མི་མང་ས་ཡ་ཕྱེད་ཀ་ཙམ་གྱིས་རྒྱ་ནག་གཞུང་ལ་ངོ་རྒོལ་བྱེད་འཆར།


2014.06.26
༢༠༡༤དྲུག་བཞིའི་ཉིན་མོར་ཧོང་ཀོང་ལ་མི་ཚོགས་སྟོང་ཕྲག་མང་པོ་འཛོམས་དྲན་གསོ་བྱས་བ། ༢༠༡༤དྲུག་བཞིའི་ཉིན་མོར་ཧོང་ཀོང་ལ་མི་ཚོགས་སྟོང་ཕྲག་མང་པོ་འཛོམས་དྲན་གསོ་བྱས་བ།
དྲ་བཤུས

ཧོང་ཀོང་རྒྱ་ནག་ལ་རྩིས་སྤྲོད་བྱས་བའི་དུས་ཚིགས་དེར་ཧོང་ཀོང་མི་མང་ས་ཡ་ཕྱེད་ཀ་ཙམ་གྱིས་རྒྱ་ནག་གཞུང་ལ་ངོ་རྒོལ་བྱེད་འཆར་འདུག
དེ་ཡང་ལོ་ལྟར་སྤྱི་ཟླ་༧པའི་ཚེས་༡ཉིན་ཧོང་ཀོང་ནང་ངོ་རྒོལ་རྔམ་སྟོན་བྱེད་ཀྱི་ཡོད་པ་ལྟར། ད་རེས་ཧོང་ཀོང་གི་འགྲོ་བ་མིའི་སྤྱི་དམངས་ཐོབ་ཐང་མདུན་བསྐྱོད་ཚོགས་པས་ཧོང་ཀོང་གི་ཁྲོམ་གཞུང་ནང་འདས་པའི་མི་ལོ་༡༠་ནང་ནས་མི་འབོར་མང་ཤོས་འདུ་འཛོམས་བྱ་རྒྱུའི་རེ་བ་དང་སྔོན་དཔག་གནང་གི་ཡོད་པ་རེད། ༢༠༠༣ ལོར་ཧོང་ཀོང་ནང་མི་མང་འབུམ་བདུན་བརྒལ་བས་ཧོང་ཀོང་ནང་དམངས་གཙོའི་དགོས་འདུན་ཆེད་ཧོང་ཀོང་གི་ཁྲོམ་གཞུང་ཐོག་འདུ་འཛོམས་ཀྱིས་དམངས་གཙོའི་འབོད་སྒྲ་སྒྲོག་ཡོད་པ་རེད། ད་རེས་ཧོང་ཀོང་མི་མང་དེ་བས་མང་བ་འདུ་འཛོམས་ཡོང་བའི་ཐུགས་རེ་གནང་གི་ཡོད་ཅེས་ཧོང་ཀོང་གི་འགྲོ་བ་མིའི་སྤྱི་དམངས་ཐོབ་ཐང་མདུན་བསྐྱོད་ཚོགས་པའི་འགན་འཛིན་Yeung ཡིས་བརྗོད་འདུག
ཁོང་གིས་ཧོང་ཀོང་གི་མི་མང་ཚོས་སོ་སོའི་མ་འོངས་པའི་ཐོབ་ཐང་ཐད་བསམ་བློ་གཏོང་རྒྱུ་འགོ་བཙུགས་པ་དང་སྦྲགས་རྒྱ་ནག་གཞུང་གིས་མ་འོངས་པར་ཁོང་ཚོར་མནར་གཅོད་གཏོང་བའི་འཇིགས་སྣང་ཚོར་གྱི་ཡོད་རེད་ཅེས་གསར་འགོད་པར་འགྲེལ་བཤད་གནང་ཡོད་པ་རེད།  ཕྱེད་རང་དབང་ལྡན་པའི་ཧོང་ཀོང་གི་མི་མང་ཚོས་ལོ་ལྟར་ཕྱི་ཟླ་༧ཚེས་༡ཉིན་དམངས་གཙོའི་དགོས་འདུན་གཙོ་བོར་གྱུར་པའི་གནད་དོན་མང་པོའི་ཐོག་རྒྱ་ནག་གཞུང་ལ་ངོ་རྒོལ་ལས་འགུལ་སྤེལ་གནང་གི་ཡོད་པ་ལྟར་འདི་ལོ་ཕྱི་ཟླ་བདུན་པའི་ཚེས་གཅིག་ཉིན་མི་མང་ས་ཡ་ཕྱེད་ཀ་ཙམ་འདུ་འཛོམས་ཀྱིས་མུ་མཐུད་ལས་འགུལ་སྤེལ་འཆར་ཡོད་འདུག

གསར་འགོད་པ་དབྱངས་སྒྲོལ།

བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
ཁྲིམས་སྒྲིག་བསྐྱར་བཅོས་འཆར་ཟིན་ཚོགས་ཆུང་གི་ལས་བསྡོམས་གྲོས་ཚོགས་སུ་སྙན་སྒྲོན་གནང་སོང་།
མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎