རྒྱ་ནག་གིས་བལ་ཡུལ་ལ་རོགས་རམ་བྱེད་ཤུགས་ཆེ་རུ་བཏང་བ།

རྒྱ་ནག་གཞུང་གིས་བལ་ཡུལ་ལ་དཔལ་འབྱོར་དང་ཚོང་དོན་གྱི་རོགས་རམ་བྱེད་ཤུགས་ཆེ་རུ་གཏོང་རྒྱུ་ཡིན་འདུག་

2009-12-30
Share

༄༅༎རྒྱ་ནག་གཞུང་གིས་བལ་ཡུལ་ལ་དཔལ་འབྱོར་དང་ཚོང་དོན་གྱི་རོགས་རམ་བྱེད་ཤུགས་ཆེ་རུ་གཏོང་རྒྱུ་ཡིན་འདུག་

བལ་ཡུལ་གྱི་སྲིད་བློན་ནས་རེས་གཟའ་མིག་དམར་ཉིན་བལ་ཡུལ་གཞུང་གིས་ཡུལ་དེའི་ནང་རྒྱ་ནག་ལ་ངོ་རྒོལ་གྱི་ལས་འགུལ་སྤེལ་འཇུག་རྒྱུ་མིན་པ་ཕྱིར་བསྒྲགས་བྱས་པའི་རྗེས་ད་རེས་གཟའ་ལྷག་པའི་ཉིན་རྒྱ་ནག་གཞུང་གིས་བལ་ཡུལ་ལ་དཔལ་འབྱོར་དང་ཚོང་དོན་གྱི་རོགས་རམ་བྱེད་ཤུགས་ཆེ་རུ་གཏོང་རྒྱུ་ཁས་ལེན་བྱས་ཡོད་པའི་སྐོར་རྒྱ་ནག་གཞུང་འབྲེལ་ཤིན་ཧའ་གསར་འགྱུར་བརྒྱུད་ལམ་གྱིས་གནས་ཚུལ་སྤེལ་ཡོད་འདུག     རྒྱ་ནག་གཞུང་གིས་བལ་ཡུལ་ནང་གློག་ཁང་འཛུགས་སྐྲུན་དང་འཕྲོད་བསྟེན་ སློབ་གསོའི་ལས་གཞི་འཕེལ་རྒྱས་གཏོང་རྒྱུ་སོགས་ཀྱི་ཐོག་རོགས་སྐྱོར་བྱ་རྒྱུ་མ་ཟད་དེ་མིན་སྒོ་ཁྲལ་ཉུང་དུ་གཏོང་རྒྱུ་སོགས་རོགས་རམ་གྱི་ལས་དོན་མང་པོ་ཞིག་སྤེལ་རྒྱུ་ཁས་ལེན་བྱས་པའི་སྐོར་ཡུལ་གཉིས་ཐུན་མོང་ཐོག་སྤེལ་བའི་གསལ་བསྒྲགས་ཐོག་འཁོད་ཡོད་པ་རེད་ བལ་ཡུལ་གྱི་སྲིད་བློན་དེང་སྐབས་རྒྱ་ནག་ནང་རྒྱལ་དོན་འཚམས་གཟིགས་གནང་བཞིན་པ་དང་གཟའ་ལྷག་པའི་ཉིན་པེ་ཅིན་དུ་རྒྱ་ནག་གི་རྒྱ་ནག་གི་སྲིད་འཛིན་ཧུའུ་ཇིང་ཐའོ་དང་མཇལ་མོལ་གནང་ཡོད་ཅིང་།  དེ་ནི་བལ་ཡུལ་གྱི་སྲིད་བློན་རྒྱ་ནག་ནང་གི་རྒྱལ་དོན་འཚམས་གཟིགས་ཀྱི་ཉིན་མཐའ་མ་དེ་ཡིན་དེ་ཡིན་པ་རེད་ ད་རེས་བལ་ཡུལ་གྱི་སྲིད་བློན་རྒྱ་ནག་ཏུ་ཕེབས་ཡས་དང་ད་ལོ་ཕྱི་ཟླ་ལྔ་པའི་ནང་བལ་ཡུལ་གྱི་སྲིད་བློན་ནས་སྲིད་དབང་འཛིན་པའི་རྗེས་རྒྱ་ནག་ནང་ཕེབས་ཐེངས་ཐོག་མ་དེ་ཡིན་པ་དང་གཟའ་མིག་དམར་ཉིན་བལ་ཡུལ་གྱི་སྲིད་བློན་དང་རྒྱ་ནག་གི་སྲིད་བློན་གཉིས་མཇལ་མོལ་གནང་བའི་སྐབས་བལ་ཡུལ་གྱི་སྲིད་བློན་ནས་བལ་ཡུལ་གཞུང་གིས་ཐའེ་ལྦན་དང་བོད་དེ་བཞིན་རྒྱ་ནག་གི་ཁོངས་གཏོགས་ཡིན་པར་ཡིད་ཆེས་ཁས་ལེན་གནང་གི་ཡོད་པ་དང་དེར་བརྟེན་བལ་ཡུལ་གཞུང་གིས་བལ་ཡུལ་གྱི་ས་ཁོངས་ནང་རྒྱ་ནག་ལ་ངོ་རྒོལ་གྱི་ལས་འགུལ་རིགས་སྤེལ་བཅུག་རྒྱུ་མིན་ལུགས་འགྲེལ་བརྗོད་གནང་ཡོད་པ་རེད་། 

མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎

དྲ་གནས་ཆ་ཚང༌།