འཕྲོད་བསྟེན་བཀའ་བློན་གྱིས་བལ་ཡུལ་དུ་འཚམས་གཟིཌ་གྲུབ།

བཙན་བྱོལ་བོད་གཞུང་གི་འཕྲོད་བསྟེན་བཀའ་བློན་མཆོག་བལ་ཡུལ་ནང་གི་འཚམས་འདྲིའི་གཟིགས་སྐོར་ལེགས་གྲུབ་བྱུང་ནས་རྒྱ་གར་དུ་ཕེབས་འབྱོར།
2008-10-30
གློག་འཕྲིན།
མཆན།
Share
པར་བཀོད།

༄༅༎བཙན་བྱོལ་བོད་གཞུང་གི་འཕྲོད་བསྟེན་བཀའ་བློན་མཆོག་བལ་ཡུལ་ནང་གི་འཚམས་འདྲིའི་གཟིགས་སྐོར་ལེགས་གྲུབ་བྱུང་ནས་ཕྱི་ཚེས་ཉི་ཤུ་དྲུག་ཉིན་རྒྱ་གར་དུ་ཕེབས་འབྱོར་བྱུང་ཡོད་པ་རེད་བཞག

བཙན་བྱོལ་བོད་གཞུང་གི་འཕྲོད་བསྟེན་བཀའ་བློན་ཚེ་རིང་དཔལ་འབྱོར་མཆོག་བལ་ཡུལ་རྒྱལ་ཁབ་དང་ཉེ་འཁོང་པོཀ་རཱ་བཅས་པའི་ནང་ཡོད་པའི་བོད་མིའི་གཞིས་སྒར་ཁག་ནང་འཚམས་འདྲིའི་གཟིགས་སྐོར་གནང་ནས་དེར་ཡོད་བོད་མིའི་སྤྱི་ཚོགས་ཀྱི་འགན་འཁུར་མི་སྣ་ཁག་དང་མཇལ་འཕྲད་གནང་སྟེ་འཕྲོད་བསྟེན་གྱི་གལ་ཆེའི་གནས་སྟངས་སོགས་ཀྱི་སྐོར་ལ་བཀའ་སློབ་གནང་ཡོད་པ་དང་ལྷག་པར་དུ་ཨེཛ་སོགས་ཀྱི་གནས་འགངས་ཆེ་བའི་ནད་གཞི་དེ་རིགས་བཀག་སྡོམ་བྱེད་ཕྱོགས་ཐད་ལ་སློབ་སྟོན་གནང་ཡོད་པ་རེད། དེ་དང་ཆབས་ཅིག་འཕྲོད་བསྟེན་བཀའ་བློན་མཆོག་ནས་བལ་ཡུལ་གཞུང་འབྲེལ་གྱི་མི་སྣ་ཁག་ཅིག་དང་སྐུ་སྒེར་གྱི་ཐོག་ནས་མཇལ་འཕྲད་གནང་ཡོད་པ་རེད། དེ་ག་ནང་བཞིན་ལུམ་སྦི་ཎི་ཐེབས་རྩ་ཞེས་པའི་ཚོགས་པ་དེ་ནས་ཀྱང་བཙན་བྱོལ་བོད་གཞུང་འཕྲོད་བསྟེན་བཀའ་བློན་མཆོག་ལ་འཚམས་འདྲིའི་སྣེ་ལེན་གཟབ་རྒྱས་ཞུས་གནང་ཡོད་པ་དང་ཡང་བལ་ཡུལ་གྱི་ཚོགས་པ་ཚང་མ་མཉམ་བསྡུས་ཀྱི་ཐོག་ནས་སྐོངས་འཚོགས་གནང་བའི་རྩ་ཁྲིམས་ཀྱི་ལྷན་ཚོགས་ཤིག་གི་ཐོག་ཏུའང་བཙན་བྱོལ་བོད་གཞུང་འཕྲོད་བསྟེན་བཀའ་བློན་མཆོག་མཉམ་ཞུགས་གནང་ཡོད་པ་རེད། གོང་ཞུས་ཚོགས་པའི་འཚམས་འདྲིའི་སྣེ་ལེན་ཐོག་འཕྲོད་བསྟེན་བཀའ་བློན་མཆོག་གིས་བལ་ཡུལ་གཞུང་ནས་ཕྱི་ལོ་༡༩༦༠ལོ་ནས་བཟུང་བཙན་བྱོལ་བོད་གཞུང་བོད་མི་བྲོས་བྱོལ་བ་ཚོའི་ཐོག་ལ་རྒྱབ་སྐྱོར་རོགས་རམ་གནང་བར་བསྔགས་བརྗོད་དང་ཐུགས་རྗེ་ཆེ་ཞེས་གཏམ་བཤད་སྤེལ་གནང་བ་དང་ཡང་བཀའ་བློན་ཚེ་རིང་དཔལ་འབྱོར་མཆོག་གིས་བོད་མི་ཚོ་རྒྱ་ནག་གཞུང་གི་གདུག་རྩུབ་མནར་གཅོད་འོག་ནས་གཞན་ཡུལ་དུ་སྐྱབས་བཅོལ་དུ་ཡོང་རྒྱུ་ལས་འདེམས་ཁ་མེད་པ་ཞིག་ཆགས་བསྡད་ཡོད་པ་རེད། བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་བོད་ཀྱི་གནད་དོན་དེ་དབུ་མའི་ཐབས་ལམ་གྱི་ཐོག་ནས་སེལ་ཐབས་གནང་བ་ལས་བོད་དེ་རྒྱ་ནག་ནས་ཁ་བྲལ་གཏོང་རྒྱུའི་རེ་འདུན་གནང་གི་མེད་པ་རེད་ཅེས་དང་དེ་བཞིན་འཕྲོད་བསྟེན་བཀའ་བློན་མཆོག་ད་རེས་བལ་ཡུལ་ནང་འཚམས་འདྲིའི་གཟིགས་སྐོར་གྱི་བརྒྱུད་རིམ་ནང་བལ་ཡུལ་ནང་རྟེན་གཞི་བྱས་པའི་ཕྱི་རྒྱལ་གྱི་གཞུང་འབྲེལ་ལས་དོན་མི་སྣ་ཁག་དང་མཉམ་སྦྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ཚོགས་པའི་གཞུང་འབྲེལ་ལས་དོན་མི་སྣ་སོགས་དང་མཇལ་འཕྲད་གནང་སྟེ་ཁོང་རྣམ་པས་བོད་དོན་དང་བོད་མིའི་སྤྱི་ཚོགས་ནང་རྒྱབ་བསྐྱོར་གནང་བར་ཐུགས་རྗེ་ཆེ་ཞེས་ཞུས་གནང་ཡོད་པ་བཅས་ཀྱི་གནས་ཚུལ་ཐོན་བཞག

མཆན། (0)
Share
དྲ་གནས་ཆ་ཚང༌།