ཁེ་ན་ཌའི་གྲོང་ཁྱེར་མོན་ཊེལ་ནང་བོད་ཀྱི་དུས་སྟོན་སྤེལ་རྒྱུ།

ཁེ་ན་ཊའི་གྲོང་ཁྱེར་མོན་ཊེལ་ནང་སང་ཉིན་གཟའ་སྤེན་པ་ནས་འགོ་བཙུགས་ཏེ་དུས་ཡུན་ཉིན་གྲངས་བདུན་རིང་བོད་ཀྱི་དུས་སྟོན་ཞིག་སྤེལ་གྱི་ཡོད་པ།

2010.04.30

༄༅༎ཁེ་ན་ཊའི་གྲོང་ཁྱེར་མོན་ཊེལ་ནང་སང་ཉིན་གཟའ་སྤེན་པ་ནས་འགོ་བཙུགས་ཏེ། དུས་ཡུན་ཉིན་གྲངས་བདུན་རིང་བོད་ཀྱི་དུས་སྟོན་ཞིག་སྤེལ་གྱི་ཡོད་པ་དང་།དེའི་རིང་བོད་ཀྱི་ཐང་ག་འགྲེམས་སྟོན་དང་དཀྱིལ་འཁོར་བཞེངས་རྒྱུ། དེ་བཞིན་བོད་ཀྱི་ཐུན་མོང་མ་ཡིན་པའི་ཁ་གདན་སོགས་འགྲེམས་སྟོན་བྱ་རྒྱུ་མ་ཟད། བོད་མིའི་རིག་གཞུང་དང་སྲོལ་རྒྱུན་ཁེ་ན་ཊའི་མི་མང་ཚོར་ངོ་སྤྲོད་བྱ་རྒྱུ། དེ་མིན་དབྱིན་སྐད་དུ་ཨན་མིས་ཊེ་ཀན་ཅའི་ཡེལ་དྲ་ཞེས་པའི་གློག་བརྙན་གཟིགས་འབུལ་ཞུ་རྒྱུ་སོགས་ཀྱི་འཆར་གཞི་རིམ་པ་ཡོད་པ། དུས་སྟོན་གོ་སྒྲིག་གནང་མཁན་རྡི་པ་ལི་ལིན་དྲ་ལྦོ་ལོམ་གྱིས་གསུངས་འདུག  

ད་རེས་ཁ་ན་ཊའི་གྲོང་ཁྱེར་མོན་ཊེལ་ནང་བོད་ཀྱི་དུས་སྟོན་དེ་རིགས་སྤེལ་བ་ཐེངས་དང་པོ་ཡིན་པ་དང་། གྲོང་ཁྱེར་དེའི་ནང་གི་གྲོང་མིའི་ཁྲོད་བོད་ཀྱི་གནས་སྟངས་དང་རིག་གཞུང་ཆོས་ལུགས། དེ་བཞིན་བོད་མིའི་དབུ་ཁྲིད་༧གོང་ས་སྐྱབས་མགོན་ཆེན་པོ་མཆོག་ལ་རྒྱུས་མངའ་ཡོད་མཁན་མང་པོ་ཡོད་པ་མ་ཟད། ནང་ཆོས་ལ་དད་ཞེན་དང་ཉམས་ལེན་བྱེད་མཁན་ཡང་མི་ཉུང་བ་ཡོད་པར་བརྟེན། གྲོང་ཁྱེར་དེ་འདྲ་ཞིག་གི་ནང་བོད་ཀྱི་རིག་གཞུང་དང་ཆོས་ལུགས་སོགས་ངོ་སྤྲོད་ཀྱི་དུས་སྟོན་དེ་འདྲ་ཞིག་སྤེལ་རྒྱུ་དེ་ནི་གལ་འགངས་ཆེན་པོ་ཞིག་ཆགས་ཀྱི་ཡོད་པའི་སྐོར། དུས་སྟོན་གོ་སྒྲིག་གནང་མཁན་ལེན་དྲ་ལྦོ་ལོམ་གྱིས་གསུངས་འདུག

དུས་སྟོན་གོ་སྒྲིག་གནང་མཁན་རྡི་པ་ལི་ལིན་དྲ་ལྦོ་ལོམ་ནི་རྒྱུ་རྩལ་བ་ཞིག་ཡིན་པའི་ཁར་ཁོང་ཆུང་དུས་རྒྱ་གར་རྡོ་རྗེ་གླེང་གི་བོད་པའི་སྤྱི་ཚོགས་ནང་འཚར་ལོངས་བྱུང་བ་ཞིག་ཡིན་པ་དང་། དུས་སྟོན་རིང་བྱུང་བའི་མ་དངུལ་མཁེ་སང་ཡོངས་རྫོགས་ད་རེས་སྐྱེ་རྒུ་མདོ་ས་ཡོམ་གྱི་གནོད་ཚེ་ཕོག་ཡུལ་དུ་ཞལ་འདེབས་འབུལ་རྒྱུ་ཡིན་ལུགས་གསུངས་འདུག།  

 

 

 

 

བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
ཁྲིམས་སྒྲིག་བསྐྱར་བཅོས་འཆར་ཟིན་ཚོགས་ཆུང་གི་ལས་བསྡོམས་གྲོས་ཚོགས་སུ་སྙན་སྒྲོན་གནང་སོང་།
མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎