མདོ་སྨད་རྨ་ལྷོ་ཁུལ་གཙན་ཚ་རྫོང་དུ་མཆོད་འབུལ།

རྒྱ་ནག་གཞུང་གིས་བཀག་འགོག་བྱས་ཀྱིང་བོད་མི་བཞི་སྟོང་ཙམ་འདུ་འཛོམས་ཀྱིས་ བསྔོ་སྨོན་གནང་འདུག

2012.12.16

༄༅༎ཉེ་ལམ་བོད་མདོ་སྨད་རྨ་ལྷོ་ཁུལ་གཙན་ཚ་རྫོང་དུ་རྒྱལ་གཅེས་དཔའ་བོ་དཔའ་མོ་རྣམས་ཀྱི་ཆེད་མ་ཎི་དུང་སྒྲུབ་དང་བསྔོ་སྨོན་མཆོད་འབུལ་གནང་ཡོད་འདུག
རྨ་ལྷོ་ཁུལ་གཅན་ཚ་རྫོང་དང་སྤྱི་ལེ་བཅོ་ལྔ་ཙམ་གྱི་མཚམས་སུ་ཡོད་པའི་ཀླུ་རྒྱལ་སྡེ་བའི་མ་ཎི་ཁང་དུ། ས་གནས་ཀྱི་བླ་མ་ཨ་ལགས་ལྷ་སྡེ་རིན་པོ་ཆེ་ཚོགས་མགོན་དུ་གདན་ཞུའི་ཐོག་ གཅན་ཚ་ས་གནས་སེར་སྐྱ་མི་མང་དང་། ས་གནས་གཞན་ནས་ཡོང་བའི་བོད་མི་བཅས་མི་མང་ ༤༠༠༠ ཙམ་འདུ་འཛོམས་གནང་སྟེ། ཉིན་གསུམ་རིང་བོད་ནང་རང་ལུས་མེར་བསྲེཊ་གནང་མཁན་རྣམས་ཀྱི་སྐུ་པར་བཤམས་པ་དང་མཆོད་མེད་བསྒྲོན་ཏེ། བོད་བསྟན་སྲིད་ཆེད་རང་ལུས་མེར་བསྲེཊ་ཀྱིས་རྒྱ་གཞུང་ལ་ངོ་རྒོལ་གནང་མཁན་རྒྱལ་གཅེས་དཔའ་བོ་དཔའ་མོ་ཡོངས་ཀྱི་ཆེད་མ་ཎི་དུང་སྒྲུབ་ཆེན་མོ་དང་བསྔོ་བ་སྨོན་མཆོད་འབུལ་རྒྱ་ཆེ་ཞིག་ཚོགས་ཡོད་ལུགས་བོད་ཀྱིས་དུས་བབ་ཀྱིས་དེ་རིང་གནས་ཚུལ་སྤེལ་འདུག ཐེངས་འདིའི་མ་ཎི་དུང་སྒྲུབ་ཆེན་མོ་ཚོགས་པའི་ཐད་རྒྱ་ནག་གཞུང་གིས་བཀག་འགོག་བྱས་ཡོད་ཀྱང་། ས་གནས་མི་མང་གིས་མཐུན་སྒྲིལ་རྡོག་རྩ་གཅིག་སྒྲིལ་གྱིས་འབད་པ་བྱས་མཐར་ཚོགས་ཐུབ་པ་བྱུང་ཡོད་འདུག་མོད། མ་འོངས་པར་སྡེ་བ་གཞན་དག་གིས་རིམ་པས་མ་ཎི་དུང་སྒྲུབ་ཆེན་མོ་ཚོགས་འཆར་ཡོད་པའི་ཐད་རྒྱ་གཞུང་གིས་བཀག་འགོག་བྱ་རྒྱུའི་ཉེན་ཁ་བཏང་ཡོད་འདུག།

བལྟ་བཤེར་མང་ཤོས་བྱས་པའི་གནས་ཚུལ།
RFA
སྲིད་སྐྱོང་མཆོག་གིས་ཁེ་ཎ་ཌའི་ནང་ཆོས་ཚོགས་ཁག་གི་དབུ་འཛིན་དང་གཞོན་སྐྱེས་ཁག་བཅས་དང་མཇལ་འཕྲད་གནང་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
ཆོས་རིག་དྲུང་ཆེ་འཆི་མེད་ཚེ་དབྱངས་ལགས་དགུང་གྲངས་༥༢ཐོག་འདས་གྲོངས་སུ་ཕྱིན་འདུག
མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎