༸གོང་ས་མཆོག་ཞི་བདེ་ལྷན་ཚོགས་སུ་ཆིབས་བསྒྱུར་གནང་རྒྱུ།

༸གོང་ས་མཆོག་གིས་ཕྱི་ཟླ་༥་པའི་ནང་ཨ་རིའི་གྲོང་ཁྱེར་ནེ་ལྦག་ཏུ་འཚེ་མེད་ཞི་བའི་ལྟ་གྲུབ་ཀྱི་སྐོར་བཀའ་སློབ་བསྩལ་གནང་རྒྱུ་ཡིན་འདུག

2011-02-27
Share

༄༅༎ཨ་རིའི་ནེའུ་ཛར་སིའི་མངའ་སྡེའི་གྲོང་ཁྱེར་ནེ་ལྦག་གི་སྤྱི་ཁྱབ་སྐུ་ཞབས་ཀོ་རི་ཨེ་བུ་ཀར་གྱིས་གསོལ་འདེབས་ལྟར་བོད་ཀྱི་ཆོས་སྲིད་གཉིས་ཀྱི་བླ་ན་མེད་པའི་དབུ་ཁྲིད་༧སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་ཕྱི་ཟླ་༥་པའི་ནང་གྲོང་ཁྱེར་ནེ་ལྦག་ནང་ཞི་བདེ་ལྷན་ཚོགས་ཤིག་ལ་ཆིབས་བསྒྱུར་གྱིས་སློབ་ཕྲུག་གི་གཙོས་མང་ཚོགས་ལ་འཚེ་མེད་ཞི་བའི་ལྟ་གྲུབ་ཀྱི་སྐོར་བཀའ་སློབ་བསྩལ་གནང་རྒྱུ་ཡིན་འདུག

Tibetpost.comཞེས་པའི་བོད་གནས་དྲ་རྒྱའི་ཐོག་གནས་ཚུལ་སྤེལ་དོན་ལ་ ༧སྤྱི་ནོར་༧གོང་ས་མཆོག་ཕྱི་ཟླ་༥་པའི་ཚེས་༡༣་ནས་༡༥་བར་སྐྱངས་རྒྱུའི་ Newark Peace Education Summit འམ་ནེ་ལྦག་ཞི་བདེའི་ཤེས་ཡོན་ལྷན་ཚོགས་ཞེས་པའི་ཚོགས་མགོན་དུ་ཕེབས་ཀྱི་ཡོད་པ་དང་ ལྷན་ཚོགས་འདིའི་ཐོག་༧སྤྱི་ནོར་༧གོང་ས་མཆོག་གི་གཙོས་ གཞན་ཡང་འཛམ་གླིང་ཞི་བདེའི་བྱ་དགའ་བཞེས་མཁན་ཨི་རན་གྱི་བེུད་ཁྲིམས་རྩོད་པ་ཤེ་རིན་ཨི་སྦ་རྡི་དང་ ཨ་རིའི་ཞི་བདེའི་ལས་འགུལ་བ་ཇོ་གྲི་ལྦི་ལིམསེ་སོགས་ཕྱི་ནང་གི་གནས་ཡོད་མི་སྣ་མང་པོ་ཞིག་ཕེབས་ཀྱི་ཡོད་པ་དང་ ཉིན་གསུམ་གྱི་ལྷན་ཚོགས་དེའི་ཐོག་གཙོ་བོ་སློབ་ཕྲུག་ཚོར་མི་ཚེའི་ནང་སྤྱི་སྒེར་གྱི་དཀའ་ངལ་གང་ཡོད་འཚེ་མེད་ཞི་བདེའི་ཐོག་ནས་སེལ་ཐབས་བྱ་དགོས་པའི་སྐོར་ལམ་སྟོན་བཀའ་སློབ་གནང་རྒྱུའི་མཛད་འཆར་གོ་སྒྲིག་ཞུ་བཞིན་ཡོད་པའི་གནས་ཚུལ་སྤེལ་ཡོད་པ་རེད༎

མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎

དྲ་གནས་ཆ་ཚང༌།