བཀའ་ཟུར་རྒྱ་རི་རིན་པོ་ཆེའི་ཆེད་གཞུང་འབྲེལ་མཆོད་འབུལ་སྨོན་ལམ།


2018-10-30
Share
བཀའ་ཟུར་རྒྱ་རི་རིན་པོ་ཆེའི་ཆེད་གཞུང་འབྲེལ་མཆོད་འབུལ་སྨོན་ལམ། བཀའ་ཟུར་རྒྱ་རི་རིན་པོ་ཆེའི་ཆེད་གཞུང་འབྲེལ་མཆོད་འབུལ་སྨོན་ལམ།
ཨེ་ཤེ་ཡ་རང་དབང་རླུང་འཕྲིན། བསྟན་འཛིན་འོད་ཟེར།

༄༅།  །བཀའ་ཟུར་རྒྱ་རི་བློ་གྲོས་རྒྱལ་མཚན་རིན་པོ་ཆེ་མཆོག་སྐུ་ཚེའི་འཕེན་པ་རྫོགས་པའི་ཡིད་སྐྱོའི་གནས་ཚུལ་བྱུང་བར་བོད་མིའི་སྒྲིག་འཛུགས་ཀྱི་བཀའ་ཤག་ནས་ཐུགས་ཕམ་དང་སྦྲགས་དམ་པ་དེ་ཉིད་ཀྱིས་སྐུ་ཚེ་ཧྲིལ་པོར་བོད་བསྟན་སྲིད་མི་རིགས་ཀྱི་ཆེད་དུ་ཞབས་ཞུ་བསྒྲུབས་པར་ཡིད་རང་བསྔགས་བརྗོད་དང་རྗེས་དྲན་ཞུ་ཕྱིར་ཕྱི་ཚེས་༣༠་ཉིན་རྒྱབ་ཕྱག་ཚོད་གཉིས་པའི་ཐོག་སྲི་ཞུའི་ལས་བྱེད་རྣམས་ཚང་འཛོམས་གནང་སྟེ་སྨོན་ལམ་གསུང་དོན་གནང་བ་དང་དམ་པ་ཁོང་ལ་མྱ་ངན་གུས་འདུད་དང་གདུང་སེམས་མཉམ་བསྐྱེད་མཚོན་ཕྱིར་ཕྱི་དྲོའི་ཕྱག་ཚོད་གསུམ་པ་ནས་ལས་ཁུངས་ཁག་ལས་མཚམས་བཞག་གནང་སྐོར་བོད་མིའི་སྒྲིག་འཛུགས་ཀྱི་དྲ་རྒྱ་བརྒྱུད་ནས་གནས་ཚུལ་སྤེལ་འདུག སྲི་ཞུའི་ལས་བྱེད་པ་རྣམས་ཚང་འཛོམས་ཐོག་བཀའ་དྲུང་རྫོང་ཁ་སྟོབས་རྒྱལ་ཚེ་རིང་ལགས་ཀྱིས་དམ་པ་ཁོང་གི་སྐུ་ཚེའི་ལོ་རྒྱུས་སྙིང་བསྡུས་ཤིག་སྒྲོག་སྦྱང་གནང་འདུག

ཡང་བོད་ཀྱི་གཞོན་ནུ་ལྷན་ཚོགས་དབུས་སྤྱི་ཁབ་རྒྱུན་ལས་ཁང་གིས་ཀྱང་། བོད་ཀྱི་གཞོན་ནུ་ལྷན་ཚོགས་ཐོག་མར་གསར་འཛུགས་གནང་མཁན་མི་སྣ་བཞིའི་གྲས་ནས་གཅིག་ཡིན་པ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་དམིགས་བསལ་སྐུ་ཚབ་ཟུར་པ་གཞོན་ལྷན་གྱི་དབུས་རྒྱུན་ཟུར་པ་བཀའ་ཟུར་རྒྱ་རི་བློ་གྲོས་རྒྱལ་མཚན་མཆོག་དགོངས་པ་རྫོགས་པའི་ཡིད་སྐྱོའི་གནས་ཚུལ་བྱུང་བར་གཞོན་ལྷན་ངོས་ནས་མྱ་ངན་རྗེས་དྲན་དང་གུས་འདུད་ཞུས་པ་དང་ཐུགས་གསོའི་འཚམས་འཕྲིན་གནང་འདུག

ཡང་འདི་ག་ཨ་མེ་རི་ཀའི་རྒྱལ་ས་ཝ་ཤིང་ཀྲོན་བོད་མིའི་སྤྱི་མཐུན་ཚོགས་པ་དང་ས་གནས་གཞོན་ནུ་ལྷན་ཚོགས་གཉིས་ཟུང་འབྲེལ་སྒོ་ནས་དམ་པ་དེའི་ཆེད་འདི་ཟླའི་ཚེས་༣༡་སྟེ་གཟའ་ལྷག་པ་ལྷ་དཀར་ཉིན་དང་བསྟུན་ནས་འབྲི་གུང་ཆོས་ཀྱི་ཉི་མ་ཚོགས་སུ་སྨོན་ལམ་གསུང་འདོན་གནང་འཆར་འདུག

གསར་འགོད་པ་སེངྒེ་རི་བསོད་ནམས་ལྷ་མོ།

མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎

དྲ་གནས་ཆ་ཚང༌།