རྒྱ་གར་གྱི་སྲིད་བློན་མོ་དྷི་མཆོག་ཨི་སེ་རེལ་ལ་ཕེབས་རྒྱུ་རེད།

རྒྱ་གར་གྱི་སྲིད་བློན་མོ་དྷི་མཆོག་ཨི་སེ་རེལ་ལ་ཕེབས་ནས་ཡུལ་གཉིས་དབར་གཞུང་འབྲེལ་གྱི་སྒོ་མོ་ཕྱེ་རྒྱུ་ཡིན་འདུག
དེ་ཡང་རྒྱ་གར་གྱི་སྲིད་བློན་ནྭ་རནྡར་མོ་དྷི་མཆོག་འདི་ཚེས་༤་རེས་གཟའ་མིག་དམར་ཉིན་ཨི་སེ་རེལ་ལ་གཟིགས་སྐོར་ཐོག་མ་ཕེབས་གནང་གིས། ད་བར་རྒྱ་གར་གྱི་དབུ་ཁྲིད་ཚོས་ཡུལ་དེ་དང་འབྲེལ་ལམ་དེ་ཙམ་བཟང་པོ་བཟུང་མེད་པ་དེར་འགྱུར་བ་བཏང་ནས། དམག་དོན་དང་འཕྲུལ་རིག་གི་ཚད་གཞི་མཐོ་བའི་རྒྱལ་ཁབ་དེ་དང་འབྲེལ་ལམ་མཐོ་རུ་རྒྱུ་གཏོང་རྒྱུ་ཡིན་འདུག
ཉིན་གསུམ་རིང་གི་གཟིཊ་སྐོར་རིང་སྲིད་བློན་མོ་དྷི་ཡིས་ཡུལ་དེའི་སྲིད་བློན་བྭེན་ཇེ་མིན་ནྭ་ཏན་ཡ་ཧུ་(Benjamin Netanyahu)དང་མཇལ་འཕྲད་ཀྱིས་མེ་ཤུགས་འཕུར་མདེལ་བཟོ་སྐྲུན་དང་ཚོང་འབྲེལ། དེ་བཞིན་མི་མེད་གནམ་གྲུ་(Drone)་ལ་སོགས་པའི་སྐོར་ལ་ཚོང་འབྲེལ་གྱི་བཀའ་བསྡུར་གནང་རྒྱུ་ཡིན་འདུག
རྒྱ་གར་ནང་ཨེ་སེ་རེལ་དང་འབྲེལ་ལམ་གནང་ཕྱོགས་ཐད་བསམ་ཚུལ་ཤུགས་ཆེ་ཡོད་པ་བཞིན་རྒྱ་གར་གྲོས་ཚོགས་ཀྱི་འཐུས་མི་ཨ་ས་ཨུ་དྷི་ཨོ་ཝའི་སི་(Asaduddin Owaisi)ཡིས། སྲིད་བློན་མོ་དྷི་ཨེ་སེ་རེལ་ལ་ཕེབས་ན་ཡུལ་དེའི་པ་ལི་སེ་ཊིན་(Palestine)ལ་བཙན་མནོན་ཆེ་རུ་བཏང་གི་རེད་ཅེས་སྐྱོན་བརྗོད་གནང་འདུག
ཕྱི་ཟླ་ལྔ་པའི་ནང་སྲིད་བློན་མོ་དྷི་ཡིས་པེ་ལི་སེཊིན་གྱི་སྲིད་འཛིན་ མྭ་མུདྷ་ ཨ་བྭ་སེ་(MahmoudAbbas)གྱིས་འཕྲོད་བསྟེན་དང་འཕྲུལ་ཆས་མཁོ་སྤྲོད་ཐད་རོགས་སྐྱོར་གནང་རྒྱུའི་ཁས་ལེན་གནང་ཡོད་རེད༎

གསར་འགོད་པ་ཀརྨ་རྒྱ་མཚོ།