འབར་མའི་ནང་དམངས་གཙོའི་བཅོས་བསྒྱུར་མུ་འཐུད་རྒྱུའི་ཁས་ལེན།

འབར་མའི་སྲིད་འཛིན་མཆོག་གིས་དམངས་གཙོའི་བསྒྱུར་བཅོས་ཀྱི་ལམ་བུའི་ཐོག་ནས་ཕྱིར་བཤོལ་བྱ་རྒྱུ་མིན་པའི་ཁས་ལེན་གནང་ཡོད་འདུག

2012.01.20


༄༅༎འབར་མའི་སྲིད་འཛིན་ཐེཨིན་སེཨིན་མཆོག་ནས་འབར་མ་གཞུང་གིས་དམངས་གཙོའི་ལམ་བུར་མུ་མཐུད་ནས་མདུན་སྐྱོད་བྱ་རྒྱུ་ཁས་ལེན་གནང་སྟེ་ ནུབ་ཕྱོགས་ཡུལ་གྲུ་ཁག་གིས་འབར་མའི་ནང་དཔལ་འབྱོར་གྱི་དམ་བསྒྲཌ་བྱེད་བཞིན་པ་ཕྱིར་འཐེན་གནང་རྒྱུའི་འབོད་སྐུལ་ཞུས་ཡོད་པ་རེད་ འབར་མའི་སྲིད་འཛིན་གྱིས་གཟའ་པ་སངས་ཉིན་ཨ་རིའི་ཝ་ཤིན་ཀྲོན་ཕོའོ་སེ་ཡི་ཚགས་ཤོག་གི་བཅའ་དྲིར་ལན་འདེབས་གནང་བའི་སྐབས་འབར་མ་གཞུང་གིས་ནུབ་ཕྱོགས་ཡུལ་གྲུ་ཚོས་འབར་མའི་གཞུང་ལ་བཏོན་པའི་དགོས་འདུན་རྣམས་སྒྲུབ་ཡོད་པ་དང་ དེ་ཚོའི་ནང་ཆབ་སྲིད་བཙོན་པ་མང་ཆེ་བ་གློད་བཀྲོལ་བཏང་ཡོད་པ་མ་ཟད་ ཕྱི་ཟླ་བཞི་པའི་ནང་འོས་བསྡུ་སྤེལ་རྒྱུའི་དུས་བཀག་གཏན་འཁེལ་བྱེད་ཡས་དང་ ཕྱོགས་འགལ་ཚོགས་པའི་ཚོགས་གཙོ་ལྕམ་ཨང་སང་སུའུ་ཁྱི་སྲིད་གཞུང་གི་ལས་དོན་ཁག་ནང་མཉམ་བཞུགས་གནང་རྒྱུར་སྒོ་མོ་ཕྱེ་བ་སོགས་ཆ་རྐྱེན་སྒྲུབ་ཡོད་པས་ ཨ་རིས་གཙོས་པའི་ནུབ་ཕྱོགས་ཡུལ་གྲུ་ཁག་གིས་འབར་མའི་ནང་དཔལ་འབྱོར་གྱི་བཀག་སྡོམ་ཉེས་ཆད་ཕྱིར་འཐེན་གནང་རྒྱུ་དགོས་པ་གསུང་འདུག་ འབར་མའི་སྲིད་འཛིན་ཐེཨིན་སེན་གྱིས་ད་རེས་ཝ་ཤིན་ཀྲོན་ཕོའོ་སི་ཚགས་ཤོག་གིས་བཅའ་དྲིར་ལན་འདེབས་བྱས་པའི་གོ་སྐབས་དང་བསྟུན་ནས་ ཨ་རི་དང་ནུབ་ཕྱོགས་ཡུལ་ཁག་གིས་འབར་མའི་ནང་འཛིན་བཞིན་པའི་དཔལ་འབྱོར་བཀག་སྡོམ་གྱི་ཉེས་པ་ཕྱིར་འཐེན་བྱ་རྒྱུའི་དགོས་འདུན་བཏོན་ནས་དཔལ་འབྱོར་བཀག་སྡོམ་བྱེད་ཡས་དེས་འབར་མིའི་མི་མང་ལ་ཐད་ཀར་གནོད་ཚབས་ཡོང་གི་ཡོད་པ་མ་ཟད་ དེས་རྐྱེན་པས་འབར་མའི་དཔལ་འབྱོར་འཕེལ་རྒྱས་ལ་ཡང་གནོད་འཚེ་ཕོག་རྒྱུ་ཡིན་ལུགས་བརྗོད་ཡོད་འདུག
བལྟ་བཤེར་མང་ཤོས་བྱས་པའི་གནས་ཚུལ།
RFA
སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གི་༧སྐུའི་འཕྲོད་བཞེས་སྤྱིའི་ཆ་ནས་ཧ་ཅང་ཡག་པོ་ཡོད་པ་སྲིད་སྐྱོང་མཆོག་གིས་གསུངས་བྱུང་།
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
༸གོང་ས་མཆོག་གིས་བོད་མིའི་སྒྲིག་འཛུགས་ཀྱི་ལས་བྱེད་ཞབས་ལོ་ཉི་ཤུ་འཁོར་བ་རྣམས་ལ་སྲོང་བཙན་སྒམ་པོའི་སྐུ་བརྙན་སྩལ་བ།
མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎