བོད་རྒྱའི་དཀའ་རྙོག་སེལ་ཐབས་དབུ་མའི་ལམ་ལ་རྒྱབ་སྐྱོར།


2014.05.22
སྲིད་སྐྱོང་བློ་བཟང་སེང་གེ་མཆོག་ཡོ་རོབ་ཌན་མག་རྒྱལ་ཁབ་ཀྱི་ཕྱི་འབྲེལ་ལས་དོན་ཚོགས་ཆུང་གི་ཚོགས་མི་སྐུ་ཞབས་Christian Juhlམཇལ་འཕྲད་སྐབས། ༢༠༡༤།༥།༢༠ སྲིད་སྐྱོང་བློ་བཟང་སེང་གེ་མཆོག་ཡོ་རོབ་ཌན་མག་རྒྱལ་ཁབ་ཀྱི་ཕྱི་འབྲེལ་ལས་དོན་ཚོགས་ཆུང་གི་ཚོགས་མི་སྐུ་ཞབས་Christian Juhlམཇལ་འཕྲད་སྐབས། ༢༠༡༤།༥།༢༠
བོད་མིའི་སྒྲིག་འཛུགས

སྲིད་སྐྱོང་བློ་བཟང་སེང་གེ་མཆོག་གིས་ཡུ་རོབ་ཌན་མག་རྒྱལ་ཁབ་ཀྱི་གནད་ཡོད་མི་སྣ་ཁག་གཅིག་དང་མཇལ་འཕྲད་གནང་འདུག
དེ་ཡང་བཙན་བྱོལ་བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་གིས་སྤྱི་ཚེས་༢༠ཉིན་ཡོ་རོབ་ཌན་མག་རྒྱལ་ཁབ་ཀྱི་ཕྱི་འབྲེལ་ལས་དོན་ཚོགས་ཆུང་གི་ཚོགས་མི་སྐུ་ཞབས་Christian Juhlམཆོག་དང་། ཕྱི་འབྲེལ་བློན་ཆེན་ཟུར་པ་སྐུ་ཞབས་Holger K.Nielsenམཆོག་དེ་བཞིན་ཌན་མག་མི་མང་ཚོགས་པའི་ཚོགས་མི་སྐུ་ཞབས་Kristian་Thuleseམཆོག་གི་གཙོས་ཕྱི་འབྲེལ་ལས་དོན་ཚོགས་ཆུང་གི་ཚོགས་མི་གཞན་ཁག་ཅིག་དང་།  ཕྱི་སྲིད་ལས་ཁུངས་ཀྱི་མགྲིན་ཚབ་པ་སོགས་གནད་ཡོད་མི་སྣ་ཁག་དང་མཇལ་འཕྲད་གནང་ཡོད་པ་མ་ཟད། ཕྱི་ཚེས་༢༢་ཉིན་ཌན་མག་གྲོས་ཚོགས་ཀྱི་མི་མང་ཚོགས་པའི་ཚོགས་མི་༢༢་ཡོད་པ་ཚང་མས་སྲིད་སྐྱོང་མཆོག་ལ་ཕེབས་བསུ་གྲ་རྒྱས་ཞུས་ཏེ་སྲིད་སྐྱོང་མཆོག་དང་ཟུར་མཇལ་ཞུས་སྐབས་སྲིད་སྐྱོང་མཆོག་གིས་ཁོང་རྣམ་པར་བོད་དོན་སྐོར་གསལབཤད་གནང་འདུག སྐབས་དེར་གྲོས་ཚོགས་ཀྱི་ཚོགས་མི་རྣམ་པས་བོད་མི་ཚོས་འཚེ་མེད་ཞི་བའི་ལམ་ནས་བོད་དོན་ལས་འགུལ་སྤེལ་བཞིན་པ་དང་། བོད་རྒྱའི་དཀའ་རྙོག་སེལ་ཐབས་དབུ་མའི་ལམ་གྱི་སྲིད་བྱུས་ལ་རྒྱབ་སྐྱོར་ཡོད་སྐོར་གསུངས་ཐོག་ཌན་མག་གྲོས་ཚོགས་ནང་བོད་དོན་གླེང་སློང་གནང་རྒྱུའི་ཞལ་བཞེས་ཡང་གནང་འདུག
ད་ཐེངས་ཌན་མག་ནང་ཡོད་པའི་Care Tibet འམ་བོད་མིར་དོ་སྣང་ཞེས་པའི་ཚོགས་པ་དང་། བོད་དོན་རྒྱབ་སྐྱོར་ཚོགས་པས་གདན་ཞུ་ཕུལ་བ་བཞིན་སྲིད་སྐྱོང་བློ་བཟང་སེང་གེ་མཆོག་ཌན་མག་ནང་གཟིགས་སྐོར་ཕེབས་པ་ཞིག་ཡིན་འདུག སྲིད་སྐྱོང་མཆོག་ཌན་མག་ནང་སྤྱི་ཚེས་༡༨་ནས་༢༢་བར་གྱི་ཉིན་གསུམ་བཞུགས་རིང་ཁུལ་དེར་ཡོད་པའི་བོད་མི་རྣམས་དང་ཐུགས་འཕྲད་གནང་སྟེ་བོད་མི་ཚོས་རང་གི་ཆོས་དང་རིག་གཞུང་མི་ཉམས་རྒྱུད་འཛིན་བྱེད་དགོས་པ་སོགས་ཀྱི་བཀའ་སློབ་ལམ་སྟོན་ཡང་གནང་འདུག

གསར་འགོད་པ་ཚེ་དབང་དངོས་གྲུབ།

བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
ཁྲིམས་སྒྲིག་བསྐྱར་བཅོས་འཆར་ཟིན་ཚོགས་ཆུང་གི་ལས་བསྡོམས་གྲོས་ཚོགས་སུ་སྙན་སྒྲོན་གནང་སོང་།
མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎