རྒྱ་ནག་གཞུང་གིས་ཞི་བདེ་རྒྱ་མཚོའི་རང་དབང་གི་ཚོང་འབྲེལ་གྲོས་མཐུན་ཁོངས་སུ་ཞུགས་རྒྱུའི་སྙན་ཞུ་ཕུལ་ཡོད་འདུག

2021.09.17
རྒྱ་ནག་གཞུང་གིས་ཞི་བདེ་རྒྱ་མཚོའི་རང་དབང་གི་ཚོང་འབྲེལ་གྲོས་མཐུན་ཁོངས་སུ་ཞུགས་རྒྱུའི་སྙན་ཞུ་ཕུལ་ཡོད་འདུག (CPTPP)་ཟེར་བའི་ཚོང་དོན་སྒྲིག་འཛུགས་ཀྱི་ལྷན་ཚོགས་སྐབས།
AFP

རྒྱ་ནག་གཞུང་གིས་ཞི་བདེ་རྒྱ་མཚོའི་རང་དབང་ཚོང་འབྲེལ་གྲོས་མཐུན་ནང་ལ་ཞུགས་རྒྱུའི་སྙན་ཞུ་ཕུལ་བ་དེར། ཉི་ཧོང་གིས་རྒྱ་ནག་ནི་ཞི་བདེ་རྒྱ་མཚོའི་ཁུལ་གྱི་ཚོང་དོན་ཡར་རྒྱས་གྲོས་མཐུན་གྱི་ཚད་གཞིར་སླེབས་ཡོད་མེད་ཐག་གཅོད་མི་བྱེད་ཀ་མེད་ཡིན་པ་བཤད་ཡོད་པ་དང་། གནས་ཚུལ་ལྟར་ན། སྤྱི་ཚེས་༡༦་ཉིན་རྒྱ་ནག་གི་ཚོང་ལས་སྡེ་ཁག་གིས་གསལ་བསྒྲགས་ཤིག་སྤེལ་ནས། རྒྱ་ནག་གི་ཚོང་དོན་བློན་ཆེན་ཝང་ཝིན་ཐའོ་ཟེར་བས་ནེའུ་ཛི་ལན་ཊིའི་ཚོང་དོན་བློན་ཆེན་(Damien O’Connor)་གྱི་མཚན་ཐོག་རྒྱ་ནག་ཚོང་དོན་རང་དབང་གི་གྲོས་མཐུན་ལ་མཉམ་ཞུགས་བྱ་རྒྱུའི་སྙན་ཞུ་ཞིག་ཕུལ་ཡོད་པ་བརྗོད་འདུག
(CPTPP)་ཟེར་བའི་ཚོང་དོན་སྒྲིག་འཛུགས་དེ། ཨོསི་ཊརེ་ལི་ཡ་(Australia)་དང་། ཁེ་ཎ་ཌ། ཉི་ཧོང་། སུད་སི་སོགས་རྒྱལ་ཁབ་བཅུ་གཅིག་གིས་གྲུབ་པའི་ཚོང་དོན་སྒྲིག་འཛུགས་ཤིག་ཡིན་པ་དང་། སྔོན་མ་ཚོང་དོན་སྒྲིག་འཛུགས་དེར་ཞི་བདེ་རྒྱ་མཚོ་ལས་བརྒལ་བའི་ཚོང་འབྲེལ་གྲོས་མཐུན་ཞེས་གཙོ་བོ་དེ་ནི་རྒྱ་ནག་གི་དཔལ་འབྱོར་གྱི་སྟོབས་ཤུགས་ལ་ཁ་གཏད་གཅོག་ཐབས་སུ་དམིགས་པའི་ཚོང་དོན་སྒྲིག་འཛུགས་ཤིག་ཡིན་འདུག
ཉི་ཧོང་གིས་(CPTPP)་ཞེས་པའི་ཚོང་དོན་མཐུན་ཚོགས་དེའི་འགན་འཛིན་གྱི་འགན་བཞེས་ཡོད་སྟབས། ཉི་ཧོང་གི་ཕྱོགས་ནས་ད་རེས་རྒྱ་ནག་གི་སྙན་ཞུ་དེར་ཚོགས་མིའི་རྒྱལ་ཁབ་ཁག་དང་གྲོས་བསྡུར་བྱས་རྗེས་སུ་ལན་འདེབས་གནང་རྒྱུ་ཡིན་པའི་སྐོར་གསུངས་ཡོད་པ་ཙམ་ལས་དུས་ཚོད་སོགས་ཁ གསལ་གནང་མི་འདུག
གནས་ཚུལ་དེའི་སྐོར་ལ་ཉི་ཧོང་གི་དཔལ་འབྱོར་བློན་ཆེན་(Yasutoshi Nishimura)་ཡིས་རེས་གཟའ་པ་སངས་ཉིན་གསར་འགོད་པའི་བཅར་འདྲིར་ལན་འདེབས་གནང་སྐབས་སུ། ཉི་ཧོང་གིས་རྒྱ་ནག་དེ་རྒྱལ་ཁབ་བཅུ་གཅིག་གིས་གྲུབ་པའི་ཚོང་དོན་སྒྲིག་འཛུགས་དེར་ཞུགས་འོས་མིན་དང་ཞུགས་ཐུབ་པའི་ཚད་གཞིར་སླེབས་ཡོད་མེད་ངེས་པར་དུ་བལྟ་དགོས་པ་སྐོར་གསུངས་ཡོད་འདུག

གསར་འགོད་པ། གུ་རུ་ཆོས་སྐྱིད།
རྩོམ་སྒྲིག་པ། འབེན་པ་སྟོབས་རྒྱལ།
དྲ་ཐོག་རྩོམ་སྒྲིག་པ། དཔལ་ལྡན་རྒྱལ།
དྲ་ཐོག་སྤེལ་མཁན། ཀླུ་འབུམ།

བལྟ་བཤེར་མང་ཤོས་བྱས་པའི་གནས་ཚུལ།
RFA
རྒྱལ་ཁབ་ཁག་བཅོ་བརྒྱད་ནང་བོད་དོན་དང་བླངས་ཞུ་གཏུག་པ་ ༥༢༡ དང་བླང་གི་ཐོག་ནས་འཛུལ་ཞུགས་གནང་ཡོད་སྐོར། ཕྱི་དྲིལ་བཀའ་བློན་ནས་གྲོས་ཚོགས་སུ་གསུངས་པ།
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
དཔྱ་དངུལ་ཆག་ཡང་བཏང་བའི་ལོ་གཅིག་ནང་བོད་མི་དྲུག་སྟོང་ལྔ་བརྒྱ་ལྷག་གིས་དཔྱ་དངུལ་ལག་དེབ་གསར་བཟོ་དང་བསྐྱར་གསོ་གནང་འདུག
མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎