་སུ་སྙན་སྒྲོན་གནང་སོང་།
མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎