བཀྲ་ཤིས་ཡང་མེ་བསྲེགས་རྗེས་སྐུ་གྲོངས་འདུག

ཚེས་ ༡༣ ཉིན་རང་ལུས་མེར་སྲེག་གིས་རྒྱ་གཞུང་ལ་ངོ་རྒོལ་གནང་མཁན་བཀྲ་ཤིས་ཡང་རྔ་པ་བོད་རིགས་རང་སྐྱོང་ཁུལ་གྱི་ལྟེ་གནས་འབར་ཁམས་ནས་འདས་གྲོངས་སུ་ཕྱིན་ཡོད་འདུག

2012.08.15

ཕྱི་ཚེས་༡༣ཉིན་རང་ལུས་མེར་སྲེག་བཏང་ནས་རྒྱ་གཞུང་གིས་བོད་ཐོག་འཛིན་པའི་སྲིད་བྱུས་ལ་ངོ་རྒོལ་གནང་མཁན་བཀྲ་ཤིས་ལགས། རྔ་བ་བོད་རིགས་རང་སྐྱོང་ཁུལ་གི་ལྟེ་གནས་འབར་ཁམས་སུ་ ཁ་ས་ཕྱི་ཚེས་༡༤ཉིན་སྐུ་ཚེའི་ཕན་པ་རྫོགས་ཡོད་པའི་སྐོར་ བཞུགས་སྒར་ཀིརྟི་དགོན་པའི་བོད་གནས་འབྲེལ་མཐུད་པ་ཀ་ཉག་ཚེ་རིང་ལགས་ཀྱིས་གནས་ཚུལ་བཏང་གནང་འདུག།

བཀྲ་ཤིས་ལགས་འདས་གྲོངས་ཕྱིན་ཡོད་ཀྱང་ཁོང་གི་སྐུ་ཕུང་ནང་མིར་རྩིས་སྤྲད་ཡོད་མེད་ད་ལྟ་གསལ་པོ་མཁྱེན་རྟོགས་བྱུང་མེད་པ་རེད། རེས་གཟའ་ཟླ་བའི་ཉིན་རྔ་བ་ཁུལ་ལུང་རྟོགས་ལགས་དང་བཀྲ་ཤིས་ལགས་གཉིས་ཀྱིས་རང་ལུས་མེར་སྲེག་བཏང་ནས་རྒྱ་གཞུང་ལ་ངོ་རྒོལ་གནང་བའི་སྐབས་སུ་ལུང་རྟོགས་ལགས་སྐབས་དེར་རྐྱེན་འདས་ཕྱིན་ཡོད་པ་རེད།

བོད་དོན་ཆེད་རང་སྲོག་བློས་བཏང་གནང་མཁན་འདས་པོ་གཉིས་ཀྱི་ཤུལ་ལུས་ནང་མི་ཚོར་གདུང་སེམས་མཉམ་སྐྱེད་མཚོན་ཆེད་ཁ་ས་ཕྱི་ཚེས་༡༤ཉིན་རྔ་བའི་རྫོང་ཁུལ་གྱི་བོད་པའི་ཟ་ཁང་དང་ཚོང་ཁང་ཚང་མ་སྒོ་རྒྱབ་སྟེ། མི་མང་ཚོས་དགོན་པ་ཁག་ལ་བསྔོ་རྟེན་ཕུལ་བ་དང༌། སྐོར་ར་བསག་པ་སོགས་ཕྱག་མཆོད་མང་པོ་གནང་འདུག།

རེས་གཟའ་ཟླ་བའི་ཉིན་གྱི་དོན་རྐྱེན་དེ་བྱུང་བའི་རྗེས་སུ་ ཀིརྟི་དགོན་པའི་དགེ་བསྐོས་དང་ཆོས་ལུགས་དོ་དམ་ཁང་གི་འགན་འཛིན་སོགས་དགོན་པའི་ལས་སྣེ་ཁག་ཅིག་ རྫོང་སྲིད་གཞུང་དུ་ཐེངས་ཁ་ཤས་འབོད་བཀུག་གིས་ཚོགས་འདུ་ཚོགས་པའི་གནས་ཚུལ་ཡང་འདུག།

བལྟ་བཤེར་མང་ཤོས་བྱས་པའི་གནས་ཚུལ།
RFA
ཨ་རིའི་གྲོས་ཚོགས་གོང་མའི་ནང་བོད་རྒྱའི་རྩོད་རྙོག་སེལ་བར་སྐུལ་འདེད་གཏོང་བའི་ཁྲིམས་འཆར་ལ་སྤྱི་མོས་རྒྱབ་སྐྱོར་ཐོབ་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
ཨ་རིས་བོད་བརྒྱུད་ནང་བསྟན་གྱི་གནའ་བོའི་རིག་དངོས་ཁག་ཅིག་རྒྱ་ནག་ལ་ཕྱིར་སྤྲོད་བྱས་བར་བོད་མི་ཚོས་སེམས་ཚབས་བྱེད་བཞིན་འདུག
མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎