དཀར་མཛེས་ཕྱོགས་ཀྱི་བཙུན་མ་བརྒྱད་བརྒྱ་ཕྱིར་ཕུད་བཏང་འདུག


2016.12.08
རྒྱ་ནག་གིས་དཀར་མཛེས་འཛི་ཆེན་ཁུལ་དུ་གསར་རྒྱག་བྱས་བའི་བཙུན་མའི་སྡོད་ཁང་ལྕགས་ཁང་། ༢༠༡༦།༡༢ རྒྱ་ནག་གིས་དཀར་མཛེས་འཛི་ཆེན་ཁུལ་དུ་གསར་རྒྱག་བྱས་བའི་བཙུན་མའི་སྡོད་ཁང་ལྕགས་ཁང་། ༢༠༡༦།༡༢
ཀུན་བཟང་བསྟན་འཛིན།/RFA

གསེར་རྟ་བླ་རུང་སྒར་ནས་དཀར་མཛེས་ཁུལ་གཅིག་པུ་ནས་ཡིན་པའི་བཙུན་མ་ཉུང་མཐར་བརྒྱད་བརྒྱ་ཙམ་རྒྱ་ནག་གཞུང་གིས་ཕྱིར་འབུད་བྱས་འདུག
དེ་ཡང་འདི་ག་རླུང་འཕྲིན་ཁང་དུ་བོད་ནས་གནས་ཚུལ་མཁོ་སྤྲོད་པ་ཞིག་གིས་འགྲེལ་བརྗོད་བྱས་བ་ལྟར་ན། བཙུན་མ་དེ་དག་དེ་སྔོན་མཁན་པོ་འཇིགས་མེད་ཕུན་ཚོགས་མཆོག་གིས་བཙུན་མའི་སྒར་ཞིག་གསར་རྒྱག་གནང་རྒྱུའི་འཆར་གཞི་ཡོད་པའི་ས་སྟོང་ཞིག་ཡོད་པ་དེའི་ནང་ལྕགས་ཁང་མང་དག་ཞིག་གསར་རྒྱག་གིས་དེའི་ནང་བཞག་ཡོད་འདུག་ལ། བཙུན་མ་དེ་དག་ཕྱི་ཟླ་༡༢་ཚེས་༡་ནས་གནས་སྤོ་བྱས་འགོ་བཙུགས་ཡོད་འདུག་ཅིང་། ཁོང་ཚོ་འཇོག་ཡུལ་གྱི་ས་གནས་དེ་ནི་དཀར་མཛེས་ཁུལ་གྱི་ཨ་སྐྱབས་སྡེ་བའི་ས་ཁུལ་ཞིག་ཡིན་འདུག
ཐོག་བརྩེགས་གཉིས་ཅན་གྱི་ལྕགས་ཁང་དེ་དག་རྒྱ་ནག་གཞུང་གིས་འགྲོ་གྲོན་བཏང་སྟེ་གསར་རྒྱག་བྱས་པ་ཡིན་འདུག་ཅིང་། སྡོད་ཁང་བདུན་བརྒྱ་ཙམ་འཛུགས་བསྐྲུན་ཟིན་ཡོད་འདུག
ཡང་བོད་ནས་གནས་ཚུལ་མཁོ་སྤྲོད་པ་དེས་བརྗོད་ན། གསེར་རྟ་བླ་རུང་སྒར་རུ་དཀར་མཛེས་ཁུལ་གཅིག་པུ་ནས་ཡིན་པ་བཙུན་མའི་གྲངས་སྟོང་ཕྲག་འགའ་ཤས་ཟིན་གྱི་ཡོད་འདུག
རྒྱ་ནག་གཞུང་གིས་གསེར་རྟ་བླ་རུང་སྒར་གྱི་གྲྭ་ཤག་གཏོར་བཤིག་གི་ལས་དོན་མུ་མཐུད་དུ་རྩོམ་བཞིན་ཡོད་པ་རེད།

གསར་འགོད་པ་འགན་འཛིན་གཞོན་པ་སྐལ་ལྡན་བློ་གྲོས།

བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
ཁྲིམས་སྒྲིག་བསྐྱར་བཅོས་འཆར་ཟིན་ཚོགས་ཆུང་གི་ལས་བསྡོམས་གྲོས་ཚོགས་སུ་སྙན་སྒྲོན་གནང་སོང་།
མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎