ཀིརྟི་དགོན་པའི་དགེ་འདུན་པ་གསུམ་གྱི་ཐོག་ཁྲིམས་གཅོད་བྱ་རྒྱུ།

རྒྱ་ནག་གཞུང་གིས་ཀིརྟི་དགོན་པའི་དགེ་འདུན་པ་གསུམ་གྱི་ཐོག་མི་བསད་པའི་ཉེས་འཛུགས་ཀྱིས་ཁྲིམས་གཅོད་བྱ་རྒྱུ་ཡིན་འདུག

2011.08.27

༄༅༎བོད་བྱང་ཤར་ཨ་མདོ་རྔ་པ་ཀིརྟི་དགོན་པའི་དགེ་འདུན་པ་ཕུན་ཚོགས་ལགས་ཀྱིས་རྒྱ་ནག་གཞུང་ལ་ངོ་རྒོལ་བྱ་ཆེད་རང་ལུས་མེ་བསྲེག་བཏང་ཏེ་རྐྱེན་འདས་སུ་གྱུར་བའི་དོན་རྐྱེན་དེ་དང་འབྲེལ་བ་ཡོད་ལུགས་བཤད་དེ་ རྒྱ་ནག་གཞུང་གིས་ཀིརྟི་དགོན་པའི་དགེ་འདུན་པ་གསུམ་གྱི་ཐོག་མི་བསད་པའི་ཉེས་འཛུགས་ཀྱིས་ཁྲིམས་གཅོད་བྱ་རྒྱུ་ཡིན་འདུག  དེ་ཡང་རྒྱ་ནག་གཞུང་གཉེར་ཤིན་ཧུའ་གསར་འགྱུར་ལས་ཁང་གིས་གནས་ཚུལ་སྤེལ་བར་གཞིགས་ན།  ད་ལམ་ཉེས་འཛུགས་བྱས་པའི་དགེ་འདུན་པ་དེ་དག་ནི།  ཚེ་རིང་བསྟན་འཛིན་དང༌། བསྟན་ཆུང༌། དོན་གྲུབ་ཞུ་བ་གསུམ་ཡིན་པ་དང༌། ཁོང་གསུམ་གྱི་ནང་ནས།  ཚེ་རིང་བསྟན་འཛིན་དང༌ བསྟན་ཆུང་གཉིས་ཀྱིས། འདི་ལོའི་ཕྱི་ཟླ་གསུམ་པའི་ཚེས་ ༡༦ ཉིན་ཕུན་ཚོགས་ལགས་ཀྱིས་རང་ལུས་མེ་བསྲེག་བཏང་བའི་དོན་རྐྱེན་གྱི་སྔ་རྗེས་ཇུས་འགོད་དང་ངར་སློང་བྱེད་མཁན་ཡིན་པ་དང༌། དོན་གྲུབ་ལགས་ཀྱིས་མེར་བསྲེག་བཤོར་བའི་ཕུན་ཚོགས་ལགས་ས་གནས་གཞན་དུ་འཁྲིད་དེ་ ཆུ་ཚོད་ ༡༡ ཙམ་རིང་སྦས་སྐུམ་གྱིས་ དུས་ཐོག་ཛ་དྲག་གི་སྨན་བཅོས་ཐོབ་མ་བཅུག་པར་བརྟེན། འདི་ཚེས་ ༢༢ དང་ ༢༣ ཉིན་རྔ་པ་དམར་ཁམས་རྫོང་གི་ཁྲིམས་ཁང་ཞིག་ཏུ་ དགེ་འདུན་པ་གསུམ་པོ་དེ་དག་གི་ཐོག་མི་བསད་པའི་ནག་ཉེས་ཀྱི་ཁྲིམས་གཅོད་བྱ་རྒྱུ་ཡིན་པའི་གསལ་བསྒྲགས་བྱས་འདུག

བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
ཁྲིམས་སྒྲིག་བསྐྱར་བཅོས་འཆར་ཟིན་ཚོགས་ཆུང་གི་ལས་བསྡོམས་གྲོས་ཚོགས་སུ་སྙན་སྒྲོན་གནང་སོང་།
མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎