རྒྱ་ནག་གིས་རྒྱལ་ཁབ་བརྒྱད་ཅུ་ལྷག་གི་མཚོ་ཁུལ་ནས་ཁྲིམས་འགལ་གྱིས་ཉ་འཛིན་བྱེད་བཞིན་པ་ཐེར་འདོན།
རྒྱ་ནག་གི་ཉ་པ་ཚོས་ཧྲིན་དབྱང་(Shenyang)་ནས་ཉ་འཛིན་བཞིན་པ། ༡༢།༢༧།༢༠༢༠
AFP
དེ་ཡང་གསར་འགྱུར་ཞིབ་འཇུག་སྙན་ཐོ་གསར་བ་ཞིག་བཏོན་ཡོད་པ་དེའི་ནང་། སྤྱི་ལོ་༢༠༡༩ལོ་ནས་༢༠༢༡ལོའི་བར། རྒྱ་ནག་གཞུང་གིས་རྒྱལ་ཁབ་༨༠ལྷག་གི་ཁོངས་གཏོགས་དཔལ་འབྱོར་མཚོ་ཁུལ་དུ་ཆུ་ཚོད་བྱེ་བ་གཅིག་ལྷག་བརྒལ་བའི་དུས་ཡུན་རིང་ཁྲིམས་འགལ་གྱིས་ཉ་འཛིན་ལས་དོན་སྤེལ་ཡོད་པ་དང་། རྒྱ་ནག་གི་གྲུ་གཟིངས་ཀྱིས་རྒྱལ་ཁབ་གཞན་པའི་ཁོངས་གཏོགས་དཔལ་འབྱོར་མཚོ་ཁུལ་དུ་(AIS)་ཞེས་པའི་རག་བརྡ་མ་ལག་གཡོལ་ཐུབ་པའི་འཕྲུལ་ཆས་རིགས་བེད་སྤྱོད་བཏང་ཡོད་ཚུལ་སྙན་ཐོའི་ནང་བཀོད་འདུག
རྒྱ་ནག་དང་རྒྱང་ཐག་རིང་བའི་རྒྱ་མཚོའི་ནང་ཉ་འཛིན་མཁན་རྒྱ་ནག་གི་གྲུ་གཟིངས་མང་པོ་ག་ས་གང་དུ་ཐོན་ཡོད་པ་དང་། རྒྱ་ནག་གི་གྲུ་གཟིངས་དེ་དག་གིས་དུས་རྟག་ཏུ་རྒྱ་ནག་རང་དང་མཉམ་འབྲེལ་རྒྱལ་ཚོགས་ཀྱི་རྒྱ་མཚོའི་སྤྱི་ཆིངས་དང་འགལ་བའི་ལས་དོན་བྱས་ཡོད་པ་དང་། དེ་མིན་རྒྱ་ནག་གི་གྲུ་གཟིངས་དེ་དག་གིས་སྟོང་ལ་ཉེ་བའི་མཚོ་ནང་གི་སྐྱེ་དངོས་རིགས་ལ་གནོན་སྐྱོན་བཟོ་བཞིན་པ་མ་ཟད། ཆོག་མཆན་ཡི་གེ་དང་ཡིག་ཆ་རྫུན་བཟོ། སོ་ལྟ། མངའ་ཁོངས་བཙན་འཕྲོག རྒྱ་མཚོ་རུ་གད་སྙིགས་འབོར་ཆེན་གཡུག་པ་སོགས་བྱེད་པའི་ཁར། རྒྱལ་ཁབ་གཞན་དག་གི་ཁོངས་གཏོགས་དཔལ་འབྱོར་མཚོ་ཁུལ་ལ་བཙན་འཛུལ་བྱས་འདུག་ཅེས་སྙན་ཐོ་དེས་ཐེར་འདོན་བྱས་འདུག
རྒྱ་ནག་ནི་འཛམ་གླིང་འདིའི་སྟེང་གི་ཉ་ལས་དང་ཉ་རིགས་ཐོན་སྐྱེད་བྱེད་མཁན་རྒྱལ་ཁབ་ཆེ་ཤོས་དེ་ཡིན་པ་དང། མཉམ་འབྲེལ་རྒྱལ་ཚོགས་ཀྱི་བསྡོམས་རྩིས་ལྟར་ན། རྒྱ་ནག་གིས་ལོ་རེ་རེར་གོ་ལ་ཧྲིལ་བོའི་ཉ་རིགས་ཀྱི་སྤྱིའི་ཐོན་ཚད་ལས་བརྒྱ་ཆ་སུམ་ཅུ་སོ་དྲུག་ཡས་མས་ཤིག་ཟད་གྲོན་དུ་གཏོང་བཞིན་ཡོད་པ་དང་། ལོ་རེ་རེར་རྒྱ་མཚོ་ལས་ཉ་རིགས་ཊོན་བྱེ་བ་གཅིག་དང་ས་ཡ་ལྔ་ལྷག་འཛིན་ལེན་བྱེད་ཡོད་པ་དེས་འཛམ་གླིང་ཁྱོན་ཡོངས་ཀྱི་བརྒྱ་ཆ་ཉི་ཤུ་ཟིན་ཡོད་པ་རེད། ༢༠༢༠ལོ་ནས་བཟུང་རྒྱ་ནག་ནི་རྒྱ་མཚོ་ལས་ཉ་རིགས་འཛིན་ལེན་བྱེད་མཁན་རྒྱལ་ཁབ་བཅུའི་ནང་ཚུད་ཡོད་ཚུལ་མཉམ་འབྲེལ་རྒྱལ་ཚོགས་ཀྱི་ཞིང་ལས་སྒྲིག་འཛུགས་ཀྱིས་ངོས་འཛིན་བྱས་ཡོད་པ་རེད།
ལྷོ་རྒྱ་ནག་རྒྱ་མཚོའི་ནང་གི་ཉ་རིགས་རྫོགས་པའི་རྗེས་སུ། རྒྱ་ནག་གི་ཉ་འཛིན་གྲུ་གཟིངས་འབོར་ཆེན་ཉེན་ཁར་མི་འཛེམ་པར་རྒྱང་རིང་གི་རྒྱ་མཚོར་སོང་ནས་ཉ་འཛིན་བཞིན་པ་དང་། རྒྱ་ནག་གཞུང་གིས་རྒྱང་རིང་གི་རྒྱ་མཚོའི་ནང་ཉ་འཛིན་མཁན་གྲུ་གཟིངས་༢༥༠༠ལས་མེད་ལུགས་བཤད་ཡང་། ཞིབ་འཇུག་ལས་ཤེས་པ་ལྟར་ན། གྲུ་གཟིངས་༡༨༠༠༠ལྷག་བརྒལ་ཡོད་པ་རེད།
རྒྱ་ནག་ནི་ཁྲིམས་འགལ་གྱིས་ཉ་འཛིན་དང་ཆོག་མཆན་མེད་པ། དོ་དམ་མེད་པར་ཉ་འཛིན་བྱེད་པའི་རྣམ་གྲངས་ཁྲོད་ཨང་དང་པོ་ཆགས་ཡོད་པ་རེད།
རྒྱ་ནག་གི་རྒྱ་མཚོའི་ནང་ཚད་ལས་བརྒལ་བའི་ཉ་རིགས་འཛིན་ལེན་གྱི་བྱ་སྤྱོད་དེས་རྒྱ་མཚོའི་རྒྱལ་ཁབ་མང་པོ་ཞིག་གིས་དོ་སྣང་དང་སེམས་ཁྲལ་བྱེད་བཞིན་པ་རེད།
བརྟག་དཔྱད་རང་བཞིན་ཅན་གྱི་གསར་འགྱུར་སྙན་ཐོ་ཞེས་པ་དེས་འགན་ཁུར་ནི་གཞུང་དང་ཁེ་ལས། ཡང་ན་གཞན་དག་གིས་ཐོབ་ཐང་ལོག་སྤྱོད་དང་སྤྱིའི་ཡིད་རྟོན་དང་རྒྱབ་འགལ་གྱི་བྱ་སྤྱོད་རིགས་ཐེར་འདོན་བྱེད་རྒྱུ་དེ་ཡིན་པ་རེད།
གསར་འགོད་པ། སྟག་ལྷ་རྒྱལ།
རྩོམ་སྒྲིག་པ། རིག་ལྡན་སྒྲོལ་མ།
དྲྭ་ཐོག་རྩོམ་སྒྲིག་པ། དཔལ་ལྡན་རྒྱལ།
དྲྭ་ཐོག་སྤེལ་མཁན། ཀླུ་འབུམ།
བལྟ་བཤེར་མང་ཤོས་བྱས་པའི་གནས་ཚུལ།
RFA
- རྒྱ་གར་གྱི་མངའ་སྡེའི་དཔོན་རིགས་ཚོར་བོད་མིའི་དཀའ་ངལ་སྐོར་སྙན་སེང་ཞུས་པ།
- ར་ཤེ་ཡས་རུ་སོག་སྐུ་ཚབ་དོན་གཅོད་ཏེ་ལོ་རིན་པོ་ཆེ་རྒྱལ་ཁབ་གཞན་གྱི་ལས་དོན་སྒྲུབ་མཁན་གྱི་གྲས་སུ་མིང་འདོན་བྱས་འདུག
- སྲིད་སྐྱོང་མཆོག་གིས་བོད་ཀྱི་གནད་དོན་ནི་སེལ་རྒྱུར་ལྷག་པའི་རྒྱལ་སྤྱིའི་དཀའ་རྙོག་ཅིག་ཡིན་པའི་ཐད་དབྱིན་ཡུལ་དུ་གཏམ་བཤད་གནང་འདུག
- ལི་ཐང་ནས་ཡིན་པ་དགེ་བཤེས་ཕན་བདེ་རྒྱལ་མཚན་ལགས་རྒྱ་ནག་གིས་འཛིན་བཟུང་དང་འབྲེལ་བཙོན་ཁང་དུ་འདས་གྲོངས་སུ་ཕྱིན་ཡོད་འདུག
- རྡོ་རྗེ་བཀྲ་ཤིས་ལགས་ཀྱི་གཅེན་མོར་ཡང་བསྐྱར་ངོ་རྒོལ་ལས་འགུལ་སྤེལ་ན་འཛིན་བཟུང་བྱེད་རྒྱུའི་ཉེན་བརྡ་བཏང་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- སྲིད་སྐྱོང་མཆོག་གིས་དབྱིན་ཡུལ་གྱི་(Oxford Union)་གླེང་སྟེགས་ཐོག་བོད་དོན་གཏམ་བཤད་གནང་འདུག
- སྲིད་སྐྱོང་མཆོག་གཞུང་འབྲེལ་ཕྱོགས་བསྐྱོད་ཆེད་དབྱིན་ཡུལ་ནས་ཨ་རིའི་རྒྱལ་ས་ཝ་ཤིང་ཀྲོན་དུ་ཕེབས་འབྱོར་བྱུང་འདུག
- ༧གོང་ས་མཆོག་གིས་དགའ་ལྡན་ཁྲི་ཐོག་༡༠༣པའི་ཆུང་སྲིད་རིན་པོ་ཆེར་མཇལ་ཁ་གནང་།
- རྒྱ་ནག་གིས་བཏང་བའི་ལྒང་ཕུག་ཅིག་ཨ་རིའི་མཁའ་དབྱིངས་ནས་རྙེད་རྗེས་ཕྱི་སྲིད་དྲུང་ཆེ་མཆོག་གི་འཚམས་གཟིགས་ཕྱིར་འགྱངས་བྱས་འདུག
- ཞེ་ཆེན་རབ་འབྱམས་རིན་པོ་ཆེ་ཡིས་སྔ་འགྱུར་རྙིང་མའི་སྨོན་ལམ་ཚོགས་པའི་ཚོགས་གཙོའི་ཐུགས་འགན་བཞེས་གཏན་འཁེལ་འདུག