རྒྱ་ནག་གཞུང་གིས་བོད་ནང་གི་ཆོས་དད་རང་དབང་ལ་གུས་བརྩི་དགོས་བ་ཨ་རིའི་བོད་དོན་དམིགས་བསལ་འབྲེལ་མཐུད་པས་སྐུལ་ལྕགས་གནང་འདུག

རྒྱ་ནག་གཞུང་གིས་བོད་ནང་གི་ཆོས་དད་རང་དབང་ལ་གུས་བརྩི་དགོས་བ་ཨ་རིའི་བོད་དོན་དམིགས་བསལ་འབྲེལ་མཐུད་པས་སྐུལ་ལྕགས་གནང་པ།

ད་བར་གར་སོང་ཆ་མེད་དུ་གྱུར་བའི་པཎ་ཆེན་དགེ་འདུན་ཆོས་ཀྱི་ཉི་མ་མཆོག་གར་ཡོད་དཔང་རྟགས་ར་སྤྲོད་གསལ་སྟོན་དགོས་པ་དང་། བོད་ནང་གི་ཆོས་དད་རང་དབང་ལ་གུས་བརྩི་དགོས་བ་ཨ་མི་རི་ཀའི་བོད་དོན་དམིགས་བསལ་འབྲེལ་མཐུད་པ་ལྕམ་(Uzra Zeya)་ལགས་དང་། ཨ་རིའི་ཕྱི་སྲིད་ལས་ཁང་གི་རྒྱལ་སྤྱིའི་ཆོས་དད་རང་དབང་ལྷན་ཚོགས་ཀྱི་ཚོགས་གཙོ་སྐུ་ཞབས་(Rashad Hussain)་ལགས་གཉིས་ཀྱིས་སོ་སོར་(Twitter)་བརྒྱུད་རྒྱ་ནག་ལ་སྐུལ་ལྕགས་གནང་འདུག

On the Panchen Lama Gedhun Choekyi Nyima’s 34th birthday, we call on the PRC to provide proof of his whereabouts & well-being and allow him to speak for himself. We support Tibetans’ right to freedom of religion & ability to select, educate, and venerate their religious leaders.

— Under Secretary Uzra Zeya (@UnderSecStateJ) April 25, 2023

དེ་ཡང་འདི་ཚེས་༢༥པཎ་ཆེན་རིན་པོ་ཆེའི་འཁྲུངས་སྐར་ཉིན། ཨ་མི་རི་ཀའི་བོད་དོན་དམིགས་བསལ་འབྲེལ་མཐུད་པ་ལྕམ་(Uzra Zeya)་ལགས་ཀྱིས། རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱིས་༧པཎ་ཆེན་རིན་པོ་ཆེ་གང་དུ་ཡོད་མེད་དང་། ཁོང་གི་བདེ་དོན་ཐད་ར་སྤྲོད་ཐུབ་པའི་དཔང་རྟགས་སྤྲོད་དགོས། པཎ་ཆེན་རིན་པོ་ཆེ་ཁོང་ཉིད་ལ་ཁོང་གི་སྐོར་གསུངས་འཇུག་དགོས་པའི་འབོད་སྐུལ་བྱེད་ཀྱི་ཡོད། ཨ་མི་རི་ཀས་བོད་མི་མང་གི་ཆོས་དད་རང་དབང་ལ་རྒྱབ་སྐྱོར་གནང་གི་ཡོད་པ་དང་། བོད་མི་རྣམས་ཀྱིས་རང་གི་ཆོས་ཕྱོགས་ཀྱི་དབུ་ཁྲིད་རྣམ་པའི་ཡང་སྲིད་ངོས་འཛིན་ཞུ་རྒྱུ་དང་སློབ་གཉེར་འབུལ་རྒྱུ། དེ་བཞིན་དད་གུས་ཞུ་རྒྱུ་ལ་སོགས་པར་རྒྱབ་སྐྱོར་གནང་གི་ཡོད་སྐོར་བསྒྲགས་འདུག

PRC authorities reportedly disappeared Panchen Lama Gedhun Choekyi Nyima almost 28 years ago. He has not been seen in public since he was age 6. Today, on his 34th birthday, we send wishes for his health and wellbeing and call on the PRC to respect religious freedom for all.

— U.S. Ambassador at Large Rashad Hussain (@IRF_Ambassador) April 25, 2023

དེ་བཞིན་ཨ་རིའི་རྒྱལ་སྤྱིའི་ཆོས་དད་རང་དབང་ལྷན་ཚོགས་ཀྱི་ཚོགས་གཙོ་སྐུ་ཞབས་(Rashad Hussain)་ལགས་ཀྱིས། རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱིས་༧པཎ་ཆེན་དགེ་འདུན་ཆོས་ཀྱི་ཉི་མ་མཆོག་ལོ་ངོ་༢༨གོང་གར་སོང་ཆེ་མེད་དུ་བཏང་ཡོད། ཁོང་དགུང་གྲངས་༦ལ་ཕེབས་པའི་རྗེས་སུ་ད་བར་མང་ཚོགས་ནང་མཇལ་རྒྱུ་མེད་པར་གྱུར་བ་དང་། ད་ཆ་དགུང་གྲངས་༣༤ལ་ཕེབས་པའི་སྐུའི་འཁྲུངས་སྐར་ཉིན་མོ་དང་བསྟུན་ནས་ཁོང་སྐུ་ཁམས་གསལ་ཐང་ཡོད་པའི་སྨོན་འདུན་ཞུ་རྒྱུ་དང་། རྒྱ་ནག་གཞུང་གིས་མི་མང་ཡོངས་ཀྱི་ཆོས་དད་རང་དབང་ལ་གུས་བརྩི་ཞུ་དགོས་པའི་སྐུལ་མ་གནང་གི་ཡོད་པ་བྲིས་འདུག

གསར་འགོད་པ། སེང་གེ་རི་བསོད་ནམས་ལྷ་མོ།
རྩོམ་སྒྲིག་པ། རིག་ལྡན་སྒྲོལ་མ།
དྲྭ་ཐོག་རྩོམ་སྒྲིག་པ། དཔལ་ལྡན་རྒྱལ།
དྲྭ་ཐོག་སྤེལ་མཁན། ཀླུ་འབུམ།