༧གོང་ས་མཆོག་གི་གྱ་ལྔའི་དགུང་ཀེག་ལ་ཞབས་རིམ་ཁག་ཅིག་དགེ་སྐུལ་གནང་འདུག


2019.05.10
ཞབས་རིམ་གསལ་བསྒྲགས། ཞབས་རིམ་གསལ་བསྒྲགས།
RFA

བོད་ཀྱི་དབུ་ཁྲིད་༧གོང་ས་མཆོག་སྐུ་ཁམས་གསལ་དྭངས་ཡིན་ཡང་གྱ་ལྔའི་དགུང་ཀེག་ལ་ཞབས་རིམ་ཁག་ཅིག་དགེ་སྐུལ་གནང་འདུག
ཕྱི་ཟླ་ ༥ ་ཚེས་ ༡༠ ་ཉིན་དགའ་ལྡན་ཕོ་བྲང་ཡིག་ཚང་གིས། ༧གོང་ས་༧སྐྱབས་མགོན་ཆེན་པོ་མཆོག་གི་༧སྐུ་ཕྱྭ་དང་འབྲེལ་བའི་ཞབས་རིམ་སྨིན་སྒྲུབ་ཞུ་རྒྱུའི་གསལ་བསྒྲགས་ཤིག་གནང་འདུག་པ་དེའི་ནང་། བོད་གངས་ཅན་པ་རྣམས་ཀྱི་གཙོས་འཛམ་གླིང་ཡུལ་གྲུ་གང་སར་ཡོད་པའི་དད་ལྡན་པ་རྣམས་ཀྱིས། འདི་ལོ་༧གོང་ས་༧སྐྱབས་མགོན་ཆེན་པོ་མཆོག་དགུང་གྲངས་གྱ་ལྔའི་དགུང་ཀེག་ལ་ཕེབས་པར་བརྟེན། ༧གོང་ས་༧སྐྱབས་མགོན་ཆེན་པོ་མཆོག་ཉིད་ཀྱིས་མཛད་ཅིང་། བྱིན་རླབས་ཀྱི་ཚན་ཁ་ཆེ་བའི་གསོལ་འདེབས་སྟོང་ཉིད་སྙིང་རྗེ་མ་དང་། ༧རྒྱལ་བའི་ཡོངས་འཛིན་སྐྱབས་རྗེ་གླིང་རིན་པོ་ཆེས་མཛད་པའི་༧རྒྱལ་བའི་མཚན་སྔགས་བཅས་གང་མང་སྤྱི་མཐུན་བསོད་ནམས་གསོག་སྒྲུབ་དང་། ༧སྐུ་ཕྱྭའི་ཞབས་རིམ་ལ་སྨིན་ཆེད་རྒྱ་གང་ཆེ་གསོག་སྒྲུབ་དགོས་པའི་སྐུལ་མ་གནང་འདུག  
བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་ཟླ་བ་སྔོན་མའི་ནང་སྐུ་ཁམས་བདེ་མིན་གྱིས། རྒྱ་གར་གྱི་རྒྱལ་ས་ལྡི་ལིར་སྐུའི་སྨན་བཅོས་འཕྲོས་བཞེས་གནང་ཞིང་། སྐུ་དཀྱིལ་གསལ་དྭངས་ཐོག་ཕྱི་ཟླ་༤་ཚེས་༢༦་ཉིན་བཞུགས་སྒར་རྡ་རམ་ས་ལར་ཞབས་སོར་བདེ་བར་འཁོད་གནང་མཛད་པར་མ་ཟད། མཇལ་ཁ་ལ་སོགས་པ་མཛད་འཕྲིན་ཁག་དང་། ལྷག་པར་ཕྱི་ཟླ་ ༥ ་ཚེས་ ༡༠་ནས་ཉིན་གྲངས་གསུམ་རིང་ར་ཤེ་ཡའི་དད་ལྡན་གཙོ་བོར་གྱུར་བའི་ཆོས་ཞུ་བ་སྟོང་ཚོ་བརྒྱད་ཙམ་ལ་རྒྱུད་བླ་མ་དང་ལམ་གཙོ་རྣམ་གསུམ་གྱི་སྒོ་ནས་ཆོས་འབྲེལ་སྐྱོང་གནང་དབུ་འཛུགས་མཛད་ཡོད་པ་རེད།
༧གོང་ས་༧སྐྱབས་མགོན་ཆེན་པོ་མཆོག་༧སྐུ་བསྟེན་ཚུལ་བཞེས་པར་བོད་ཕྱི་ནང་གི་བོད་མི་དང་། དེ་བཞིན་༧གོང་ས་༧སྐྱབས་མགོན་ཆེན་པོ་མཆོག་ལ་དད་གུས་ཞུ་མཁན་བོད་མི་མ་ཡིན་པའི་ནང་པ་དང་། ཡང་དགའ་མོས་ཞུ་མཁན་ཕྱི་མི་ཧ་ཅང་མང་པོས་༧གོང་སྐྱབས་མགོན་ཆེན་པོ་མཆོག་སྐུ་ཁམས་མྱུར་དུ་གསལ་དྭངས་ཡོང་བ་དང་། སྐུ་ཚེ་ཡུན་དུ་བརྟན་པའི་ཆེད་ཞབས་རིམ་གསོག་སྒྲུབ་ལ་སོགས་པ་རྒྱ་ཆེ་ཞུས་ཡོད་པ་རེད།

བལྟ་བཤེར་མང་ཤོས་བྱས་པའི་གནས་ཚུལ།
RFA
རྒྱལ་ཁབ་ཁག་བཅོ་བརྒྱད་ནང་བོད་དོན་དང་བླངས་ཞུ་གཏུག་པ་ ༥༢༡ དང་བླང་གི་ཐོག་ནས་འཛུལ་ཞུགས་གནང་ཡོད་སྐོར། ཕྱི་དྲིལ་བཀའ་བློན་ནས་གྲོས་ཚོགས་སུ་གསུངས་པ།
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
དཔྱ་དངུལ་ཆག་ཡང་བཏང་བའི་ལོ་གཅིག་ནང་བོད་མི་དྲུག་སྟོང་ལྔ་བརྒྱ་ལྷག་གིས་དཔྱ་དངུལ་ལག་དེབ་གསར་བཟོ་དང་བསྐྱར་གསོ་གནང་འདུག
མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎