འཇི་ནི་ཝ་གླེང་སྟེགས་ཐེངས་གཉིས་པ་དེ་ཕྱི་ཚེས་༡༤ནས༡༥བར་གནང་བ།


2019.11.14
འཇི་ནི་ཝ་གླེང་སྟེགས་ཐེངས་གཉིས་པ་དབུ་འཛུགས་གནང་འདུག སྲིད་སྐྱོང་བློ་བཟང་སེངྒེ་མཆོག་ནས་འཇི་ནི་ཝ་གླེང་སྟེགས་ཐོག་གསུང་བཤད་གནང་བཞིན་པ།
དབུས་བོད་མིའི་སྒྲིག་འཛུགས།

དབུས་བོད་མིའི་སྒྲིག་འཛུགས་ཕྱི་དྲིལ་ལས་ཁུངས་དང་། སུད་སི་བོད་ཀྱི་སྐུ་ཚབ་དོན་ཁང་གཉིས་ཀྱི་གོ་སྒྲིག་འོག་འཇི་ནི་ཝ་གླེང་སྟེགས་ཐེངས་གཉིས་པ་དེ་ཟླ་བ་འདིའི་ཚེས་༡༤ནས་དབུ་འཛུགས་ཀྱིས་སུད་སི་འཇི་ནི་ཝ་གྲོང་ཁྱེར་དུ་སྐོང་ཚོགས་གནང་བཞིན་ཡོད་པ་རེད།

ཕྱི་ཚེས་༡༥བར་སྐོང་ཚོགས་གནང་རྒྱུའི་ཉིན་གྲངས་གཉིས་ཀྱི་གླེང་སྟེགས་དེའི་ཐོག་ཡུ་གུར་དང་། སོག་པོ།       ཕ་ལུང་ཀུང་ཆོས་འཁོར་སྒོམ་སྒྲུབ་ཉམས་ལེན་པ།  ཧོང་ཀོང་དང་།    ཐེ་ཝན་སོགས་ཀྱི་སྐུ་ཚབ་འཐུས་མི་ཁྱོན་མི་གྲངས་༡༣༠ལྷག་ཙམ་ནས་མཉམ་བཞུགས་གནང་ཡོད་པ་རེད།

ད་རེས་ཀྱི་གླེང་སྟེགས་དེའི་ཐོག་༸གོང་ས་༸སྐྱབས་མགོན་ཆེན་པོ་མཆོག་གིས་གསུང་འཕྲིན་ཞིག་བསྩལ་གནང་བའི་ནང་།   འབྱུང་འགྱུར་རྒྱ་ནག་གཞུང་ནས་འཛམ་བུ་གླིང་ཁྱོན་ཡོངས་ཀྱི་གནས་སྟངས་གང་འདྲ་ཞིག་གི་ཐོག་ཏུའང་འགན་འཁུར་ཐུབ་མཁན་གྱི་རྒྱལ་ཁབ་ཅིག་ཡོང་ཐབས་སུ་འབད་བརྩོན་བྱེད་དགོས་པའི་ལམ་སྟོན་བསྩལ་ཡོད་པ་རེད།

དབུས་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེངྒེ་མཆོག་གིས་ང་ཚོ་རླུང་འཕྲིན་ཁང་གི་བཅར་འདྲིར་དང་ལེན་དང་སྦྲགས་གསུངས་སྐབས། ད་རེས་ཀྱི་ཚོགས་འདུ་འདིའི་ཐོག་ནས་རྒྱལ་སྤྱིའི་འགྲོ་བ་མིའི་ཐོབ་ཐང་ཚོགས་པ་དང་།        འཐུས་མི་རྒྱལ་ཁབ་ཚང་མས་རྒྱ་ནག་གཞུང་གིས་འགྲོ་བ་མིའི་ཐོབ་ཐང་རྡོག་རོལ་གཏོང་བཞིན་པའི་སྲིད་བྱུས་མཁྱེན་རྟོགས་གསལ་བོ་ཡོང་བའི་རེ་བ་གནང་གི་ཡོད་སྐོར་གསུངས་སོང་།

ཉིན་གྲངས་གཉིས་རིང་གི་ཚོགས་འདུ་དེ་དབུས་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེངྒེ་མཆོག་དང་། དམིགས་བསལ་སྐུ་མགྲོན་སུད་སི་གྲོས་ཚོགས་འཐུས་མི་སྐུ་ཞབས་Carlo Sommaruga་རྣམ་གཉིས་ནས་དབུ་འབྱེད་གནང་ཡོད་པ་རེད།།

བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
ཁྲིམས་སྒྲིག་བསྐྱར་བཅོས་འཆར་ཟིན་ཚོགས་ཆུང་གི་ལས་བསྡོམས་གྲོས་ཚོགས་སུ་སྙན་སྒྲོན་གནང་སོང་།
མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎