ལྡི་ལིར་རྒྱ་ནག་གི་དཔོན་རིགས་ཞིག་སླེབས་སྐབས་བོད་མིས་ངོ་རྒོལ་དང་འཛིན་བཟུང་།


2018.10.23
ལྡི་ལིར་རྒྱ་ནག་གི་དཔོན་རིགས་སླེབས་སྐབས་བོད་མིས་ངོ་རྒོལ་དང་འཛིན་བཟུང་། 2018/10/23 ལྡི་ལིར་རྒྱ་ནག་གི་དཔོན་རིགས་སླེབས་སྐབས་བོད་མིས་ངོ་རྒོལ་དང་འཛིན་བཟུང་། 2018/10/23
སངས་རྒྱས་རྒྱ་མཚོ།/RFA

བོད་ཀྱི་གཞོན་ནུ་ལྷན་ཚོགས་ཀྱི་ཚོགས་མི་ཚོས་ལྡི་ལི་རུ་རྒྱ་ནག་གི་དཔོན་རིགས་ཁག་ཅིག་སླེབས་པ་དང་སྟབས་བསྟུན་ངོ་རྒོལ་སྐད་འབོད་བྱས་རྗེས་འཛིན་བཟུང་བཀག་ཉར་བྱས་འདུག
དེ་ཡང་སྤྱི་ཚེས་༢༣་ཉིན། དབུས་བོད་ཀྱི་གཞོན་ནུ་ལྷན་ཚོགས་དང་ལྡི་ལིའི་ས་གནས་གཞོན་ནུ་ལྷན་ཚོགས་ཁག་གཉིས་བཅས་ཟུང་འབྲེལ་གྱིས་རྒྱལ་ས་ལྡི་ལི་རུ་ཡོད་པའི་རྒྱ་ནག་གཞུང་ཚབ་ཁང་དུ་རྒྱ་ནག་ནས་ཡོང་པའི་རྒྱ་ནག་གཞུང་གི་སྤྱི་བདེ་ལས་ཁུངས་ཀྱི་བློན་ཆེན་ཀྲོ་ཁེ་ཀྲི་(Zhao Kezhi) དང་། རྒྱ་གཞུང་གིས་བོད་རང་སྐྱོང་ལྗོངས་ཞེས་འབོད་པའི་ས་ཁུལ་དེའི་འགོ་ཁྲིད་ཁག་ཅིག་ཡོང་ནས་ཚོགས་འདུ་ཞིག་ཚོགས་བཞིན་ཡོད་པ་གོ་ཐོས་དང་བསྟུན། རྒྱ་ནག་གཞུང་ཚབ་ཁང་གི་མདུན་དུ་ངོ་རྒོལ་སྐད་འབོད་ཀྱི་ལས་འགུལ་ཆུ་ཚོད་གཉིས་ཙམ་རིང་སྤེལ་འདུག ཕྱི་དྲོའི་ཆུ་ཚོད་གསུམ་ཙམ་གྱི་ཐོག་རྒྱ་གར་གྱི་ཉེན་རྟོག་པས་གཞོན་ནུ་ལྷན་ཚོགས་ཀྱི་ཚོགས་མི་༣༥་འཛིན་བཟུང་གིས་ས་གནས་ཀྱི་ཉེན་རྟོག་ཁང་ཞིག་ལ་བཀག་ཉར་བྱས་སོང་སྐོར་དབུས་བོད་ཀྱི་གཞོན་ནུ་ལྷན་ཚོགས་ཀྱི་རྒྱུན་ལས་བཀྲ་ཤིས་དོན་གྲུབ་ལགས་ཀྱིས་ངོ་སྤྲོད་གནང་སོང་།
བཀྲ་ཤིས་དོན་གྲུབ་ལགས་ད་ལྟ་རང་གཞོན་ནུ་ལྷན་ཚོགས་ཀྱི་ཚོིགས་མི་བཀག་ཉར་བྱ་སར་ཕེབས་ནས་ཁོང་ཚོའི་གནས་སྟངས་རྒྱུས་ལོན་བྱེད་དུས་ཁོང་ཚོ་ད་ལྟ་བདེ་འཇགས་ངང་གནས་ཡོད་པ་ལས་ག་དུས་གློད་གྲོལ་གཏོང་གི་ཡོད་མིན་ཤེས་རྟོགས་མེད་ཅེས་བརྗོད་འདུག ཁོང་གིས་ད་རེས་ཁོང་རྣམ་པས་ངོ་རྒོལ་བྱས་དོན་དེ་ནི་རྒྱ་གར་རང་དབང་ལུང་པའི་ནང་འགྲོ་བ་མིའི་ཐོབ་ཐང་བརྩི་སྲུང་མེད་མཁན་རྒྱ་གཞུང་གི་དཔོན་རིགས་ཁག་ཅིག་ཡོང་བར་མཐའ་གཅིག་ཏུ་ངོ་རྒོལ་ཞུ་རྒྱུ་དང་། དེ་བཞིན་རྒྱ་ནག་གི་དཔོན་རིགས་དེ་དག་རྒྱ་གར་ལ་ཕེབས་ནས་རྒྱ་གར་གྱི་དཔོན་རིགས་དང་རྒྱ་གར་ནང་གནས་མཁན་བོད་མི་ཚོར་དམ་བསྒྲགས་དགོས་པའི་སྐོར་བཀའ་མོལ་ཞུ་རྒྱུ་ཡིན་པ་གོ་ཐོས་བྱུང་པས་རྒྱ་གཞུང་གི་དཔོན་རིགས་ཚོར་དེ་ནམ་ཡང་སྒྲུབ་ཐབས་མེད་ཅེས་བརྡ་ལན་སྤྲོད་ཆེད་ཡིན་ཞེས་ངོ་སྤྲོད་གནང་ཡོད་པ་རེད།

གསར་འགོད་པ་གུ་རུ་ཆོས་སྐྱིད།

བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
དབོན་སྟོད་དགོན་པའི་ཕྱག་མཛོད་བགྲེས་པ་དང་གྲོང་ཚོའི་ལས་བྱེད་པ་གཉིས་ཀྱི་གྱོད་དོན་གཞུང་ཕྱོགས་གྱོད་ཞིབ་པར་རྩིས་སྤྲད་ཟིན་འདུག
མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎