སྨན་བཅོས་ལྟ་སྐྱོང་གི་ལས་གཞི་དེའི་ཕན་ཐོགས་སྐོར་གྱི་གཟབ་སྦྱོང༌།


2017.10.25
སྨན་བཅོས་ལྟ་སྐྱོང་གི་ལས་གཞི་དེའི་ཕན་ཐོགས་སྐོར་གྱི་གཟབ་སྦྱོང༌། སྲིད་སྐྱོང་མཆོག་གིས་སྨན་བཅོས་ལྟ་སྐྱོང་གི་ལས་གཞི་འགོ་བཙུགས་ནས་ལོ་ངོ་དྲུག་རིང་ལ་བོད་མིའི་ཁྲོད་ཡིད་ཆེས་བྱེད་མཁན་དང་མཉམ་ཞུགས་བྱེད་མཁན་ཇེ་མང་དུ་འགྲོ་གི་ཡོད་པའི་སྐོར་གསུངས་ཡོད་པ།
བོད་མིའི་སྒྲིག་འཛུགས།

༄༅༎དབུས་བོད་མིའི་སྒྲིག་འཛུགས་ཀྱི་འཕྲོད་བསྟེན་ལས་ཁུངས་ནས་བཙན་བྱོལ་བོད་མི་ཚོའི་འཕྲོད་བསྟེན་གནས་སྟངས་ཡར་རྒྱས་གཏོང་ཐབས་ལ་དམིགས་པའི་སྨན་བཅོས་ལྟ་སྐྱོང་གི་ལས་གཞི་དེའི་ཕན་ཐོགས་སྐོར་གྱི་ཉིན་གསུམ་གྱི་གཟབ་སྦྱོང་དབུ་ཚུགས་མཛད་སྒོའི་ཐོག་དབུས་བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་གིས་སྨན་བཅོས་ལྟ་སྐྱོང་གི་ལས་གཞི་འགོི་བཙུགས་ནས་ལོ་ངོ་དྲུག་རིང་ལ་བོད་མིའི་ཁྲོད་ཡིད་ཆེས་བྱེད་མཁན་དང་མཉམ་ཞུགས་བྱེད་མཁན་ཇེ་མང་དུ་འགྲོ་གི་ཡོད་པའི་སྐོར་གསུངས་ཡོད་པ་རེད་།
ཕྱི་ཟླ་༡༠ཚེས་༢༥ཉིན་ལོ་འཁོར་གཟབ་སྦྱོང་དེའི་ནང་རྒྱ་གར་ནང་གི་བོད་མིའི་གཞིས་ཆགས་ཁག་༣༣ ནས་ཉུང་ཐར་སྨན་དང་འབྲེལ་བ་ཡོད་པའི་ལས་བྱེད་པ་དང་སྨན་པ། འཕྲོད་བསྟེན་ལས་བྱེད་པ་སོགས་ཁྱོན་མི་གྲངས་༤༨ མཉམ་ཞུགས་བྱས་ཡོད་པ་དང་སྐབས་དེར་སྲིད་སྐྱོང་མཆོག་གི་གཟབ་སྦྱོང་དབུ་ཚུགས་མཛད་སྒོའི་ཐོག་གཏམ་བཤད་གནང་བའི་ནང་། དབུས་བོད་མིའི་སྒྲིག་འཛུགས་ཀྱི་འཕྲོད་བསྟེན་ལས་བྱེད་པ་ཚོ་དང་དམིགས་ཀར་སྨན་བཅོས་ལྟ་སྐྱོང་གི་ལས་གཞི་ཐོག་ལ་ཕྱག་ལས་གནང་མཁན་ལས་བྱེད་པ་ཚོར། སྨན་བཅོས་ལྟ་སྐྱོང་གི་ལས་གཞི་ནང་འཛུལ་ཞུགས་བྱེད་མཁན་མང་ཚོགས་ལ་སྤུས་ཚད་དང་གཞན་ཕན་གྱི་བསམ་པའི་ཀུན་སློང་བཟང་པོ་འཁྱེར་བའི་ཐོག་ནས་ལམ་སྟོན་བྱ་རྒྱུ་དང་ཚོགས་མི་ཚོར་སྨན་བཅོས་ལྟ་སྐྱོང་གི་ལས་གཞིའི་ཐོག་ནས་ལྟ་སྐྱོང་ལེགས་པོ་ཐོབ་ཐུབ་པ་ཡོང་རྒྱུར་ཁོང་ཚོར་ཡིད་ཆེས་འཕེར་བའི་ལས་དོན་གྲུབ་དགོས་པའི་སྐོར་འབོད་སྐུལ་གནང་ཡོད་པ་རེད་།
དེ་བཞིན་དབུས་བོད་མིའི་སྒྲིག་འཛུགས་ཀྱི་འཕྲོད་བསྟེན་བཀའ་བློན་མཆོག་གིས་ཀྱང་སྨན་བཅོས་ལྟ་སྐྱོང་གི་ལས་གཞི་དེ་ནི་ཚོང་དང་ཁེ་ཕན་སྐྲུན་ཐབས་ཆེད་དུ་དམིགས་པ་ཞིག་མིན་པ་དང་།དེ་ནི་གཙོ་བོ་བོད་མི་ཚོའི་བདེ་ཐང་དང་འཕྲོད་བསྟེན་གྱི་གནས་སྟངས་ཡར་རྒྱས་གཏོང་རྒྱུར་དམིགས་པའི་ལས་གཞི་ཁོ་ན་ཡིན་ཞིང་། འདས་པའི་ལོའི་ནང་སྨན་བཅོས་ཀྱི་ལྟ་སྐྱོང་གི་ལས་གཞིའི་ནང་འཛུལ་ཞུགས་བྱེད་མཁན་བོད་མི་བརྒྱ་ལྷག་མང་དུ་འཕེལ་རྒྱས་ཕྱིན་ཡོད་པ་དེ་ནི་མང་ཚོགས་ཁྲོད་དུ་སྨན་བཅོས་ལྟ་སྐྱོང་གི་ལས་གཞིའི་ཁེ་ཕན་ཤེས་རྟོགས་ཐུབ་པ་ཞིག་དང་ལས་གཞི་དེར་རྒྱབ་སྐྱོར་གནང་མཁན་ཚོར་བསྔགས་བརྗོད་ཞུས་ཡོད་པ་རེད།
གསར་འགོད་པ་ཉི་མ་གཡུ་སྒྲོན།

བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
ཁྲིམས་སྒྲིག་བསྐྱར་བཅོས་འཆར་ཟིན་ཚོགས་ཆུང་གི་ལས་བསྡོམས་གྲོས་ཚོགས་སུ་སྙན་སྒྲོན་གནང་སོང་།
མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎