༸གོང་ས་མཆོག་གི་སལ་ཝན་སློབ་གྲྭའི་ནང་གི་མཛད་འཕྲིན།


2017.11.19
༸གོང་ས་མཆོག་གི་སལ་ཝན་སློབ་གྲྭའི་ནང་གི་མཛད་འཕྲིན། སློབ་གྲྭའི་དགེ་ལས་སློབ་ཕྲུག་རྣམས་ལ་རྒྱ་གར་གནའ་རབས་ཀྱི་སེམས་ཁམས་རིག་པ་གཙོ་བོར་གྱུར་བའི་ལེགས་བཤད་དེ་དག་སླར་གསོ་དགོས་གལ་སྐོར་བཀའ་སློབ་སྩལ་འདུག
དགའ་ལྡན་ཕོ་བྲང༌།

༄༅༎བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་རྒྱ་གར་རྒྱལ་ས་ལྡི་ལིར་Gyan Devi Salwan Public School ཞེས་པའི་སློབ་གྲྭའི་དགེ་ལས་སློབ་ཕྲུག་རྣམས་ལ་རྒྱ་གར་གནའ་རབས་ཀྱི་སེམས་ཁམས་རིག་པ་གཙོ་བོར་གྱུར་བའི་ལེགས་བཤད་དེ་དག་སླར་གསོ་དགོས་གལ་སྐོར་བཀའ་སློབ་སྩལ་འདུག
༸གོང་ས་སྐྱབས་མགོན་ཆེན་པོ་མཆོག་སློབ་གྲྭ་དེའི་ནང་༸ཞབས་སོར་འཁོད་སྐབས་ཕེབས་བསུའི་སྣེ་ལེན་ཟབ་རྒྱས་ཞུས་བཞག  སློབ་གྲྭའི་འགན་འཛིན་ Kirpal Singh མཆོག་གིས་ཏཱ་ལའི་བླ་མ་མཆོག་ནི་བྱམས་བརྩེའི་བདག་ཉིད་ཀྱི་ཞི་བདེའི་དེད་དཔོན་ཞིག་དང་། འཛམ་གླིང་ཁྱོན་ཡོངས་སུ་ངོས་འཛིན་ཧ་ཅང་ཞུ་ཡུལ་ཆོས་ཕྱོགས་ཀྱི་རླབས་ཆེན་དབུ་ཁྲིད་ཅིག་ཡིན་པ་མ་ཟད། མང་གཙོའི་རིང་ལུགས་ལ་མཐའ་གཅིག་ཏུ་རྒྱབ་སྐྱོར་གྱིས་མང་གཙོ་གོང་འཕེལ་གཏོང་གནང་མཛད་མཁན་ཞིག་ཀྱང་ཡིན་པའི་ངོ་སྤྲོད་གསུངས་བཤད་གནང་རྗེས་ ༸གོང་ས་མཆོག་གིས་བཀའ་སློབ་སྩལ་བའི་ནང་།  གནའ་རབས་ཀྱི་ལེགས་བཤད་སྤྱི་དང་ལྷག་པར་ཚད་མ་རིག་པའི་རྣམ་གཞག་ལ་སློབ་སྦྱོང་བྱ་དགོས་པའི་དུས་ལ་བབ་ཡོད་པ་དང་  ཆོ་ག་ཕྱག་ལེན་ཙམ་དང་ཞལ་འདོན་བཏོན་པ་ཙམ་གྱིས་འདང་གི་མེད་པ་དང་། འགྲོ་བ་མི་རིགས་ཐེར་འབུམ་བདུན་ལ་ཞབས་འདེགས་རྒྱ་ཆེ་བསྒྲུབ་དགོས་ན་ལེགས་བཤད་དེ་དག་ལ་ངེས་པར་དུ་སློབ་སྦྱོང་བྱེད་དགོས་པའི་བཀའ་སློབ་གནང་བཞག
གསར་འགོད་པ་ཚེ་དབང་དངོས་གྲུབ།

བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
ཁྲིམས་སྒྲིག་བསྐྱར་བཅོས་འཆར་ཟིན་ཚོགས་ཆུང་གི་ལས་བསྡོམས་གྲོས་ཚོགས་སུ་སྙན་སྒྲོན་གནང་སོང་།
མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎