རྒྱ་ནག་ནང་ཁྲིམས་འགལ་གྱི་ཐོག་ནས་མིའི་དབང་པོ་ཚོང་བསྒྱུར།

རྒྱ་ནག་ནང་ཁྲིམས་འགལ་གྱི་ཐོག་ནས་མིའི་དབང་པོ་ཕྱི་རྒྱལ་ནས་ཡོང་པའི་མི་ཚོར་ཚོང་བསྒྱུར་བྱ་མཁན་གྱི་སྨན་ཁང་གསུམ་ལ་ཉེས་ཆད་བཏང་འདུག

2008.11.01

༄༅༎རྒྱ་ནག་གཞུང་གི་འཕྲོད་བསྟེན་ལས་ཁང་ནས་ཁྲིམས་འགལ་གྱི་ཐོག་ནས་མིའི་དབང་པོ་ཕྱི་རྒྱལ་ནས་ཡོང་པའི་མི་ཚོར་ཚོང་བསྒྱུར་བྱ་མཁན་གྱི་སྨན་ཁང་གསུམ་ལ་ཉེས་ཆད་བཏང་ཡོད་ལུགས་གཟའ་སྤེན་པའི་ཉིན་རྒྱ་ནག་གི་འཕྲོད་བསྟེན་བློན་ཆེན་གཞོན་པ་ཧོང་ཅེ་ཕུས་འགྲེལ་བརྗོད་གནང་འདུག

ཁོང་གིས་ཉེས་ཆད་ཕོག་ཡུལ་གྱི་སྨན་ཁང་དང་སྨན་པ་བཅས་ཀྱི་མིང་འདོན་གནང་མིན་འདུག་ལ་དེ་བཞིན་དབང་པོ་གང་ཞིག་ཚོང་བསྒྱུར་བྱས་ཡོད་མིན་དང་ཉེས་ཆད་ཀྱི་ངོ་བོ་ཇི་ཡིན་སོགས་ཀྱང་གསལ་བཤད་གནང་མེད་པ་རེད། འོན་ཀྱང་ཧོང་ཅེ་ཕུས་རྒྱལ་ཡོངས་སྨན་སློབ་ཀྱི་ཚོགས་འདུའི་ཐོག་གཏམ་བཤད་ཅིག་གནང་སྐབས་ཁོང་གིས་ཁྲིམས་འགལ་གྱི་ཐོག་ནས་ལས་དོན་དེ་རིགས་སྤེལ་མཁན་ཚོ་སྨན་ཁང་དང་སྨན་པ་དེ་དག་གི་ལས་ཀ་བྱ་རྒྱུའི་ཆོག་མཆན་ཤོར་སྲིད་པའི་ཉེན་བརྡ་བཏང་ཡོད་པ་རེད།

རྒྱ་ནག་གི་ཁྲིམས་ལུགས་གཞིར་བཟུང་ལྟར་ན་དབང་པོ་བརྗེ་བསྒྲུར་དེ་དགོས་ཅན་གྱི་ནང་མི་ཕན་ཚུན་མ་གཏོགས་བྱ་ཆོག་གི་མེད་ན་ཡང་ཁྲིམས་འགལ་གྱི་ཐོག་ནས་ཚོང་བསྒྱུར་བྱ་མཁན་ནི་རྒྱ་ནག་ནང་ཡོངས་ཁྱབ་ཀྱི་གནས་ཚུལ་ཞིག་ཡིན་པ་རེད།

རྒྱ་ནག་གཞུང་འབྲེལ་གྱི་སྡོམ་ཐོ་ཞིག་བཏོན་ཡོད་པ་དེའི་ནང་ལོ་ལྟར་རྒྱ་ནག་ནང་མི་ས་ཡ་གཅིག་དང་ཕྱེད་ཀ་ཙམ་ལ་དབང་པོ་བརྗེ་བསྒྱུར་དགོས་ཀྱི་ཡོད་ན་ཡང་དངོས་སུ་དགོས་ཅན་གྱི་དབང་པོ་ཁྲི་གཅིག་ཙམ་ལས་འབྱུང་ཁུངས་མེད་པ་དང་ད་ཆ་རྒྱ་ནག་གཞུང་ཕྱོགས་ནས་སྨན་ཁང་ཁག་ལ་དབང་པོ་བརྗེ་བསྒྱུར་གྱི་ལག་བསྟར་ཆོག་པའི་ཆོག་མཆན་སྤྲོད་རྒྱུར་དམ་འཛིན་བྱ་རྒྱུ་ཡིན་འདུག

བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
དབོན་སྟོད་དགོན་པའི་ཕྱག་མཛོད་བགྲེས་པ་དང་གྲོང་ཚོའི་ལས་བྱེད་པ་གཉིས་ཀྱི་གྱོད་དོན་གཞུང་ཕྱོགས་གྱོད་ཞིབ་པར་རྩིས་སྤྲད་ཟིན་འདུག
མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎