རྔ་བར་གྱོད་དཔེ་ཀློག་དེབ་ཟེར་བ་གྲྭ་ཤག་རེ་རེ་ནང་བཀྲམ་པ།

2016-08-20
གློག་འཕྲིན།
མཆན།
Share
པར་བཀོད།
དགོན་པའི་གྱོད་དཔེ་ཀློག་དེབ།
དགོན་པའི་གྱོད་དཔེ་ཀློག་དེབ།
ཀིརྟི་བྱེས་པ་གྲྭ་ཚང་།

༄༅།    །ཕྱི་ལོ་༢༠༡༦ ཟླ་༧ ཚེས་༢༨ ཉིན་རྔ་བ་རྫོང་གི་འབྲེལ་ཡོད་ལས་བྱེད་པས་རྔ་བ་ཀིརྟིའི་དགོན་གྱི་གྲྭ་ཤག་རེ་རེ་བཞིན་དུ་གྱོད་དཔེ་ཀློག་དེབ་ཟེར་བའི་དེབ་ཆུང་ཞིག་སྤྲད་འདུག
དེ་ཡང་བཞུགས་སྒར་ཀིརྟིའི་བྱེས་པ་གྲྭ་ཚང་གི་བོད་གནས་འབྲེལ་མཐུད་ཚན་པ་ནས་འདི་ག་རླུང་འཕྲིན་ཁང་ལ་གནས་ཚུལ་མཁོ་སྤྲོད་གནང་བ་ལྟར་ན།    དགོན་པའི་གྱོད་དཔེ་ཀློག་དེབ་ཟེར་བའི་དེབ་ཆུང་དེའི་ནང་དུ་རང་ལུས་མེར་སྲེག་གིས་ཞི་བའི་ངོ་རྒོལ་སྐད་འབོད་དང་། ༸གོང་ས་མཆོག་གི་སྐུ་པར་འཕྱར་ནས་ཞི་བའི་གོམ་བགྲོད་གནང་བ་སོགས་སྤྱི་ཚོགས་ཀྱི་བདེ་འཇགས་ལ་གནོད་འཚེ་བཟོས་པའི་ཁྲིམས་འགལ་ཡིན་ལུགས་ཀྱིས་ཉེས་ཆད་གཅོད་དགོས་ཚུལ་དང་། དེ་བཞིན་སྐད་འཕྲིན་སོགས་རྒྱུད་ལམ་ནས་ཕྱི་ཕྱོགས་ལ་ས་གནས་ཀྱི་གནས་ཚུལ་སྐུར་བ་སོགས་རྒྱལ་ཁབ་ཀྱི་གསང་དོན་ཕྱི་ལ་བསྒྲགས་པའི་ཉེས་ཆད་གཅོད་རྒྱུ་སོགས་ཀྱི་ནང་དོན་འཁོད་པའི་བོད་རྒྱ་ཡིག་རིགས་གཉིས་ཀྱི་ཐོག་ཡོད་པ་ཞིག་སྤྲད་དེ་གྲྭ་པ་རེ་རེ་བཞིན་དུ་འདི་ལ་སློབ་སྦྱོང་ནན་ཏན་བྱེད་དགོས་ཚུལ་གྱི་བཙན་བཀའ་བཏང་འདུག དེའི་སྐོར་ལ་རྔ་བ་རྫོང་གི་དགོན་པ་ཁག་བཞི་བཅུ་ལྷག་བསྡུས་ནས་ཚོགས་འདུ་ཚོགས་ཤིང་བཅའ་ཁྲིམས་དགོན་པར་བསྐྱལ་བའི་ལས་དོན་ལེགས་འགྲུབ་བྱུང་ཚུལ་རྔ་བའི་གསར་འགྱུར་ནང་བསྒྲགས་ཡོད།
ལས་འགུལ་འདི་ནི་རྒྱ་གཞུང་གིས་བོད་ཐོག་ལ་གདུག་རྩུབ་ཀྱི་བྱ་སྤྱོད་ག་རེ་སྤེལ་ཡང་ཁྲིམས་མཐུན་ཡིན་ལུགས་གསལ་འདོན་བྱ་རྒྱུ་སོགས་ལ་དམིགས་པ་ཞིག་ཡིན་པ་བོད་ནང་ནས་འགྲེལ་བརྗོད་གནང་འདུག།

མཆན། (0)
Share
དྲ་གནས་ཆ་ཚང༌།