བལ་པོའི་བོུ་ཞིག་ལ་ལྷ་མོའི་སྐུ་རྟེན་ལ་བསྐོ་བཞག་བྱས་ཡོད་པ་རེད་

མའོའི་ཚོགས་པའི་གཞུང་གིས་རང་ལོ་དྲུག་ལ་སོན་པའི་ན་ཆུང་བུ་མོ་ཞིག་སྦཀ་ཊ་པུར་གྲོང་ཁྱེར་གྱི་ལྷ་མོའི་སྐུ་རྟེན་ལ་བསྐོ་བཞག་བྱས་ཡོད་པ་རེད་

2008-09-29
Share

༄༅༎དེ་སྔ་བལ་ཡུལ་གྱི་རྒྱལ་པོའི་དབུ་བླས་བུ་མོ་ན་ཆུང་ལོ་ལྔ་དྲུག་བྱས་པར་ལྷ་མོའི་སྐུ་རྟེན་ལ་བཀོད་སྲོལ་ཡོད་པ་ལྟར་དེ་རིང་མའོའི་ཚོགས་པའི་གཞུང་གིས་རང་ལོ་དྲུག་ལ་སོན་པའི་ན་ཆུང་བུ་མོ་ཤིརི་ཡ་སྦཇེ་ར་ཅར་ཡ་ཞུ་བར་རྒྱལ་ས་ཀཐ་མན་དྲུའི་ཉེ་འདབ་སྦཀ་ཊ་པུར་ཞེས་པའི་གྲོང་ཁྱེར་གྱི་ལྷ་མོའི་སྐུ་རྟེན་ལ་བསྐོ་བཞག་བྱས་ཡོད་པ་རེད་

དེ་ཡང་གྲོང་ཁྱེར་དེའི་གཞུང་གི་རིག་གཞུང་དོ་དམ་ཚན་པའི་དཔོན་རིགས་རྡི་པཀ་སྦ་ཧ་རྡུར་པན་ཌེ་ཞུ་བས་རོའུ་ཀྲར་སེ་གསར་འགྱུར་ལས་ཀང་ལ་གཞུང་གིས་ང་ཚོར་ལྷ་མོའི་སྐུ་རྟེན་བསྐོ་བཞག་བྱ་རྒྱུའི་འགན་དབང་གནང་བ་ལྟར་ང་ཚོས་བུ་མོ་ཤིརི་ཡ་ལ་བསྐོ་བཞག་བྱས་པ་ཡིན་ཞེས་ངོ་སྤྲོད་གནང་ཡོད་པ་དང་ བུ་མོ་ན་ཆུང་དེ་རེས་གཟའ་ཉི་མའི་ཉིན་ནང་པའི་དགེ་འདུན་པ་ཚོས་སྨོན་ལམ་གསོལ་འདེབས་དང་བཅས་ཁྲི་འདོན་བྱས་ཡོད་པ་དང་བུ་མོ་དེར་བལ་ཡུལ་ནང་གི་ཧིན་རྡུ་དང་ནང་པ་ཚོས་ཀུ་མ་རི་ཞེས་ན་སོ་མ་སོན་གྱི་བར་ལྷ་མོའི་ཚུལ་དུ་དད་གུས་གསོལ་འདེབས་བྱེད་ཀྱི་ཡོད་པ་རེད༎

མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎

དྲ་གནས་ཆ་ཚང༌།