ལྷ་སར་བདེ་འཇགས་ལ་ཤུགས་སྣོན་དགོས་པའི་བཀོད་རྒྱ་བཏང་བ།

བོད་ཤར་ཕྱོགས་ཁུལ་གྱི་ཞི་རྒོལ་ལྷ་སར་མ་ཁྱབ་པའི་དོན་དུ་བདེ་འཇགས་ལས་དོན་ཤུགས་ཆེ་རུ་གཏོང་དགོས་པའི་བཀའ་རྒྱ་བཏང་བཞག

2012.01.31

༄༅༎རྒྱ་ནག་གིས་དབང་བསྒྱུར་བྱེད་བཞིན་པའི་བོད་ཀྱི་རྒྱལ་ས་ལྷ་སའི་རྒྱ་ནག་དམར་ཤོག་ཚོགས་པའི་དྲུང་ཆེ་ཆི་ཀྲའ་ལ་ཡིས་ བོད་ཤར་ཕྱོགས་ཁུལ་དུ་བོད་མི་ཚོས་ཞི་རྒོལ་གནང་བཞིན་ཡོད་པ་དེ་ལྷ་སར་མ་ཁྱབ་པའི་དོན་དུ་དགོན་པ་ཁག་དང་གཞུང་ལམ་ཆེ་ཁག་ཏུ་བདེ་འཇགས་ལས་དོན་ཤུགས་ཆེ་རུ་གཏོང་དགོས་པའི་བཀའ་རྒྱ་བཏང་བཞག།
ཆི་ཀྲའ་ལ་ ཡིས་བདུན་ཕྲག་འདིའི་ནང་གྲོང་ཁྱེར་ལྷ་སའི་མཐའ་འཁོར་གྱི་བདེ་འཇགས་སྲུང་སྐྱོབ་ཀྱི་ལས་དོན་ལ་རྟོག་ཞིབ་བྱེད་སྐབས། རྒྱ་གཞུང་གི་ལས་བྱེད་པ་དང༌། དགོན་པའི་ལས་བྱེད་པ་ཚོར་ངོ་རྒོལ་གྱི་གནད་དོན་རིགས་བྱུང་བ་ཡིན་ན་། ཁོང་ཚོ་ལས་གནས་ནས་ཕྱིར་འབུད་བྱ་རྒྱུའི་ཉེན་བརྡ་བཏང་ཡོད་པ་དང༌། གཞུང་ལམ་གི་འགག་སྒོར་བཀོད་འཛུགས་བྱས་པའི་ཉེན་རྟོག་པར་མང་ཚོགས་ཀྱིས་གཏོར་སྐྱོན་གྱི་ལས་འགུལ་སྤེལ་གྱི་ཡོད་མེད་ཐོག་སྤྱང་སྒྲུང་་དོད་པོའི་ངང་ནས་ལྟ་སྲུང་བྱ་དགོས་པའི་བཀའ་བཏང་འདུག། རྒྱ་ནག་གཞུང་འབྲེལ་ལས་བྱེད་པ་ཚོས་ལྷ་ཁང་དང་དགོན་སྡེ་ཁག་གི་བརྟན་ལྷིང་སྲུང་སྐྱོབ་བྱེད་ཡག་དེ་ལས་དོན་གལ་ཆེ་ཞིག་ལ་རྩིས་དགོས་རྒྱུ་དང༌། དོན་རྐྱེན་ཆེ་འབྲིང་ཆུང་གསུམ་རིགས་གཅིག་ཀྱང་མི་ཡོང་བའི་དམིགས་ཡུལ་འགྲུབ་རྒྱུ་ངེས་པར་དུ་དམ་འཛིན་ཡག་པོ་བྱེད་དགོས་ཀྱི་རེད་ཅེས་ཆི་ཀྲའ་ལ་ཡིས་བརྗོད་པ་རྒྱ་ནག་ཉིན་རེའི་གསར་ཤོག་གིས་དེ་རིང་ལུང་འདྲེན་བྱས་འདུག། གྲོང་ཁྱེར་ལྷ་སའི་རྒྱ་ནག་དམར་ཤོག་ཚོགས་པའི་དྲུང་ཆེ་ཆི་ཀྲའ་ལ་ཡིས་ལྷ་སའི་ནང་ལྟ་སྐོར་བྱེད་སྐབས། གཙོ་བོ་ཟི་ཁྲོན་ཞིང་ཆེན་ནས་ལྷ་ས་བར་གྱི་གཞུང་ལམ་བརྒྱུད་དང་ཡང་གྲོང་ཁྱེར་ལྷ་སའི་མཐའ་ལ་ཡོད་པའི་བོད་ཀྱི་དགོན་སྡེ་ཆེ་ཁག་གཉིས་ལ་ལྟ་སྐོར་བྱས་འདུག།

བལྟ་བཤེར་མང་ཤོས་བྱས་པའི་གནས་ཚུལ།
RFA
བྷེལ་ཇམ་གྱི་མི་སེར་ཡིན་པ་བོད་མི་ཞིག་བོད་ལ་གཉེན་འཕྲད་དུ་བསྐྱོད་སྐབས་ཧྲང་ཧེ་གནམ་ཐང་ནས་ཕྱིར་སློག་བྱས་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
༸གོང་ས་མཆོག་གིས་ཇོ་ནང་༸རྒྱལ་ཚབ་རིན་པོ་ཆེས་དབུས་པའི་ཐའེ་ཝན་གྱི་དད་ལྡན་ཆོས་ཞུ་བ་ ༡༦ ལ་མཇལ་ཁ་སྩལ་བ།
མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎