༧གོང་ས་མཆོག་ཟླ་བཅུ་པའི་ནང་ཨ་རིར་ཆིབས་བསྒྱུར།

ཨ་རིའི་གཙུག་ལག་སློབ་གཉེར་ཁང་དང་མདོ་སྔགས་ཀུན་ཕན་གླིང་ཆོས་ཚོགས་གཉིས་ཀྱིས་ཇི་ལྟར་གསོལ་འདེབས་ཞུས་པ་བཞིན་ཆིབས་བསྒྱུར།

2012.01.19

༄༅༎ཨ་རིའི་ཀ་ནེ་ཀྲི་ཀེཏ་མངའ་སྡེའི་ཌེན་སྦ་རི་གྲོང་ཁྱེར་རུ་ཆགས་པའི་ལྦེསི་ཀྲན་ཀ་ནེ་ཀྲི་ཀེཏ་སི་ཀྲེཏ་(Western Connecticut State University)ཞེས་མངའ་སྡེའི་གཙུག་ལག་སློབ་གཉེར་ཁང་དང་དེ་བཞིན་ཁུལ་དེའི་ནང་རྟེན་གཞི་བྱས་པའི་མདོ་སྔགས་ཀུན་ཕན་གླིང་ཆོས་ཚོགས་གཉིས་ཀྱིས་ ཟུང་འབྲེལ་གྱིས་ཇི་ལྟར་གསོལ་འདེབས་ཞུས་པ་བཞིན་ ༧སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་ནས་ རིང་མིན་ཕྱི་ཟླ་༡༠པའི་ནང་ སློབ་གཉེར་ཁང་དེར་ཉིན་གཉིས་ཀྱི་རིང་བཀའ་སློབ་གསུང་བཤད་བསྩལ་རྒྱུའི་ཞལ་བཞེས་ཐོབ་ཡོད་པའི་སྐོར་ གཙུག་ལག་སློབ་གཉེར་ཁང་གི་སྤྱི་ཁྱབ་འགན་འཛིན་ཇེམ་སི་ཤི་མོ་ཏར་(James Schmotter)ཞུ་བའི་གསལ་བསྒྲགས་གནང་བཞག་༎
སྐུ་ཞབས་ཇེམ་སི་ཤི་མོ་ཀྲར་ལགས་ཀྱིས་༸གོང་ས་༸སྐྱབས་མགོན་ཆེན་པོ་མཆོག་གིས་ཁུལ་དེའི་ནང་ཆིབས་བསྒྱུར་གྱི་མཛད་འཆར་ཁོངས་སུ་ འདི་ལོ་ཕྱི་ཟླ་༡༠པའི་ཚེས་༡༨གྱི་ ཉིན་རྒྱབ་ཚོུད་༡དང་ཕྱེད་ཀ་ནས་ ༣བར་དང་ ཡང་ ཕྱི་ཚེས་༡༩འི་སྔ་དྲོ་ཚོུད་༩དང་ཕྱེད་ཀ་ནས་ ༡༡དང་ཕྱེད་ཀ་བཅས་ ཉིན་གཉིས་ཀྱི་རིང་ གཙུག་ལག་སློབ་གཉེར་ཁང་གི་ཚོགས་ཁང་ཆེན་མོའི་ནང་མང་ཚོགས་ལ་བཀའ་སློབ་གསུང་བཤད་བསྩལ་གནང་མཛད་རྒྱུ་ཡིན་པའི་སྐོར་ངོ་སྤྲོད་གནང་བཞག་ གོང་གསལ་ཀ་ནེ་ཀྲི་ཀེཏ་Connecticut མངའ་སྡེའི་གཙུག་ལག་སློབ་གཉེར་ཁང་གི་དབུ་འཛིན་སྐུ་ཞབས་ཤི་མོ་ཀྲར་དང་མདོ་སྔགས་ཀུན་ཕན་གླིང་ཆོས་ཚོགས་ཀྱི་ཚོགས་གཞོན་སྐུ་ཞབས་ཇེམ་སི་ཁུ་ལྦར་ཞུ་བ་རྣམས་གཉིས་ནས་ཉེ་ཆར་ཚེས་༡༠ཉིན་ གྲོང་ཁྱེར་ནིའུ་ཡོག་ཏུ་རྟེན་གཞི་བྱས་པའི་སྐུ་ཚབ་དོན་གཅོད་བློ་བཟང་སྙན་གྲགས་ལགས་ལྷན་དང་མཇལ་འཛོམས་སྐབས་ སྐུ་ཚབ་དོན་གཅོད་མཆོག་ནས་༸གོང་ས་མཆོག་གི་ཆིབས་བསྒྱུར་གྱི་མཛད་འཆར་གཏན་འབེབས་གནང་འདུག་པ་དང་ ཆབས་ཅིག་ཁུལ་དེའི་ནང་གོང་ས་མཆོག་གིས་མཛད་རིམ་གོ་སྒྲིག་ཞུ་ཕྱོགས་ཐད་བཀའ་བསྡུར་ཞིབ་ལྷུག་གནང་ཡོད་འདུག ཀ་ནེ་ཀྲི་ཀེཏ་མངའ་སྡེའི་གཙུག་ལག་སློབ་གྲའི་དབུ་འཛིན་ཤི་མོ་ཀྲར་ལགས་ཀྱིས་༸གོང་ས་༸སྐྱབས་མགོན་ཏ་ལའི་བླ་མ་མཆོག་ནས་ གཙུག་ལག་སློབ་གྲ་དེའི་ནང་ཆིབས་བསྒྱུར་གྱི་ཞལ་བཞེས་གཏན་འབེབས་གནང་པར་དགའ་ཚོར་དཔག་མེད་དང་ ༸གོང་ས་མཆོག་གི་བཀའ་སློབ་གསུང་བཤད་ནས་ མང་ཚོགས་ཁྲོད་ཤེས་རྨོངས་ཀྱིས་ལས་ལ་གདོང་ལེན་བྱ་ཕྱོགས་ཐད་སློབ་གསོའི་རེ་སྒུག་ཆེ་བཞེས་གནང་གི་ཡོད་པའི་སྐོར་འགྲེལ་བརྗོད་གནང་བཞག་༎

བལྟ་བཤེར་མང་ཤོས་བྱས་པའི་གནས་ཚུལ།
RFA
༧གོང་ས་སྐྱབས་མགོན་ཆེན་པོ་མཆོག་གིས་སྐུ་སྲུང་ཟུར་པ་༢༨༠ལྷག་ལ་མཇལ་ཁ་སྩལ་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
ཨ་རིའི་གསང་བའི་ལས་ཁུངས་ཀྱིས་དེ་སྔ་བོད་དམག་ཚོར་གསང་བའི་དམག་སྦྱོང་སྤྲོད་ཡུལ་དངོས་རྩད་ཆོད་འདུག
མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎