ཆབ་སྲིད་བཙོན་ཟུར་འཇིགས་མེད་རྒྱ་མཚོ་ལགས་ཀྱི་མ་ཡུམ་འདས་གྲོངས་སུ་གྱུར་འདུག

2019-09-28
གློག་འཕྲིན།
མཆན།
Share
པར་བཀོད།
བོད་ཀྱི་ཆབ་སྲིད་བཙོན་པ་གྲགས་ཅན་བླ་བྲང་ཨ་ཁུ་འཇིགས་མེད་ལགས་ཀྱི་མ་ཡུམ་སྐར་མ་འཚོ་ལགས་སྙིང་ནད་ཀྱི་དབང་གིས་འདས་གྲོངས་སུ་གྱུར་ཡོད་པ་དང་།ཁོང་གིས་དེ་སྔ་བཙོན་ཁང་ནས་ཨ་མ་ལ་ཡི་གེ་ཞིག་བཏང་ཡོད་པ་ཕྱི་ལ་འཐོན་ཡོད་པ།
བོད་ཀྱི་ཆབ་སྲིད་བཙོན་པ་གྲགས་ཅན་བླ་བྲང་ཨ་ཁུ་འཇིགས་མེད་ལགས་ཀྱི་མ་ཡུམ་སྐར་མ་འཚོ་ལགས་སྙིང་ནད་ཀྱི་དབང་གིས་འདས་གྲོངས་སུ་གྱུར་ཡོད་པ་དང་།ཁོང་གིས་དེ་སྔ་བཙོན་ཁང་ནས་ཨ་མ་ལ་ཡི་གེ་ཞིག་བཏང་ཡོད་པ་ཕྱི་ལ་འཐོན་ཡོད་པ།
བོད་ནས་བཏང་འབྱོར།

སྤྱི་ལོ་༢༠༠༨ལོར་བོད་ནང་ཞི་རྒོལ་བྱུང་བཞིན་པའི་སྐབས་སུ་རྒྱ་ནག་གཞུང་ལ་བརྙན་ལམ་བརྒྱུད་སྐྱོན་བརྗོད་ཤུགས་ཆེ་གནང་མཁན་བླ་བྲང་བཀྲ་ཤིས་འཁྱིལ་གྱི་དགེ་འདུན་པ་འཇིགས་མེད་རྒྱ་མཚོ་ལགས་རྒྱ་ནག་གཞུང་གིས་ཐེངས་མ་བཞི་ལ་འཛིན་བཟུང་དང་ལོ་ལྔ་ལ་བཙོན་འཇུག་བྱས་པ་བརྒྱུད། སྤྱི་ལོ་༢༠༡༦ལོར་གློད་གྲོལ་བཏང་ཡོད་ནའང་ཁོང་ལ་རྒྱ་ནག་གཞུང་གིས་དགོན་པར་ཚོགས་ཞུགས་མི་ཆོག་པ་དང་། གྲྭ་ཆས་གྱོན་མི་ཆོག་པ་སོགས་དམ་དྲག་བསུན་གཙེར་རྒྱུན་མར་བྱེད་བཞིན་པའི་ཁར།ཉེ་ལམ་སྤྱི་ཟླ་༩པའི་ཚེས་༢༣ཉིན་ཁོང་གི་མ་ཡུམ་སྐར་མ་འཚོ་ལགས་སྙིང་གི་ན་ཚས་རྐྱེན་གྱིས་མྱུར་སྐྱོབས་མ་ཐུབ་པར་གློ་བུར་འདས་གྲོངས་སུ་གྱུར་ཡོད་སྐོར་འབྲེལ་ཡོད་རྒྱ་གར་ལྷོ་ཕྱོགས་འབྲས་སྤུངས་སྒོ་མང་གི་གྲྭ་དགེ་འདུན་ཕུན་ཚོགས་ཀྱིས་འགྲེལ་བརྗོད་གནང་གི་འདུག ཨ་ཁུ་འཇིགས་མེད་རྒྱ་མཚོའི་མ་ཡུམ་སྐར་མ་ལགས་ཀྱི་སྙིང་ནད་དེ་ནི་ཨ་ཁུ་འཇིགས་མེད་བཙོན་འཇུག་གི་ལོ་གསུམ་ཙམ་གྱི་རྗེས་སུ་བྱུང་བ་དང་། སྐབས་དེར་ལན་ཀྲུ་གྲོང་ཁྱེར་གྱི་སྨན་ཁང་ནས་གཤག་བཅོས་བྱ་དགོས་པར་བཤད་ཀྱང་གཤག་བཅོས་གནང་མེད་པ་དང་།འཇིགས་མེད་རྒྱ་མཚོ་བཙོན་གྲོལ་ཐོབ་རྗེས་སོ་སོའི་ཨ་མ་ལ་སྨན་བཅོས་དང་ཨ་མ་མ་གྲོངས་སྔོན་ལྷ་སར་མཇལ་སྐོར་དུ་བསྐྱོད་འདུན་གྱིས་ལོ་གསུམ་ལ་ཉེ་བའི་རིང་རྫོང་སྲིད་གཞུང་དང་ཞིང་ཆེན་རིམ་པར་སྙན་ཞུ་ཡང་ཡང་བརྒྱབས་ཏེ།ཉེ་སྔོན་གཞི་ནས་ཁོང་མ་བུ་གཉིས་ལ་རྒྱ་ནག་གཞུང་གིས་ཉི་མ་ཉི་ཤུའི་ཆོག་མཆན་སྤྲད་ཡོད་པ་འགྲེལ་བརྗོད་གནང་གི་འདུག།

མཆན། (0)
Share
དྲ་གནས་ཆ་ཚང༌།