རྒྱ་ནག་གིས་ཧོང་ཀོང་དང་ཡུ་གུར་བའི་གནས་སྟངས་ཡར་རྒྱས་གཏོང་དགོས་པ་ཉི་ཧོང་གིས་འབོད་སྐུལ་བྱས་འདུག

2021-04-05
Share
རྒྱ་ནག་གིས་ཧོང་ཀོང་དང་ཡུ་གུར་བའི་གནས་སྟངས་ཡར་རྒྱས་གཏོང་དགོས་པ་ཉི་ཧོང་གིས་འབོད་སྐུལ་བྱས་འདུག རྒྱ་ནག་གི་ཕྱི་སྲིད་བློན་ཆེན་(Wang Yi)དང་ཉི་ཧོང་གི་ཕྱི་སྲིད་བློན་ཆེན་(Toshimitsu Motegi)གཉིས། ༡༡།༢༠
AFP

རྒྱ་ནག་གཞུང་གིས་མཚོ་རྒྱུད་ཁུལ་དུ་བཙན་འཛུལ་དང་ཧོང་ཀོང་དང་ཡུ་གུར་གཙོས་གྲངས་ཉུང་མི་རིགས་ཀྱི་འགྲོ་བ་མིའི་ཐོབ་ཐང་རྡོག་རོལ་གཏོང་བཞིན་པའི་ཐད་ཉི་ཧོང་གིས་དོ་སྣང་དང་སེམས་འཚབ་བྱེད་བཞིན་པ་གསལ་སྟོན་བྱས་འདུག
དེ་ཡང་རོའུ་ཊར་གསར་ལས་ཁང་གིས་གནས་ཚུལ་སྤེལ་བར་གཞིགས་ན། འདི་ཚེས་༥རེས་གཟའ་ཟླ་བའི་ཉིན། ཉི་ཧོང་གི་ཕྱི་སྲིད་བློན་ཆེན་(Toshimitsu Motegi)ལགས་ཀྱིས་རྒྱ་ནག་གི་ཕྱི་སྲིད་བློན་ཆེན་(Wang Yi)དང་ལྷན་དུ་དུས་ཡུན་ཆུ་ཚོད་གཅིག་དང་ཕྱེད་ཀ་ཙམ་གྱི་རིང་ཁ་པར་བརྒྱུད་བཀའ་མོལ་གནང་བའི་སྐབས་སུ། རྒྱ་ནག་གཞུང་གིས་མཚོ་རྒྱུད་ས་ཁུལ་ཀྱི་ཆུའི་ཐོག་བདག་དབང་བཙན་འཛུལ་བྱེད་བཞིན་པ་དང་། དེ་བཞིན་ཧོང་ཀོང་གི་གནས་སྟངས་དང་། ཡུ་གུར་བ་གཙོས་གྲངས་ཉུང་མི་རིགས་ཀྱི་འགྲོ་བ་མིའི་ཐོབ་ཐང་རྡོག་རོལ་གཏོང་བཞིན་པའི་གནས་སྟངས་བཅས་ཀྱི་ཐོག་ལ་ཉི་ཧོང་གིས་དོ་སྣང་དང་སེམས་འཚབ་ཆེན་པོ་བྱེད་བཞིན་ཡོད་པ་བཀའ་མོལ་སྐབས་གསལ་སྟོན་བྱས་ནས། རྒྱ་ནག་གཞུང་གིས་ཧོང་ཀོང་དང་ཡུ་གུར་བའི་གནས་སྟངས་གུ་ཡངས་དང་ཡར་རྒྱས་གཏོང་དགོས་པའི་འབོད་སྐུལ་བྱས་ཡོད་པ། ཉི་ཧོང་གི་ཕྱི་འབྲེལ་ལས་ཁུངས་ཀྱིས་སྤྱི་བསྒྲགས་སྤེལ་འདུག
ཉི་ཧོང་ཕྱོགས་ཀྱི་རྣམ་འགྱུར་དེ་མི་རིང་བའི་ ཕྱི་ཟླ་༤པའི་ཚེས་༡༦ཉིན། ཨ་རིའི་རྒྱལ་ས་ཝ་ཤིན་ཊོན་དུ། ཉི་ཧོང་གི་སྲིད་བློན་ཡོ་ཤེ་ཧི་དྷེ་སུ་གྷ་དང་(Yoshihide Suga)དང་། ཨ་རིའི་སྲིད་འཛིན་འཇཱོ་སྦཡེ་ཌེན་(Joe Biden)རྣམ་གཉིས་མཇལ་འཕྲད་གནང་ཡིན་པའི་སྔོན་རང་ལ་བྱུང་བ་དང་། དེ་ནི་ཨ་རིའི་སྲིད་འཛིན་སྦཡེ་ཌེན་ལགས་ཀྱིས་སྲིད་འཛིན་གྱི་འགན་བཞེས་བ་ནས་ཕྱི་འབྲེལ་དཔོན་རིགས་དང་དངོས་སུ་མཇལ་བ་ཐོག་མ་དེ་ཆགས་རྒྱུ་ཡིན་པ་རེད།
རྒྱ་ནག་གིས་ཉི་ཧོང་གིས་བདག་དབང་འོག་ཡོད་པའི་མཚོ་གླིང་(Senkaku)རྒྱུད་དུ་ཡོད་པའི་མཚོ་གླིང་ཆུང་ངུ་ཁག་ཅིག་ཡོད་པ་དེ་རྣམས་ལ་(Diaoyu)ཟེར་ནས་མིང་བཏགས་པ་དང་། བདག་དབང་རྩོད་ལེན་བྱེད་བཞིན་པ་བཅས་ལ་བརྟེན་ཕྱོགས་གཉིས་ཀྱི་འབྲེལ་ལམ་ཇེ་སྡུག་དུ་སོང་ཡོད།

མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎

དྲ་གནས་ཆ་ཚང༌།