རྒྱ་གར་ལ་རྡུལ་ཕྲན་འཕྲུལ་རིག་མཁོ་སྤྲོད་གྲོས་འཐུན་སྐོར།

ཨ་རིའི་གྲོས་ཚོགས་འོག་མས་རྒྱ་གར་ལ་རྡུལ་ཕྲན་འཕྲུལ་རིག་མཁོ་སྤྲོད་གནང་རྒྱུའི་གྲོས་མཐུན་དེར་རྒྱབ་བསྐྱོར་གནང་བ་དེར་བསྔགས་བརྗོད་ཡོད་པ།

2008-09-29
Share

༄༅༎ཨ་མི་རི་ཀའི་གྲོས་ཚོགས་འོག་མས་རྒྱ་གར་ལ་རྡུལ་ཕྲན་འཕྲུལ་རིག་མཁོ་སྤྲོད་གནང་རྒྱུའི་གྲོས་མཐུན་དེར་རྒྱབ་བསྐྱོར་གནང་བ་དེར་རྒྱ་གར་གྱི་སྲིད་བློན་མན་མོ་ཧན་སིང་མཆོག་གིས་རྒྱ་གར་གྱི་ཡུལ་དེ་འཛམ་གླིང་ནང་རྡུལ་ཕྲན་འཕྲུལ་རིག་དང་འབྲེལ་བའི་ཐོག་གནས་བབ་གསར་པ་ཞིག་ལ་སླེབས་རྒྱུ་ཡིན་སྐོར་གསུང་འདུག

སྲིད་བློན་མཆོག་གི་ལས་ཁུངས་ནས་ཨ་རིའི་གྲོང་ཁྱེར་ནིའུ་ཡོག་ནང་སྤྱི་བསྒྲགས་ཤིག་སྤེལ་བའི་ནང་རྒྱ་གར་གྱི་ཡུལ་དེ་ལོ་ངོ་སུམ་ཅུ་སོ་བཞི་རྗེས་རྡུལ་ཕྲན་འཕྲུལ་རིག་མཁོ་སྒྲུབ་མི་ཆོག་པའི་གནས་བབ་ནས་གྲོལ་རྒྱུ་ཡིན་སྐོར་གསུང་འདུག ཨ་རིའི་གྲོས་ཚོགས་ཀྱིས་རྒྱ་གར་ལ་རྡུལ་ཕྲན་འཕྲུལ་རིག་གི་རིག་རྩལ་དང་རྒྱུ་ཆ་མཁོ་སྒྲུབ་གནང་ཆོག་པའི་ཆོག་མཆན་གྱི་གྲོས་ཆོད་དེ་རེས་གཟའ་སྤེན་པ་ཉིན་ཚོགས་མི་གྲངས་ཉི་བརྒྱ་དགུ་ཅུ་གོ་བདུན་གྱིས་འོས་ཤོག་བླུགས་ཏེ་རྒྱལ་ཁ་ཐོབ་ཡོད་པ་རེད་

དེ་བཞིན་ཨ་རིའི་གྲོས་ཚོགས་གོང་མ་ནས་ཀྱང་དེ་ལྟར་གྱི་ཆོག་མཆན་གྱི་གྲོས་ཆོད་ཅིག་གཏན་འཁེལ་གནང་དགོས་པ་དེ་ཡང་ཡོང་བཟོ་ཡོད་པ་རེད་

ཨ་མི་རི་ཀས་རྒྱ་གར་ལ་རྡུལ་ཕྲན་འཕྲུལ་རིག་དང་རྒྱུ་ཆ་མཁོ་སྒྲུབ་གནང་ཆོག་རྒྱུ་དང་རྒྱ་གར་གྱི་རྡུལ་ཕྲན་འཕྲུལ་རིག་གི་མཐུན་རྐྱེན་ཁག་འཛམ་གལིང་མཉམ་འབྲེལ་རྒྱལ་ཚོགས་ཀྱིས་གཟིགས་རྟོགས་གནང་ཆོག་པའི་ཆིངས་དོན་དེ་ཕྱི་ལོ་༢༠༠༥ལོར་ཨ་མི་རི་ཀའི་སྲིད་འཛིན་ཇོར་ཇེ་སྦུཤི་མཆོག་དང་རྒྱ་གར་གྱི་སྲིད་བློན་མན་མོ་ཧན་སིང་རྣམ་གཉིས་ཀྱིས་བཞག་གནང་ཡོད་པ་རེད༎

མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎

དྲ་གནས་ཆ་ཚང༌།