༧གོང་ས་མཆོག་ལྡི་ལི་ནས་ཉི་ཧོང་ལ་ཆིབས་བསྒྱུར།


2013-11-12
Share
སེམས་ཞི་བདེ་བཟོ་ཐབས། ༧གོང་ས་མཆོག་ནས་ཀན་ཊ་ཀི་ཁུལ་དུ་མང་ཚོགས་ལ་བཀའ་སློབ་གནང་བཞིན་པ།
༧སྐུ་སྒེར་ཡིག་ཚང་།

༧གོང་ས་སྐྱབས་མགོན་ཆེན་པོ་མཆོག་གིས་ལྡི་ལིར་གསུངས་བཤད་གནང་རྒྱུ་དང་། དེ་ནས་ཉི་ཧོང་ནང་མཛད་འཆར་ཁག་ཅིག་བསྐྱངས་གནང་གི་ཡོིད་འདུག

དགའ་ལྡན་ཕོ་བྲང་ཡིག་ཚང་གི་གནས་ཚུལ་ལྟར་ན། ཕྱི་ཟླ་༡༡་ཚེས་༡༣་ཉིན་རྒྱལ་ས་ལྡི་ལིར་ཡོད་པའི་བོད་ཁང་དང་། Indira Gandhi སྒྱུ་རྩལ་གློག་བརྙན་ལྟེ་གནས་ཁང་གཉིས་ནས་གོ་སྒྲིག་གནང་བའི་འོག་བོད་ཀྱི་དབུ་ཁྲིད་༧སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གིས་ཨེ་ཤ་ཡའི་ནང་དཔལ་ནཱ་ལེན་དྲའི་ནང་པའི་ཆོས་བརྒྱུད་ཅེས་པའི་བརྗོད་གཞིའི་ཐོག་གསུངས་བཤད་གནང་རྒྱུ་ཡིན་པ་དང་། དེ་ནས་རིམ་བཞིན་ཉི་ཧོང་ལ་ཆིབས་བསྒྱུར་གནང་ནས་ཚེས་༡༧་ཉིན་ཚན་རིག་པ་ཁག་ཅིག་དང་མཉམ་ཤེས་ཡོན་དང་མི་ཚེ་ཞེས་པའི་བརྗོད་གཞིའི་ཐོག་བགྲོ་གླེང་གནང་རྒྱུ། ཚེས་༢༡་ཉིན་ཤི་ཛུ་ཀ་ཁུལ་དུས་རབས་ཉེར་གཅིག་པའི་ནང་ཞི་བདེའི་ཁོར་ཡུག་སྐྲུན་ཐབས་ཀྱི་བརྗོད་གཞིའི་ཐོག་མང་ཚོགས་ལ་གསུངས་བཤད་གནང་རྒྱུ་དང་། ཚེས་ཉེར་སུམ་ཉིན་ཀྱུ་ཏོ་གཙུག་ལག་སློབ་གཉེར་ཁང་དུ་སྒྱུ་རྩལ་དང་རིག་གཞུང་གི་དོན་གནད་སྐོར་ལ་གསུངས་བཤད་གནང་རྒྱུ་བཅས་ཀྱི་མཛད་འཆར་ཁག་བསྐྱངས་གནང་གི་ཡོད་འདུག

གསར་འགོད་པ་རིག་འཛིན་ཆོས་སྒྲོན།

མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎

དྲ་གནས་ཆ་ཚང༌།