ཇོ་ནང་སྤྱི་འཐུས་ལ་རྒྱབ་སྐྱོར་མ་ཐོབ་པ་དང་ཨེ་ཤེ་ཡར་རྒྱབ་སྐྱོར་ཐོབ་པ།
2015.03.26
བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་དགུ་པའི་ཐོག 2015/3/26
དོན་ཡོད། RFA
གྲོས་ཚོགས་ནང་ཇོ་ནང་གི་ཆོས་བརྒྱུད་སྤྱི་འཐུས་གཉིས་འདེམས་རྒྱུའི་བསྐྱར་བཅོས་ཁྲིམས་འཆར་ལ་རྒྱབ་སྐྱོར་ཐོབ་མེད་པ་རེད།
དེ་ཡང་འདི་ག་རླུང་འཕྲིན་ཁང་གི་གསར་འགོད་པས་གནས་ཚུལ་བཏང་དོན། བཞུགས་སྒར་དུ་བསྐོང་ཚོགས་གནང་བཞིན་པའི་སྐབས་བཅོ་ལྔ་པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་དགུ་པའི་ཐོག་གཞུང་འབྲེལ་བཅའ་ཁྲིམས་བསྐྱར་བཅོས་ཀྱི་ཁྲིམས་འཆར་ཡིག་ཆ་ཨང་༡༨་པ་ཅིག་སླེབས་པའི་ནང་དུ། བཙན་བྱོལ་བོད་མིའི་བཅའ་ཁྲིམས་དོན་ཚན་༣༧པའི་ནང་གསེས་དང་པོ། བོད་མི་མང་སྤྱི་འཐུས་ལྷན་ཚོགས་ཀྱི་གྲོས་འཆར་སྐོར་ལ་བསྐྱར་བཅོས་ཀྱི་ཚིག་བརྗོད་ནང་། གཙོ་བོ་ཇོ་ནང་ཆོས་བརྒྱུད་ལ་སྤྱི་འཐུས་༢དང་། ཨོ་སི་ཊོ་ལེ་ཡ་དང་། ཨེ་ཤེ་ཡ་(australasia)ཁུལ་དུ་སྤྱི་འཐུས་༡གི་ཐོབ་ཐང་སྤྲོད་མིན་གྱི་གཞུང་འབྲེལ་བཅའ་ཁྲིམས་བསྐྱར་བཅོས་ཐད་བགྲོ་གླེང་གནང་བའི་རྗེས། རྒྱ་བལ་འབྲུག་གསུམ་ཕུད་པའི་ཨོ་སི་ཊི་ལེ་ཡ་དང་ཨེ་ཤ་ཡ་ཁུལ་གྱི་བོད་མིའི་སྤྱི་ཚོགས་ནས་འོས་བསྡུ་བྱས་པའི་སྤྱི་འཐུས་གཅིག་གི་ཐོབ་ཐང་སྤྲོད་རྒྱུར་སྤྱི་འཐུས་༢༩ཡིས་རྒྱབ་སྐྱོར་ཐོབ་སྟེ་གཏན་འབེབས་གནང་ཡོད་པ་དང་། ཇོ་ནང་ལ་སྤྱི་འཐུས་གཉིས་ཀྱི་ཐོབ་ཐང་སྤྲོད་རྒྱུའི་ཐད་ཀྱི་གྲོས་གཞིར་རྒྱབ་སྐྱོར་གནང་མཁན་སྤྱི་འཐུས་༡༧ ལས་བྱུང་མེད་ཙང་རྒྱབ་སྐྱོར་གྱི་གྲངས་འབོར་ལོན་མེད་པ་རེད། དེའི་སྐོར་ཇོ་ནང་གི་འགྲོ་ཕན་ལྷན་ཚོགས་ཀྱི་ཚོགས་གཙོ་ཚངས་དབྱངས་རྒྱ་མཚོ་ལགས་ཀྱིས། ང་ཚོའི་ཇོ་ནང་ལ་ཆོས་བརྒྱུད་གཅིག་མཚུངས་ཀྱི་ཐོབ་ཐང་དགོས་གྱིན་ཡོད་པ་ལས་སྤྱི་འཐུས་ཀྱི་རྐུབ་སྟེགས་རྩོད་ཀྱི་མེད་ན་ཡང་། ད་ཐེངས་གྲོས་ཚོགས་ནང་དེའི་ཐད་ཀྱི་བཅའ་ཁྲིམས་བསྐྱར་བཅོས་འགྲོ་མ་ཐུབ་པར་ང་རང་བློ་ཕམ་བྱུང་ཅེས་བརྗོད་ཡོད།
བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་འདུའི་འགྲོ་ལུགས་དང་ལས་དོན་བྱེད་ཕྱོགས་ཀྱི་སྒྲིག་གཞིའི་ནང་། གཞུང་འབྲེལ་བཅའ་ཁྲིམས་བསྐྱར་བཅོས་རིགས་ལ་སྤྱི་འཐུས་ངོ་ཡོད་གསུམ་ཆ་གཉིས་ཀྱི་རྒྱབ་སྐྱོར་ཐོབ་དགོས་ཀྱི་ཡོད་རེད། རྒྱ་བལ་འབྲུག་གསུམ་ཕུད་པའི་ཨོ་སི་ཊི་ལེ་ཡ་དང་། ཨེ་ཤེ་ཡ་ཁུལ་གྱི་བོད་མིའི་སྤྱི་ཚོགས་ནས་འོས་བསྡུ་བྱས་པའི་སྤྱི་འཐུས་གཅིག་གི་ཐོབ་ཐང་སྤྲོད་རྒྱུར་སྤྱི་འཐུས་༢༩ཡིས་རྒྱབ་སྐྱོར་ཐོབ་སྟེ་གཏན་འབེབས་གནང་ཡོད་པ་དང་། ཇོ་ནང་ལ་སྤྱི་འཐུས་གཉིས་ཀྱི་ཐོབ་ཐང་སྤྲོད་རྒྱུའི་ཐད་ཀྱི་གྲོས་གཞིར་རྒྱབ་སྐྱོར་གནང་མཁན་སྤྱི་འཐུས་༡༧ལས་བྱུང་མེད་ཙང་རྒྱབ་སྐྱོར་གྱི་གྲངས་འབོར་ལོན་མེད་པ་རེད།
ཁྲིམས་འཆར་ཡིག་ཆ་དེའི་ནང་གི་གནད་དོན་གཞན་གཉིས་ཀྱི་ཚིག་དོན་ལ་བསྐྱར་བཅོས་གནང་ཡོད་པ་དེ་ནི། དེ་སྔོན་བྱང་ཨ་རི་ཁུལ་གྱི་བོད་མིའི་སྤྱི་ཚོགས་ནས་འོས་བསྡུ་བྱས་པའི་སྤྱི་འཐུས་གཉིས་དང་། ཨ་ཧྤེ་རི་ཀའི་ཁུལ་གྱི་བོད་མིའི་ཁོངས་ནས་འོས་བསྡུ་བྱས་པའི་སྤྱི་འཐུས་གཉིས་ཞེས་པར་བསྐྱར་བཅོས། དེ་སྔའི་ཡོ་རོབ་ཁུལ་གྱི་འོས་བསྡུ་བྱས་པའི་སྤྱི་འཐུས་གཉིས་ཞེས་པ། ཡུ་རོབ་དང་། ཨ་ཧྥེ་རི་ཀའི་ཁུལ་སྡོད་བོད་མིའི་ཁོངས་ནས་འོས་བསྡུ་བྱས་པའི་སྤྱི་འཐུས་གཉིས་ཞེས་པར་བསྐྱར་བཅོས་གནང་ཡོད་པ་རེད།
གསར་འགོད་པ་ཚེ་བརྟན་རྡོ་རྗེ།
འབྲེལ་ཡོད་གནས་ཚུལ་གཤམ་ལ་འདི་གའི་གསར་འགོད་པ་བསྟན་འཛིན་དབང་རྒྱལ་ལགས་ཀྱིས་བཏང་བར་གསན་རོགས༎
གསར་འགོད་པ་བསྟན་འཛིན་དབང་རྒྱལ།
བལྟ་བཤེར་མང་ཤོས་བྱས་པའི་གནས་ཚུལ།
RFA
- དཔལ་ས་སྐྱ་༧གོང་མ་ཁྲི་ཆེན་མཆོག་དང་འབྲུག་གི་རྒྱལ་བོ་དང་། བཙུན་མོ་རྣམ་གཉིས་མཇལ་འཕྲད་གནང་འདུག
- སྨན་རིའི་གྲྭ་ཚང་དུ་སྨན་སྒྲུབ་ཆེན་མོ་འོད་ཟེར་འཁྱིལ་བའི་སྒྲུབ་ཆེན་ཚོགས་བཞིན་འདུག
- ཨ་མི་རི་ཀའི་མི་ནི་སོ་ཊ་མངའ་སྡེའི་ནང་བོད་ཕྲུག་གི་ཆེད་སློབ་གྲྭ་གསར་འཛུགས་གནང་རྒྱུར་༧གོང་ས་མཆོག་གིས་མཚན་བྱང་བསྩལ་གནང་འདུག
- ༸གོང་ས་མཆོག་གིས་ཇོ་ནང་༸རྒྱལ་ཚབ་རིན་པོ་ཆེས་དབུས་པའི་ཐའེ་ཝན་གྱི་དད་ལྡན་ཆོས་ཞུ་བ་ ༡༦ ལ་མཇལ་ཁ་སྩལ་བ།
- ལོ་ངོ་བརྒྱ་ལྷག་གི་ལོ་རྒྱུས་ལྡན་པའི་ཨ་ཚོགས་དགོན་གྱི་རིག་དངོས་རྩིས་མེད་ཀྱིས་གནས་སྤོར་བྱེད་བཞིན་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- རྒྱ་ནག་གཞུང་གིས་ཆུ་ཤུགས་གློག་འདོན་ས་ཚིགས་གསར་རྒྱག་ཆེད་ཨ་ཚོགས་བདེ་ཆེན་ཆོས་འཁོར་གླིང་དང་སྡེ་བ་གཉིས་བཙན་གྱིས་གཏོར་བཞིན་ཡོད་འདུག
- སྨར་ཁམས་ཕྱོགས་སུ་ས་ཆའི་བདག་དབང་གི་རྩོད་རྙོག་དང་འབྲེལ་རྒྱ་ནག་གི་ཉེན་རྟོག་པས་ཉུང་མཐར་བོད་མི་བཞི་འཛིན་བཟུང་བྱས་འདུག
- སྲིད་སྐྱོང་མཆོག་གིས་ཨ་རིའི་རྒྱལ་སའི་མངའ་ཁུལ་གྱི་གཞུང་འབྲེལ་མཛད་འཆར་ཁག་དབུ་འཛུགས་གནང་འདུག
- བོད་ཀྱི་སྟོད་མངའ་རིས་རུ་ཐོག་ས་ཁུལ་དུ་གཟའ་སྤེན་པའི་ཉིན་ས་ཡོམས་བརྒྱབ་འདུག་ཀྱང་མི་རྒྱུར་གནོད་འཚེ་ཇི་བྱུང་གསལ་ཁ་མི་འདུག
- རྒྱ་གར་གྱི་གཞུང་འཛིན་ཆབ་སྲིད་ཚོགས་པའི་གྲོས་ཚོགས་འོག་མའི་འོས་མི་ཀན་གྷ་ན་རཱ་ནོཏ་ལགས་སུ་མཇལ་ཁ་བསྩལ་བ།