ཐེ་ཝན་སྲིད་འཛིན་གྱིས་ཨ་རིའི་གྲོས་ཚོགས་འོག་མའི་ཚོགས་གཙོ་དང་བཀའ་མོལ།

2019-07-15
གློག་འཕྲིན།
མཆན།
Share
པར་བཀོད།
ཐེ་ཝན་གྱི་སྲིད་འཛིན་ལྕམ་(Tsai Ing-wen)་དང་ཧཱེ་ཏེ་(Haiti)་ཡུལ་གྱི་སྲིད་འཛིན(Jovenel Moses) རྣམ་གཉིས། ༢༠༡༩།༧།༡༣
ཐེ་ཝན་གྱི་སྲིད་འཛིན་ལྕམ་(Tsai Ing-wen)་དང་ཧཱེ་ཏེ་(Haiti)་ཡུལ་གྱི་སྲིད་འཛིན(Jovenel Moses) རྣམ་གཉིས། ༢༠༡༩།༧།༡༣
AFP

ཐེ་ཝན་གྱི་སྲིད་འཛིན་ལྕམ་(Tsai Ing-wen)་མཆོག་གིས་ནེའུ་ཡོག་ནས་ཨ་རིའི་གྲོས་ཚོགས་འོག་མའི་ཚོགས་གཙོ་དང་ཞལ་པར་བརྒྱུད་བཀའ་མོལ་གནང་འདུག
ཐེ་ཝན་གྱི་སྲིད་འཛིན་ལྕམ་(Tsai Ing-wen)་མཆོག་གིས་ད་རེས་(Carribean)གླིང་ཕྲན་གྱི་རྒྱལ་ཁབ་ཁག་ཅིག་ནང་གཞུང་དོན་འཚམས་གཟིགས་གནང་བཞིན་པར་རེས་གཟའ་སྤེན་པའི་ཉིན་ཧཱེ་ཏེ་(Haiti)རྒྱལ་ཁབ་ནང་ཕེབས་ནས་
ཀ་རི་བི་ཡན་གླིང་ཕྲན་གྱི་རྒྱལ་ཁབ་ཁག་ནང་ཞི་བདེ་སྲ་བརྟན་ཡོང་བའི་ཐུགས་རེ་གསལ་བཏོན་གནང་བ་དང་ཆབས་ཅིག ཧཱེ་ཏེ་(Haiti)ནང་ཐེ་ཝན་གྱི་ཐོན་བསྐྱེད་འགྲེམས་སྟོན་ཞིག་དབུ་འབྱེད་དང་འབྲེལ་ཡུལ་དེའི་སྲིད་འཛིན་དང་མཇལ་མོལ་གྱིས་ཕྱོགས་གཉིས་དབར་གཞི་ཡུལ་འདྲ་མིན་ཐོག་མ་འོངས་མཉམ་འབྲེལ་གནང་རྒྱུའི་ཐུགས་རེ་གནང་འདུག
ཐེ་ཝན་གྱི་སྲིད་འཛིན་ལྕམ་(Tsai Ing-wen)་མཆོག་(Carribean)་ཁུལ་དུ་མ་ཕེབས་གོང་། ལམ་ཞོར་ཨ་རིའི་གྲོང་ཁྱེར་ནེའུ་ཡོག་གྲོང་ཁྱེར་དུ་ཨ་རིའི་འབྲེལ་ཡོད་དཔོན་རིགས་ཁག་དང་ལྷན་མཇལ་མོལ་དང་། ཨ་རིའི་རྒྱལ་ཡོངས་གྲོས་ཚོགས་འོག་མའི་ཚོགས་གཙོ་ལྕམ་ནན་སེ་(Nancy Pelosi)་མཆོག་དང་ལྷན་ཞལ་པར་བརྡ་འཕྲིན་ཐོག་གྲོས་མོལ་གནང་ཡོད་པ་དང་། སྐབས་དེར་ཨ་རིའི་གྲོས་ཚོགས་འོག་མས་༢༠༢༠ཐམ་པའི་ལོ་འཁོར་སྔོན་རྩིས་ནང་། རྒྱལ་ཡོངས་བདེ་འཇགས་སྲུང་སྐྱོབ་ཁྲིམས་གཞིའི་ནང་གསེས་ཚན་པ་ཞིག་ནང་ཨ་རིས་ཐེ་ཝན་ལ་གོ་མཚོན་མུ་མཐུད་དུ་ཚོང་བསྒྱུར་ཐད་རྒྱབ་སྐྱོར་གནང་རྒྱུའི་ཁྲིམས་གཞི་གཏན་འབེབ་གནང་ཡོད་པར་སྲིད་འཛིན་ལྕམ་(Tsai Ing-wen)་གྱིས་བཀའ་དྲིན་ཆེ་ཞེས་གསུངས་ཡོད་པ། ཐེ་ཝན་རྒྱལ་ཡོངས་བདེ་འཇགས་ལྷན་ཁང་གི་དྲུང་ཆེ་གཞོན་པ་དམག་དཔོན་(Tsai Ming-yen)་གིས་ཐེ་པེ་དུས་བབ་ལ་གསུངས་འདུག

མཆན། (0)
Share
དྲ་གནས་ཆ་ཚང༌།