༧གོང་ས་མཆོག་གིས་དགུང་གྲངས་༡༡༠་ལྷག་ལ་བཞུགས་རྒྱུའི་ལུང་བསྟན་ཡོད་པ་བཀའ་སྩལ།

2019-05-17
གློག་འཕྲིན།
མཆན།
Share
པར་བཀོད།
༧གོང་ས་མཆོག་ལ་བརྟན་བཞུགས་སྐབས། ༢༠༡༩།༥།༡༧
༧གོང་ས་མཆོག་ལ་བརྟན་བཞུགས་སྐབས། ༢༠༡༩།༥།༡༧
OHHDL

སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་དགུང་གྲངས་བརྒྱ་དང་བཅུ་ལྷག་བཞུགས་རྒྱུར་ལྷ་བླའི་ལུང་བསྟན་ཡོད་པ་བརྟན་བཞུགས་སྐབས་བཀའ་སྩལ་འདུག
ཕྱི་ཟླ་ ༥ ཚེས་ ༡༧ ཉིན་རྡ་ས་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་བོད་ཀྱི་བླ་མེད་པའི་དབུ་ཁྲིད་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་ལ་བོད་གཞིས་བྱིས་གཉིས་ཀྱི་ཆོལ་གསུམ་ཆོས་རྒྱུད་ལྷ་མི་ཟུངས་འབྲེལ་གྱིས་ཚེ་དཔག་མེད་དངས་མ་བཅུད་འདྲེན་གྱི་སྒོ་ནས་བརྟན་བཞུགས་བསྟར་འབུལ་སྐབས། ༧གོང་ས་སྐྱབས་མགོན་ཆེན་པོ་མཆོག་གིས་མཚན་ལམ་ཞིག་གི་ནང་དཔལ་ལྡན་ལྷ་མོས་༧གོང་ས་མཆོག་དགུང་གྲངས་བརྒྱ་དང་བཅུ་ལྷག་ཞུགས་རྒྱུར་ཐེ་ཚོམ་མེད་པ་གསུངས་ཡོད་པ་བཀའ་གནང་པ་དང་། དེ་བཞིན་མཚན་ལམ་གཞན་དང་ཡིད་ཆེས་འཕེར་ངེས་ཀྱི་ལྷ་བླའི་ལུང་བསྟན་ཁག་ལས་སྐུ་ཚེ་དགུང་གྲངས་བརྒྱ་དང་བཅུ་ལྷག་ཞུགས་རྒྱུ་ཡིན་པ་གསལ་བ་བཞིན་༧གོང་ས་༧སྐྱབས་མགོན་ཆེན་པོ་མཆོག་ནས་ཀྱང་འཛམ་གླིང་གི་སྐྱེ་འགྲོའི་བདེ་དོན་ལ་ཕན་པའི་ཆེད་སྐུ་ཚེ་རིང་དུ་ཞུགས་རྒྱུར་ཐུགས་སྨོན་དང་སྐུའི་འཕྲོས་བཞེས་གནང་བཞིན་ཡོད་པ་བཀའ་གནང་ཞིང་། བརྟན་ཞུགས་སུ་ཆེད་བཅར་ཞུས་པའི་མི་དམངས་ཚོས་དགའ་བསུ་ཆེན་པོ་ཞུས་ཡོད་པ་རེད།
ཐེངས་འདིའི་བརྟན་ཞུགས་ཀྱི་རྡོ་རྗེ་སློབ་དཔོན་འཁོར་རིག་བསྟན་པའི་སྲོག་ཤིང་དཔལ་ས་སྐྱ་༧གོང་མ་ཁྲི་འཛིན་རིན་པོ་ཆེ་མཆོག་གིས་གནང་ཞིང་ ས་དགེ་དཀའ་རྙིང་གཡུང་དྲུང་བོན་དང་བཅས་པའི་དབུ་བླ་དང་བླ་ཆེན་ཁག་གཅིག་ཆེད་བཅར་ཞུས་ཡོད་པ་རེད།
ཉེ་ལམ་༧གོང་ས་སྐྱབས་མགོན་ཆེན་པོ་མཆོག་སྐུ་གཟུགས་བདེ་མིན་བྱུང་སྐབས་ཕྱི་ནང་དད་ལྡན་མང་པོ་ཞིག་གིས་སེམས་འཚབ་དང་། ཞབས་རིམ་སྨིན་སྒྲུབ་དང་སྦྲགས་སྨོན་ལམ་རྒྱབ་ཡོད་པ་དེས་ཏན་ཏན་ཕན་ཐོགས་བྱུང་ཡོད་པ་བཀའ་གནང་པ་དང་། ཡང་༧གོང་ས་སྐྱབས་མགོན་ཆེན་པོ་མཆོག་གི་སྐུ་ཚེའི་ནང་འགྲོ་བ་མིའི་རིན་ཐང་དང་ཆོས་ལུགས་མཐུན་སྒྲིལ། བཟང་སྤྱོད་གོང་འཕེལ་གྱི་ཐོག་ཞི་བདེ་ཡོང་ཐབས་ཀྱི་མཛད་འཕྲིན་གྱིས་འཛམ་གླིང་འདིར་ཕན་ཡོང་གི་ཡོད་པ་ཞིག་འདུག་ན་སྐུ་ཚེ་བརྟན་ན་དགོས་པ་ཡོད་པ་བཀའ་སྩལ་གནང་པར་མ་ཟད། བོད་བསྟན་པ་ཆབ་སྲིད་ཀྱི་ཆེད་དུ་ལོ་ངོ་དྲུག་བཅུའི་ནང་ཞབས་འདེགས་བསྒྲུབ་པ་དང་། དེ་ཡང་གཙོ་བོ་གཞིས་ལུས་བོད་མིའི་ཞུམ་པ་མེད་པའི་ལྷག་བསམ་སྙིང་སྟོབས་ལ་བརྟེན་ནས་བཙན་བྱོལ་ནང་ཚང་མས་གང་ཡོང་བྱས་པར་ལེགས་སོའི་བསྔགས་བརྗོད་མཛད་ཡོད་པ་རེད།
ད་རེས་བརྟན་བཞུགས་སྐབས་བོད་མི་སེར་སྐྱ་མི་མང་བརྒྱད་སྟོང་བརྒལ་བའི་ཐོག་བོད་མི་ཙམ་མ་ཡིན་པར་འཕགས་པ་གནས་བརྟན་པའི་དགེ་འདུན་པ་དང་། དེ་བཞིན་ཕྱི་རྒྱལ་བ་སོགས་ནས་མགོན་པོ་མཆོག་སྐུ་ཚེ་བརྟན་པའི་ཆེད་དུ་སྨོན་ལམ་ཞུ་ཆེད་བཅར་འདུག།

མཆན། (0)
Share
དྲ་གནས་ཆ་ཚང༌།