ཀརྨ་པ་མཆོག་ཝེན་ཁོ་ཝར་གྲོང་ཁྱེར་སྤྱི་ཁྱབ་དང་མཇལ་འདུག

རྒྱལ་དབང་ཀརྨ་པ་ཨོ་རྒྱན་འཕྲིན་ལས་རྡོ་རྗེ་མཆོག་ཁེ་ན་ཏའི་Vancouver གྲོང་ཁྱེར་དུ་གྲོང་ཁྱེར་སྤྱི་ཁྱབ་པ་དང་མཇལ་འཕྲད་ཀྱིས་ཁོར་ཡུག་སྲུང་སྐྱོབ་ཀྱི་ཐབས་ལམ་དང་འཆར་གཞི་སོགས་ཀྱི་ཐད་བཀའ་མོལ་གནང་ཡོད་འདུག
དེ་ཡང་ས་གནས་ནས་དབུས་ལྗོངས་བཀྲ་ཤིས་དགའ་བས་གནས་ཚུལ་སྤེལ་བ་ལྟར་ན། ཟླ་འདིའི་ཚེས་༡༩་ཉིན་རྒྱལ་དབང་ཀརྨ་པ་མཆོག་ཁེ་ན་ཏའི་Vancouver གྲོང་ཁྱེར་ཀྱི་Vancouver City Hall ཞེས་པའི་མངའ་སྡེའི་གྲོང་ཁྱེར་ཀྱི་ལས་ཁུངས་སུ། གྲོང་ཁྱེར་སྤྱི་ཁྱབ་པ་Gregor Robertson མཆོག་གིས་གདན་ཞུས་གནང་བ་བཞིན་གྲོང་ཁྱེར་སྤྱི་ཁྱབ་པ་དང་མཇལ་འཕྲད་ཀྱིས་ཁོར་ཡུག་སྲུང་སྐྱོབ་ཀྱི་ཐབས་ལམ་དང་འཆར་གཞི་སོགས་ཀྱི་ཐད་བཀའ་མོལ་གནང་ཡོད་འདུག
ཚེས་༢༠་ཉིན་ཀ་ལུ་རིན་པོ་ཆེ་སྐུ་གོང་མ་རང་བྱུང་ཀུན་ཁྱབ་ནས་སྤྱི་ལོ་༡༩༧༢་ལོར་ཕྱག་བཏབ་པའི་ཆོས་ཚོགས་བཀའ་བརྒྱུད་ཀུན་ཁྱབ་ཆོས་གླིང་དུ་ཕེབས་ཡོད་པ་དང་། ༧ཀརྨ་པ་མཆོག་གིས་རྒྱལ་དབང་སྐུ་གོང་མ་དང་། འཇམ་མགོན་ཀོང་སྤྲུལ་སྐུ་གོང་མ་སོགས་ཆོས་ཚོགས་འདིར་བྱོན་མྱོང་བའི་ས་གནས་བྱིིན་རླབས་ཅན་འདིར་ངོས་རང་སླེབས་ཐུབ་པར་དགའ་པོ་བྱུང་ཞེས་སོགས་གསུང་བ་དང་སྤྲགས། ཆོས་ཚོགས་ཀྱི་འགན་འཛིན་དབུས་པའི་དད་ལྡན་ཡོངས་ལ་སྒྲོལ་དཀར་རྒྱུན་ཁྱེར་གྱི་ལྗགས་ལུང་བཀའ་དྲིན་ཆེ་གནང་བསྩལ་འདུག

གསར་འགོད་པ་གུ་རུ་ཆོས་སྐྱིད།